Weedduu Weedduu caalu 4:1-16
4 “Yaa jaalallee too, ati bareedduu dha.
Ati bareedduu dha.
Ijji kee shaashii kee keessatti akkuma ija gugee ti.
Rifeensi kee akkuma tuuta reʼootaaGaarota Giiliyaad+ irraa gad yaaʼuu ti.
2 Ilkaan kee akkuma hoolota reefuu rifeensi irraa murameeDhiqamanii gad baʼaa jiranii ti,Hundi isaanii lakkuu lakkuu dhalu,Isaan keessaa ilmoo ishii kan dhabde tokko illee hin jirtu.
3 Hidhiin kee akkuma foʼaa diimaa ti,Dubbiin kees namatti tola.
Maddiin* kee shaashii kee keessattiAkkuma romaanii bakka lamatti hiramee ti.
4 Mormi kee+ akkuma masaraa Daawit+Isa dhagaa wal irra kaaʼameen ijaaramee,Isa gaachanni kumni irratti fannifamuu,Isa gaachanni namoota jajjaboo hundi irratti fannifamuu ti.+
5 Harmi kee lamaan akkuma ilmoolee borofaa lamaa ti;Akkuma borofa lakkuu+Abaaboowwan gidduu dheedanii ti.”
6 “Yeroon guyyichi itti qilleensaʼu gaʼuu isaa fi gaaddisni darbuu isaa dura,Ani gara gaara qumbiitti,Gara tabba ixaana adiittis+ karaa koo nan qajeela.”
7 “Yaa jaalallee too, ati guutummaatti bareedduu dha,+Mudaa tokko illee hin qabdu.
8 Yaa misirroo too, Libaanon+ irraa naa wajjin kottu,Libaanon irraa naa wajjin kottu.
Fiixee Amaanaa* irraa,Fiixee Seenir, fiixee Hermoon+ irraa,Holqa leencotaa keessaa, gaarota qeerransootaa keessaas gad buʼi.
9 Yaa obboleettii too, yaa misirroo too, onnee koo boojiteetta,Liphsuu ija kee tokkoon,Callee mormaa kee tokkoonis onnee koo boojiteetta.+
10 Yaa obboleettii too, yaa misirroo too, ibsi jaalalaa kee akkam namatti tola!+
Ibsi jaalalaa kee daadhii wayinii irra,Urgaan urgooftuu keetiis wanta urgaaʼu+ kam irra iyyuu ni wayya!+
11 Yaa misirroo too, hidhiin kee damma coccophsa.+
Dammii fi aannan arraba kee jala jiru,+Urgaan uffata keetii akkuma urgaa Libaanoni.
12 Obboleettiin too, misirroon too, akkuma iddoo biqiltuu cufamaa,Akkuma iddoo biqiltuu cufamaa, akkuma burqaa cufamee tis.
13 Latiiwwan* kee jannata* romaaniiIsa firiiwwan filatamoo, biqiltuu hiinnaa fi biqiltuu naardosii,
14 Naardosii+ fi saafron, marga urgaaʼuu+ fi qarafaa,+Mukeetii ixaana adii akaakuu hundumaa, qumbii fi argisa,*+Akkasumas urgooftuuwwan+ hunda caalaa baʼeessa taʼan hundumaa qabu dha.
15 Ati burqaa iddoo biqiltuu, boolla bishaan qulqulluu ti,Akkasumas lageen Libaanon irraa yaaʼani dha.+
16 Yaa bubbee kaabaa, dammaqi;Yaa bubbee kibbaa, ol seeni.
Iddoo biqiltuu kootti qilleensaʼi.
Urgaan isaa haa tamsaʼu.”
“Jaalalleen koo gara iddoo biqiltuu isaatti seeneeFiriiwwan filatamoo haa nyaatu.”
Miiljaleewwan
^ Ykn., “Illeen.”
^ Ykn., “Faallaa Libaanon.”
^ Ykn tarii, “Gogaan.”
^ Ykn., “iddoo biqiltuu.”
^ Akaakuu mukaa foolii urgaaʼu qabuu fi bara duriitti akka urgooftuutti tajaajilu dha.
