Iddoo Hawaasa Keessatti Qabnu
Namni tokko sanyiinsaa, maatiinsaa ykn haalli dinagdeesaa Waaqayyo duratti iddoo olaanaa akka qabaatu ni godhaa?
HoE 17:26, 27; Rom 3:23-27; Gal 2:6; 3:28
-
Seenaa Kitaaba Qulqulluu si gargaaru:
-
Yoh 8:31-40—Yihudoonni tokko tokko sanyii Abrahaam taʼuusaaniitti ni boonu turan; taʼus isaan akka Abrahaamitti jiraataa waan hin turreef Yesuus isaan sirreesseera
-
Namoota sanyiin isaanii kan keenyarraa adda taʼe ykn lammii biyya kan biraa taʼan tuffachuuf sababii qabnaa?
-
Seenaa Kitaaba Qulqulluu si gargaaru:
-
Yon 4:1-11—Yihowaan namoota Nanawwee warra lammii biyya biraa taʼanitti gara laafina akka argisiisu Yoonaas raajicha barsiiseera
-
HoE 10:1-8, 24-29, 34, 35—Pheexiros ergamaan namoota Yihudoota hin taane akka xuraaʼootti ilaaluu akka hin qabne barateera, kanaafuu, Qorneelewosii fi maatiinsaa namoota Yihudoota hin taane keessaa Kiristiyaanota warra jalqabaa akka taʼan isaan gargaareera
-
Kiristiyaanonni sooreyyiin warra kaan akka caalan isaanitti dhagaʼamuu qabaa? Yookiin xiyyeeffannaan addaa akka isaaniif kennamuhoo barbaaduu qabuu?
Dabalataanis Kes 8:12-14; Er 9:23, 24 ilaali
Namni tokko ilaaltuu olaanaa taʼe jechuun, warra kaanirra ni caala, akkasumas akka barbaade isaan gochuu dandaʼa jechuudhaa?
-
Seenaa Kitaaba Qulqulluu si gargaaru:
-
Kes 17:18-20—Yihowaan, Israaʼeloonni kaanis obboloota isaanii waan taʼaniif, mootonni Israaʼel, warra kaan akka caalanitti akka hin yaadne isaanitti himeera
-
Mar 10:35-45—Yesuus ergamoonnisaa warra kaanirratti aangoo qabaachuuf baayʼee waan hawwaniif isaan sirreesseera.
-
Namni tokko Waaqayyo biratti fudhatama akka qabaatu ykn akka hin qabaanne wanti godhu maalidha?
Kiristiyaanonni seerawwan mootummaa sirrii isaanitti hin fakkaanne jijjiiruuf carraaquu qabuu?
-
Seenaa Kitaaba Qulqulluu si gargaaru:
-
Yoh 6:14, 15—Namoonni yeroo sana turan, Yesuus hawaasicha fooyyessuuf wanta gaarii akka godhu barbaadanii turan, inni garuu lafarratti mootii taʼuu dideera
-