Weedduu Weedduu caalu 8:1-14
-
Shamarree (1-4)
-
‘Maal taʼa ati akka obboleessa koo utuu taatee!’ (1)
-
-
Obboloota shamarrittii (5a)
-
‘Ishiin jaalallee ishiitti hirkattee jirtu sun eenyu?’
-
-
Shamarree (5b-7)
-
“Jaalalli akkuma duʼaa cimaa dha” (6)
-
-
Obboloota shamarrittii (8, 9)
-
“Ishiin dallaa yoo taate, . . . balbala yoo taate garuu, . . .” (9)
-
-
Shamarree (10-12)
-
“Ani dallaa dha” (10)
-
-
Tiksee (13)
-
‘Mee sagalee keen dhagaʼa’
-
-
Shamarree (14)
-
‘Akka borofaatti ariifadhu’”
-
8 “Maal taʼa ati akka obboleessa kooIsa harma haadha tiyyaa hodhe sanaa utuu taatee!
Silaa yommuun alatti si argadhu sin dhungadhan ture,+Namni tokko illees na hin tuffatu ture.
2 Ani si fudhadhee,Gara mana haadha tooIshii na barsiiste sanaatti sin geessan ture.+
Akka dhugduuf daadhii wayinii miʼaawaa,Cuunfaa romaaniis siifan kenna ture.
3 Harki isaa inni bitaan mataa koo jala taʼa,Harki isaa inni mirgaas na hammata ture.+
4 Yaa ijoollee durbaa Yerusaalem, isin nan kaksiisa:
Hamma ofii isaatiin kakaʼutti, na keessatti jaalala dammaqsuuf yookiin kakaasuuf hin yaalinaa.”+
5 “Ishiin jaalallee ishiitti hirkattee,Lafa onaa keessaa dhufaa jirtu sun eenyu?”
“Ani muka poomii jalatti sin dammaqse.
Achitti haati tee ciniinsuu irra turte.
Achitti ishiin si deesse si daʼuuf ciniinsifachaa turte.
6 Onnee kee irra akkuma chaappaatti na kaaʼadhu,Irree kee irras akkuma chaappaatti na kaaʼadhu,Sababiin isaas, jaalalli akkuma duʼaa cimaa dha,+Amanamummaanis* akkuma Awwaalaa* didaa dha.
Laboobni isaa ibidda bobaʼu, labooba Yaahi.*+
7 Dambaliiwwan bishaanii jaalala dhaamsuu hin dandaʼan,+Lageenis haxaaʼanii isa balleessuu hin dandaʼan.+
Namni tokko jaalalaaf jedhee qabeenya mana isaa hundumaa utuu kennee,Namoonni qabeenya sana* guutummaatti ni tuffatu.”
8 “Obboleettii xinnoo takka qabna,+Ishiin guntuta hin baasne.
Guyyaa ishiin kadhatamtutti*
Obboleettii teenyaaf maal goona?”
9 “Ishiin dallaa yoo taate,Masaraa meetii ishii irratti ni ijaarra,Ishiin balbala yoo taate garuu,Saanqaa muka gaattiraa ishii irratti cufna.”
10 “Ani dallaa dha,Harmi koos akkuma masaraa ti.
Kanaafuu, ani ija isaa durattiAkkuma nama nagaa argatee nan taʼe.
11 Solomoon Baʼaal Hamoon keessatti maasii wayinii tokko qaba ture.+
Inni maasii wayinii sana eegdotaaf imaanaadhaan ni kenne.
Tokkoon tokkoon isaaniis firii isaatiif meetii sheeqilii* kuma tokko ni fidu turan.”
12 Ani maasii wayinii kan dhuunfaa koo taʼe qaba.
Yaa Solomoon, meetiin sheeqilii kumni* kan kee ti,Meetiin sheeqilii dhibbi lama immoo kan warra firii isaa kunuunsanii ti.”
13 “Yaa ishii iddoo biqiltuu keessa jiraattu nana,+Michoonni sagalee kee ni dhagaʼu.
Mee anis nan dhagaʼa.”+
14 “Yaa jaalallee koo, dafi,Akka borofaattiYookiin akka ilmoo gadamsaaGaarota urgooftuun irratti biqilu irra jiruutti ariifadhu.”+
Miiljaleewwan
^ Ykn., “Guutummaatti waliif buluunis.”
^ Ykn., “Siʼool,” jechuunis, bakka ilmaan namootaa hundi itti awwaalaman. Ibsa Jechootaa ilaali.
^ Jechi, “Yaah” jedhu maqaan Yihowaa yommuu gabaabaatti barreeffamu dha.
^ Ykn tarii, “nama sana.”
^ Guyyaa ishii haasaʼachuuf dhufanitti.
^ Sheeqiliin tokko 11.4 g dha. Kutaa Dabalataa B14 ilaali.
^ Kal., “kumni sun.”
