Wangeela Maarqos 16:1-8
-
Yesuus duʼaa kaafame (1-8)
16 Sanbanni+ erga darbee boodas, Maariyaam ishiin Magdalaa, Maariyaam+ haati Yaaqoobii fi Salomeen dhaqanii reeffa isaa dibuuf urgooftuu bitan.+
2 Guyyaa jalqabaa torban sanaatti ganama barii akkuma aduun baateen gara awwaalichaa* dhufan.+
3 Isaan, “Eenyutu afaan awwaalichaa irraa dhagicha nuuf gangalcha?” waliin jechaa turan.
4 Yommuu ol jedhanii ilaalan garuu, dhagichi akka malee guddaa taʼus, afaan awwaalichaa irraa akka gangalfame argan.+
5 Yommuu gara awwaalichaatti seenanis dargaggeessa uffata adii uffatee karaa mirgaa taaʼe tokko arganii baayʼee naʼan.
6 Innis akkana isaaniin jedhe: “Hin naʼinaa.+ Isin Yesuus nama Naazireet isa muka irratti fannifamee ture sana barbaadaa jirtu. Inni duʼaa kaafameera.+ Amma as hin jiru. Kunoo, bakka isaan reeffa isaa kaaʼanii turan ilaalaa.+
7 Haa taʼu malee dhaqaatii, ‘Inni isin dursee gara Galiilaa ni dhaqa.+ Akkuma isinitti himee tures achitti isa ni argitu’ jedhaatii barattoota isaa fi Pheexirositti himaa.”+
8 Kanaafuu, isaan achii baʼanii hollachaa fi ajaaʼibsiifachaa awwaalicha biraa baqatan. Isaan sodaadhaan kan kaʼe nama tokkotti iyyuu homaa hin dubbanne.*+
Miiljaleewwan
^ Ykn., “awwaala yaadannoo.”
^ Akka barreeffamoonni bara durii dhugaa taʼan ibsanitti, Wangeelli Maarqos jechoota lakk. 8 irratti argamaniin xumurama. Kutaa Dabalataa A3 ilaali.
