Iyyoob 27:1-23
27 Iyyoob akkana jedhee haasaa* isaa itti fufe:
2 “Ani Waaqa isa jiraataa, isa haqa na dhowwateen,+Isa Hundumaa Dandaʼu, isa jireenya* natti hadheesseen+ nan kakadha,
3 Hafuurri koo na keessa hamma jirutti,Hafuurri Waaqayyo biraa dhufes funyaan koo keessa hamma jirutti,+
4 Hidhiin koo jalʼina hin dubbatu;Arrabni koos gowwoomsaadhaan hin gungumu!
5 Isin qajeelota akka taatan dubbachuun anaaf wanta hin yaadamne dha!
Hamman duʼutti amanamummaa koo hin dhiisu!*+
6 Qajeelummaa koo nan eeggadha, matumaas hin gadhiisu;+Hamman lubbuudhaan jirutti* garaan koo na hin ceephaʼu.*
7 Diinni koo akka nama hamaa haa taʼu,Warri na miidhanis akka jalʼootaa haa taʼan.
8 Namni Waaqa hin qabne* yeroo balleeffamu,Yeroo Waaqayyo isa* ajjeesu abdii maalii qabaata?+
9 Yeroo dhiphinni isatti dhufu,Waaqayyo iyya isaa ni dhagaʼaa?+
10 Yookiin inni Isa Hundumaa Dandaʼutti ni gammadaa?
Yeroo hundumaa Waaqayyoon ni waammataa?
11 Ani waaʼee humna Waaqayyoo* isinan barsiisa;Waaʼee Isa Hundumaa Dandaʼuu homaa hin dhoksu.
12 Hundi keessan iyyuu mulʼata argitaniittu taanaan,Dubbiin keessan guutummaatti duwwaa kan taʼe maaliifi?
13 Qoodni namni hamaan Waaqayyo biraa argatu,+Dhaalli cunqursitoonni Isa Hundumaa Dandaʼu biraa argatan kana dha.
14 Ilmaan isaa yoo baayʼatan iyyuu goraadeedhaan ni dhumu,+Sanyiiwwan isaas nyaata gaʼaa hin argatan.
15 Warri lubbuudhaan isaaf oolan dhaʼichaan awwaalamu,Haadhotiin manaa isaaniis isaaniif hin booʼan.
16 Inni meetii akka biyyootti yoo walitti qabate,Uffata gaggaariis akka biyyoo supheetti yoo walitti kuufate illee,
17 Kan walitti qabate isa taʼus,Namni qajeelaan isa ni uffata,+Namoonni qulqulluunis meetii isaa ni hiratu.
18 Manni inni ijaaru akkuma manʼee raammoo dadhabaa dha,Akkuma daasii+ waardiyyaan ijaaruu ti.
19 Sooressa taʼee ni ciisa, garuu homaa walitti hin qabatu;Yommuu ija isaa banatu, homtuu achi hin jiru.
20 Sodaan akka lolaatti tasa isa irra baʼa;Obomboleettiin halkaniin butee isa fudhata.+
21 Bubbeen bahaa isa fudhatee sokka, innis sana booda hin jiru;Iddoo isaatiis haxaaʼee isa balleessa.+
22 Humna bubbee sanaa jalaa baqachuuf yeroo wixxifatu,+Gara laafina tokko malee isa irratti lafa dhaʼa.+
23 Inni isa irratti harka isaa walitti rukuta,Iddoo isaa irraas isatti siiqsa.*+
Miiljaleewwan
^ Kal., “mammaaksa.”
^ Ykn., “lubbuu.”
^ Ykn., “of irraa hin fuudhu; nan eega.”
^ Ykn., “Guyyoota koo keessaa isa kamiif iyyuu.”
^ Ykn., “hin arrabsu.”
^ Ykn., “lubbuu isaa.”
^ Ykn., “Gantuun.”
^ Ykn tarii, “harka Waaqayyootiin.”
^ Ykn tarii, “Isaan harka isaanii isa irratti walitti ni rukutu, iddoo isaaniitiis isatti ni siiqsu.”
