Weedduu Weedduu caalu 1:1-17
-
Weedduu weedduu caalu (1)
-
Shamarree (2-7)
-
Ijoollee durbaa Yerusaalem (8)
-
Mootii (9-11)
-
‘Faayawwan warqii siif tolchina’ (11)
-
-
Shamarree (12-14)
-
‘Jaalalleen koo anaaf akkuma korojoo qumbii urgaaʼuu ti’ (13)
-
-
Tiksee (15)
-
“Yaa jaalallee too, ati bareedduu dha”
-
-
Shamarree (16, 17)
-
“Yaa jaalallee koo, ati bareedaa dha” (16)
-
1 Weedduu weedduu caalu, kan Solomoon:+
2 “Ibsi jaalalaa kee daadhii wayinii irra waan wayyuuf,+Dhungoo afaan keetiitiin na dhungadhu.
3 Urgaan zayitii keetii nama gammachiisa.+
Maqaan kee akkuma zayitii urgaaʼaa dhangalaafamee ti.+
Shamarran kan si jaallatan kanaafi.
4 Na fudhadhuu* badi; haa fiignu.
Mootichi gara kutaa isaa isa keessaatti na galcheera!
Yeroo gaarii waliin haa dabarsinu, haa gammannus.
Daadhii wayinii caalaa ibsa jaalalaa kee haa jajannu.*
Isaan* dhugumaan si jaallatu.
5 Yaa ijoollee durbaa Yerusaalem, ani gurraattii taʼus bareedduu dha;Ani akkuma dunkaanota Qeedaar,+ akkuma huccuuwwan dunkaanaa+ Solomooni.
6 Gurraattii waanan taʼeef xiyyeeffannaadhaan na hin ilaalinaa,Kanan gurraachaʼe aduun waan na gubeefi.
Obboloonni koo natti aaranii turan;Isaan maasii wayinii akkan eegu na ramadan,Taʼus ani maasii wayinii koo hin eegne.
7 Yaa isan baayʼee jaalladhuu*, natti himi,Bushaayee kee eessa dheechista?+
Guyyaa saafaa hoo eessa isaan boqochiista?
Ani maaliifan bushaayee michoota keetii gidduuttiAkka dubartii shaashii* haguuggattee taʼa?”
8 “Yaa ishii dubartoota hunda caalaa bareedduu taate nana, kana hin beektu taanaan,Dhaqi, kottee bushaayee hordofiitiiXobbaallaa reʼoota keetii dunkaanota tiksitootaa cinaa dheechisi.”
9 “Yaa jaalallee too, farda dhaltuu* gaariiwwan fardaa Faraʼoon+ gidduu jirtuu wajjinan wal si fakkeessa.
10 Maddiin* kee faayawwaniin,*Mormi kees faaya mormaatiin miidhagfameera.
11 Nuti faayawwan warqiiMeetiidhaan miidhagfaman siif tolchina.”
12 “Mootichi yommuu minjaala isaa isa geengoo taʼe bira taaʼee jirutti,Urgooftuun*+ koo ni urgaaʼa.
13 Jaalalleen koo anaaf akkuma korojoo qumbii+ urgaaʼuu fiHarma koo gidduu buluu ti.
14 Jaalalleen koo anaaf akkuma biqiltuu hiinnaa walitti tuutaʼee+Maasiiwwan wayinii Een Gedii+ gidduu jiruu ti.”
15 “Yaa jaalallee too, ati bareedduu dha.
Ati bareedduu dha. Ijji kee akkuma ija gugee* ti.”+
16 “Yaa jaalallee koo, ati bareedaa* dha, gammachiisaa dhas.+
Sireen keenya baala gidduu dha.
17 Baattuuwwan baaxii mana keenyaa* mukeetii gaattiraa ti,Utubaawwan keenyas mukeetii birbirsaa ti.
Miiljaleewwan
^ Kal., “Na harkisii.”
^ Ykn., “haa dubbannu.”
^ Jechuunis shamarran.
^ Ykn., “Yaa isa lubbuun too baayʼee jaallattuu.”
^ Ykn., “shaashii gaddaa.”
^ Ykn., “farda dhaltuu koo.”
^ Ykn., “Boqoon.”
^ Ykn tarii, “foʼaawwan rifeensaa gidduutti.”
^ Ykn., “Naardosiin.”
^ Ykn., “makoodii; andarii.”
^ Ykn., “miidhagaa.”
^ Ykn., “mana keenya isa guddaa.”
