Isaayyaas 64:1-12
64 Siin kan kaʼe gaaronni akka kirkiraniif,Maal taʼa samiiwwan tarsaastee utuu gad buutee!
2 Silaa akkuma ibiddi hanxaxii qabsiisee,Bishaan danfisutti,Maqaan kee diinota kee biratti ni beekama,Saboonnis si duratti ni raafamu turan!
3 Wantoota nama sodaachisan warra nuti abdachuu hin dandeenye yeroo raawwattetti,+Ati gad ni buute, gaaronnis si duratti ni kirkiran.+
4 Bara duriitii jalqabee si Waaqa isa warra abdiidhaan* isa eeggataniif jedhee tarkaanfii fudhatuun alattiWaaqni kan biraan jiraachuu isaa kan dhagaʼe yookiin gurra isaatiin kan dhaggeeffateYookiin ija isaatiin kan arge tokko illee hin jiru.+
5 Ati warra gammachuudhaan wanta sirrii taʼe raawwatan,+Warra si yaadatanii fi daandiiwwan kee hordofanii wajjin wal argiteetta.
Kunoo, yeroo nuti cubbuu hojjechuu keenya itti fufnetti, ati ni dheekkamte,+Nuti yeroo dheeraadhaaf akkana goone.
Maarree, amma ooluu qabnaa?
6 Hundi keenya akka nama xuraaʼee ni taane,Hojiin qajeelummaa keenyaa hundis akkuma huccuu laguu ni taʼe.+
Hundi keenya akkuma baalaatti ni coolligna,Balleessaan keenyas akkuma bubbeetti nu fudhatee sokka.
7 Namni maqaa kee waammatu tokko illee hin jiru,Namni si qabachuuf kakaʼu tokko illee hin jiru,Sababiin isaas, ati fuula kee nu jalaa dhoksiteetta,+Dogoggora keenyaan kan kaʼes* akka dhumnu* gooteetta.
8 Amma garuu yaa Yihowaa, ati Abbaa keenya.+
Nuti suphee dha, ati immoo Suphe Dhooftuu* dha;+Hundi keenya hojii harka keetii ti.
9 Yaa Yihowaa, garmalee nutti hin dheekkamin,+Balleessaa keenyas bara baraaf hin yaadatin.
Hundi keenya saba kee waan taaneef, maaloo, gara keenya ilaali.
10 Magaalonni kee warri qulqulluun lafa onaa taʼaniiru.
Xiyoon lafa onaa taateetti,Yerusaalem ona taateetti.+
11 Manni qulqullummaa keenya inni ulfina qabeessa* taʼe,Bakki abbootiin keenya itti si jajachaa turanIbiddaan gubameera,+Wantoonni bakka guddaa kenninuuf hundis barbadaaʼaniiru.
12 Yaa Yihowaa, kana hundumaa booda illee ati tarkaanfii fudhachuu irraa duubatti jettaa?
Calluma jettee ilaaltaa? Akka malee akka miidhamnu hoo ni heyyamtaa?+
Miiljaleewwan
^ Ykn., “obsaan.”
^ Kal., “Harka dogoggora keenyaatiin.”
^ Kal., “baqnu.”
^ Ykn., “isa nu tolche.”
^ Ykn., “bareedaa.”
