BARUMSA 16
Jaalala Waaqayyoof Qabdu Argisiisi
Michoomakee eegdee jiraachuuf, yeroo hunda michuukee wajjin mariʼachuun si barbaachisa. Atis isa dhaggeeffatta, innis si dhaggeeffata. Warra kaanitti waaʼee michuukee waan gaarii dubbatta. Michuu Waaqayyoo taʼuunis kanaa wajjin wal fakkaata. Kana ilaalchisee wanta Macaafni Qulqulluun jedhu ilaali:
Yeroo hunda kadhannaadhaan Yihowaatti dhihaadhu. “Waaqayyoon kadhachuuttis cimaa.”—Roomaa 12:12.
Macaafa Qulqulluu dubbisi. “Caaffanni qulqullaaʼaan hundinuu geggeessaa hafuura Waaqayyootiin caafame; barsiisuuf, balleessaa hubachiisuuf, qajeelchuuf, qajeelummaattis leejjisuudhaaf dhimma in baasa.”—2 Ximotewos 3:16.
Waaʼee Waaqayyoo warra kaan barsiisi. “Egaa dhaqaa, . . . saba hundumaa bartoota koo godhaa! Waanan isin abboome hundumaa eeguu isaan barsiisaa!”—Maatewos 28:19, 20.
Walgaʼii Galama Mootummaatti godhamurratti argami. “Jaalala argisiisuudhaaf, waan gaarii hojjechuudhaafis kottaa tuttuqnee yaada walii in kaafnaa! . . . wal jajjabeessina.”—Ibroota 10:24, 25.
Hojii Mootummichaa deggeri. “Namni adduma addaan garaa duuba yookiis giddiidhaan utuu hin taʼin, akka garaa isaatti murtoo godhetti kennuutu isaaf taʼa; Waaqayyo nama gammachuudhaan kennu in jaallata.”—2 Qorontos 9:7.