Weedduu Weedduu caalu 6:1-13
6 “Yaa ishii dubartoota hunda caalaa bareedduu taate nana,Jaalalleen kee eessa dhaqe?
Jaalalleen kee garamitti gore?
Kottu sii wajjin isa haa barbaannu.”
2 “Jaalalleen koo gara iddoo biqiltuu isaatti,Gara siree biqiltuu urgooftuutti,Iddoowwan biqiltuu keessatti tiksuuf,Akkasumas abaaboo kutuuf gad buʼeera.+
3 Ani kan jaalallee koo ti,Jaalalleen koos kan koo ti.+
Inni abaaboowwan gidduutti tiksaa jira.”+
4 “Yaa jaalallee too, ati akkuma Tirzaa*+ bareedduu dha,+Akkuma Yerusaalem miidhagduu dha,+Akkuma raayyaawwan faajjii isaaniitti marsanii jiraniitti baayʼee nama hawwatta.+
5 Ijji kee+ waan na boojiʼeef,Na irraa kaasi.
Rifeensi kee akkuma tuuta reʼootaaIrraan gadee Giiliyaad irraa gad buʼaa jiruu ti.+
6 Ilkaan kee akkuma hoolotaDhiqamanii gad baʼaa jiranii ti,Hundi isaanii lakkuu lakkuu dhalu,Isaan keessaa ilmoo ishii kan dhabde tokko illee hin jirtu.
7 Maddiin* kee shaashii kee keessattiAkkuma romaanii bakka lamatti hiramee ti.
8 Mootuuwwan 60ni,Saajjatoowwan* 80ni,Shamarran lakkaaʼamuu hin dandeenyes+ jiraachuu dandaʼu.
9 Gugeen too+ ishiin mudaa hin qabne garuu takkittii dha.
Ishiin haadha ishiitiif takkittii dha.
Ishiin kan ishii deesse biratti baayʼee jaallatamtuu* dha.
Ijoolleen durbaa ishii ilaalanii gammadduu akka taate dubbatu;Mootuuwwanii fi saajjatoonnis ishii jajatu.
10 ‘Ishiin akka barraaqaatti ibsitu,*Ishiin akka addeessa guutuutti bareeddu,Ishiin akka ifa aduutti qulqulluu taate,Ishiin akka raayyaawwan faajjii isaaniitti marsanii jiraniitti baayʼee nama hawwattu tun eenyu?’”+
11 “Ani biqiltoota sulula* keessatti reefuu biqilan ilaaluuf,Mukti wayinii akka late,Mukti romaaniis akka daraare ilaaluuf,Gara iddoo biqiltuu muka gawuziitti*+ gad nan buʼe.
12 Utuman kana hin beekin,Hawwiin* kooGara gaariiwwan fardaa namoota koo warra iddoo guddaa* qabaniitti na geesse.”
13 “Yaa Shulaamittii, deebiʼi, deebiʼi!
Akka si ilaalluuf,Deebiʼi, deebiʼi!”
“Isin maaliif xiyyeeffannaadhaan Shulaamittii ilaaltu?”+
“Ishiin akkuma shubbisa garee namootaa lamaa ti!”*
Miiljaleewwan
^ Ykn., “Magaalaa Bareedduu.”
^ Ykn., “Illeen.”
^ Haadha manaa sadarkaa lammaffaa qabdu argisiisa.
^ Kal., “qulqulluu.”
^ Kal., “gad ilaaltu.”
^ Ykn., “laga gogaa.”
^ Gosa mukaa biyya Israaʼel keessatti biqiluu fi firii akka loozii godhatu.
^ Ykn., “Lubbuun.”
^ Ykn., “fedhii.”
^ Ykn., “shubbisa Mahaanaayimi.”
