DAMMAQINAAN EEGAA!
Fincila Siyaasaa—Kitaabni Qulqulluun Maal Jedha?
Fincilli siyaasaa addunyaa irratti babalʼachaa jira.
Meeksikoo keessatti, dorgomtoonni siyaasaa ajjeefaman hamma kanaan duraa caalanii 39 kan gaʼan yommuu taʼu, fincilli siyaasaa kaanis itti dabalamee Filannoo bara 2023-2024tti Meeksikootti geggeeffame baayʼee jeeqeera.
Awurooppaa keessatti yaalii ajjeechaa Caamsaa 15, 2024tti, muummicha ministeeraa Isloovaakiyaa irratti geggeeffame dabalatee dhiheenya kana fincilli siyaasaa hedduun geggeeffameera.
Yuunaayitid Isteetis, Adoolessa 13, 2024tti yaalii ajjeechaa pireezidaantii Ameerikaa duraanii, Doonaaldi Tiraampi irratti godhameen kan kaʼe baayʼee jeeqamteetti.
Fincilli siyaasaa akkas kan baayʼate maaliifi? Yeroo taʼe ni dhaabbataa laata? Kitaabni Qulqulluun maal jedha?
Namoonni Gama Siyaasaatiin Akka Wal Qoqqoodan Dursee dubbatameera
Kitaabni Qulqulluun bara keenya isa “guyyoota dhumaa” jedhamee beekamu keessatti namoonni hedduun ilaalcha fincilaa fi wal dhabiinsaaf sababa taʼu akka qabaatan dursee dubbateera.
“Guyyoota dhumaatti yeroon addaa baayʼee rakkisaa taʼe akka dhufu beeki. Sababiin isaas, namoonni . . . kan hin galateeffanne, amanamoo kan hin taane, . . . walii galuuf fedhii kan hin qabne, . . . gara jabeeyyii, . . . gantoota, mata jabeeyyii, boonuudhaan kan of bokoksan [taʼu].”—2 Ximotewos 3:1-4.
Kitaabni Qulqulluun jeequmsii fi fincilli siyaasaa mallattoowwan bara keenyatti mulʼatan keessaa muraasa akka taʼan ibseera. (Luqaas 21:9) Taʼus, fincilli siyaasaa fi waldhabiinsi barabaraaf itti hin fufu.
Xumura Fincila Siyaasaa
Kitaabni Qulqulluun Waaqayyo bulchiinsa ilmaan namootaa bulchiinsa samiitiin akka bakka buusu ibsa.
“Waaqni samii mootummaa matumaa hin balleeffamne tokko ni hundeessa . . . Innis mootummoota kana hundumaa caccabsee ni balleessa; kophaa isaas bara baraaf ni dhaabbata.”—Daaniʼel 2:44.
Mootummaan Waaqayyoo namoonni tokkummaa akka qabaatan godha, addunyaa marattis nagaa fida.
Yesuus inni mootii mootummaa kanaa taʼe, “Bulchaa Nagaa” kan jedhamu yommuu taʼu, “nagaan isaas dhuma hin qabaatu.”—Isaayyaas 9:6, 7.
Lammiileen isaa ammumallee akkaataa itti nagaadhaan jiraatan barachaa jiru. Kitaabni Qulqulluun buʼaa isaa ilaalchisee, “isaan goraadee isaanii tumanii gara maarashaatti,Eeboo isaaniis tumanii gara haamtuutti ni jijjiiru. Sabni saba irratti goraadee hin kaasu,Isaan kana booda waraana hin baratan” jedha.—Isaayyaas 2:3, 4.
Caalaatti baruudhaaf, mata duree, “Mootummaan Waaqayyoo Maal Raawwata?” jedhuu fi viidiyoo, Mootummaan Waaqayyoo Maali dha? jedhu ilaali.
Kanneen Armaan Gadiis ni Jaallatta Taʼa
MASARAA EEGUMSAA
Mootummaan Waaqayyoo Maal Raawwata?
Yesuus mootummaan rakkoowwan lafa irratti argaman kan hiiku Mootummaa Waaqayyoo qofa akka taʼe beeka ture. Mootummaan sun wanta amantii kee cimsu akkamii raawwateera?
DAMMAQINAAN EEGAA!
Namoonni Baayʼeen Namoota Siyaasaarratti Amantii Dhabaa Jiru—Kitaabni Qulqulluun Maal Jedha?
Kitaabni Qulqulluun nama amannu of eeggannoodhaan akka filannuu fi yeroo gara fuulduraa ilaalchisee furmaata amansiisaa argachuu kan dandeenyu eessaa akka taʼe ni dubbata.
DAMMAQINAAN EEGAA!
Siyaasaan Wal Qoqqooduun kan Baayʼate Maaliifi?—Kitaabni Qulqulluun Maal Jedha?
Siyaasaan wal qoqqooduun addunyaa irratti babalʼachaa jira. Kitaabni Qulqulluun wanti kanaaf furmaata taʼu bulchaa namoota hunda tokko godhu akka taʼe dubbata.
MASARAA EEGUMSAA
Bulchaan Waaqayyo Filate Eenyu?
MATA DUREEWWAN DABALATAA
Abdii Amansiisaa Gara Fuulduraatti Raawwatamu
Abdii Kitaabni Qulqulluun kennu abdii ykn yaada namoonni kennan irraa adda kan taʼe maaliifi?
BARUMSAWWAN KITAABA QULQULLUU
Barumsa Kitaaba Qulqulluu Keenya Eegali
Barumsa Kitaaba Qulqulluu mareedhaan tola kennamu nama tokkoo wajjin baradhu.
