Isaayyaas 48:1-22
48 Yaa mana Yaaqoob,Isin warri maqaa Israaʼeliin of waamtanii+ fiBishaanota Yihudaa keessaa dhuftan,*Isin warri dhugaa fi qajeelummaadhaan taʼuu baatus+Maqaa Yihowaatiin kakattannii+ fiMaqaa Waaqa Israaʼel waammattan, kana dhagaʼaa.
2 Isaan maqaa magaalaa qulqulluu sanaatiin of waamu,+Gargaarsa Waaqa IsraaʼelIsa maqaan isaa Yihowaa Gooftaa Raayyaa taʼe sanaas ni barbaadu.+
3 “Ani wantoota duraanii* yeroo dheeraa dura isinitti himeera.
Afaanuma kootu kana dubbate,Akka beekaman kan godhees ana dha.+
Akkuma tasaa tarkaanfii nan fudhadhe, isaanis ni taʼan.+
4 Ati hammam didaa akka taate,Mormi kee ribuu sibiilaa, addi kees sibiila diimaa akka taʼe waanan beekuuf,+
5 Bara dheeraa dura sitti himeera.
Ati, ‘Waaqni tolfamaan koo kana godheera;Fakkiin koo inni bocamaanii fi fakkiin koo inni sibiila irraa tolfame* kana ajajeera’ akka hin jenneef,Kun raawwatamuu isaa dura waaʼee isaa akka dhageessu godheera.
6 Ati kana hundumaa dhageesseetta, argiteettas.
Kana hin labsituu?+
Ani ammaa jalqabee wantoota haaraa,Iccitiiwwan dhoksaatti qabamanii fi ati hin beekne sitti nan beeksisa.+
7 Ati ‘Kunoo, ani duruma iyyuu isaan nan beeka’ akka hin jennetti,Wantoonni ati kanaan dura matumaa hin dhageenye kunBara dheeraa dura utuu hin taʼin amma uumaman.
8 Lakki, ati hin dhageenye,+ ati hin beekne,Kanaan dura gurri kee hin banamne.
Ati baayʼee gantuu taʼuu kee,+Erga dhalattee jalqabees yakkamaa jedhamtee waamamaa akka turte nan beeka.+
9 Haa taʼu malee, ani maqaa kootiif jedhee dheekkamsa koo nan ittisa;+Ulfina kootiif jedhee of nan toʼadha,Si hin balleessus.+
10 Kunoo, akka meetiitti taʼuu baatus si qulqulleesseera.+
Rakkina akka iddoo ibiddaa sibiila itti baqsanii taʼe keessatti si qoreera.*+
11 Ofii kootiif jedhee, eeyyee, ofii kootiif jedhee tarkaanfii nan fudhadha;+Akkamittan of xureessuu dandaʼa?+
Ani ulfina koo eenyuuf iyyuu hin kennu.*
12 Yaa Yaaqoob, yaa Israaʼel isan waame nana, na dhagaʼi.
Ani isuma sana.+ Ani isa jalqabaa ti, isa xumuraa tis.+
13 Buʼuura lafaa kan kaaʼe harkuma koo ti,+Samiiwwan kan diriirses harka mirgaa koo ti.+
Yeroon isaan waamu, isaan waliin ni dhaabbatu.
14 Hundi keessan walitti qabamaatii dhagaʼaa.
Isaan gidduudhaa wantoota kana kan beeksise eenyu?
Yihowaan isa jaallateera.+
Inni wanta isa gammachiisu Baabilon irratti ni raawwata,+Irreen isaas Kaladoota irratti ni dhufa.+
15 Ani dubbadheera, isa waameeras.+
Ani isa fideera, daandiin isaas milkaaʼina ni argata.+
16 Natti dhihaadhaatii kana dhagaʼaa.
Ani jalqabaa kaasee dhoksaatti hin dubbanne.+
Yeroo inni itti raawwatamee jalqabee achin ture.”
Ammas Yihowaan Gooftaa Ol Aanaan anaa fi hafuura isaa ergeera.*
17 Yihowaan inni si furu, Inni Qulqulluun kan Israaʼel akkana jedha:+
“Ani Waaqa kee YihowaaIsa wanta si fayyadu* si barsiisu,+Karaa irra deemuu qabdu irras si geggeessu dha.+
18 Ajajawwan koo xiyyeeffannaadhaan utuu dhageesseetta taʼee akkam gaarii ture!+
Silaa nagaan kee akkuma lagaa,+Qajeelummaan kees akkuma dambalii galaanaa ni taʼa.+
19 Sanyiin kee, ijoolleen kees,Akkuma cirrachaa hedduu ni taʼu.+
Maqaan isaaniis matumaa ana duraa hin haqamu yookiin haxaaʼamee hin balleeffamu.”
20 Baabilon keessaa baʼaa!+
Kaladoota jalaas baqadhaa!
Ililchuudhaan kana beeksisaa! Labsaa!+
Hamma andaara lafaatti beeksisaa.+
Akkana jedhaa: “Yihowaan tajaajilaa isaa Yaaqoobiin fureera.+
21 Yommuu inni gammoojjii keessa isaan geeggeessaa turetti isaan hin dheebonne.+
Qarsaa keessaa bishaan akka isaaniif burqu ni godhe;Qarsaa baqaqsees bishaan akka dhangalaʼu ni godhe.”+
22 “Hamoonni nagaa hin qaban” jedha Yihowaan.+
Miiljaleewwan
^ Ykn tarii, “Yihudaadhaa gad buʼan.”
^ Kal., “jalqabaa.”
^ Ykn., “siidaan koo inni baqfamee tolfame.”
^ Ykn tarii, “si filadheera.”
^ Ykn., “hin hiru.”
^ Ykn., “hafuura isaa wajjin na ergeera.”
^ Ykn., “faayidaa keetiif.”
