Fulbaana 27, 2022​tti obomboleettiin Haariikeen Iyaan jedhamu miidhaa guddaa kan geessise yommuu taʼu, guyyaa itti aanummoo obomboleettiin sadarkaa 4​ffaa kun dura kibba dhiha Filooriidaatti lafti akka sigigaattu godhee ture. Obomboleettiin Haarikeen Iyaan jedhamu kun bubbeewwan baayʼee ciccimoo Yuunaayitid Isteetisiin rukutan keessaa isa tokko yommuu taʼu, saʼaatii tokkotti kiilomeetira 240 deema ture. Manneen namootaa barbadeesseera, humna ibsaa elektiriikii balleesseera, daandii fi riqicharra miidhaa cimaa geessiseera, olaansaas dalalii hedduu fuudhee deemuudhaan Garba Atilaantikiitti naqeera. Yeroo boodas Kibba Kaaroliinaatti, qarqara galaanaatti sigiga lafaa geessiseera.

Bubbee cimaan kun babalʼistoonni Filooriidaa 12,000 ol taʼan biyyattii gadhiisanii akka baʼan ykn qeʼee isaaniirraa akka buqqaʼan taasiseera.

Daawwattoonni Olaanaa Aanaa namoota miidhaan irra gaʼeef gargaarsa ariifachiisaa kennuf jaarsolii bakka buʼoota Kutaa Diizaayinii fi Ijaarsaa taʼanii wajjin hojjechaa jiru.

Kuubaa

• Kan nama gaddisiisu, obboleessi tokko 1 duʼeera

• Obboloonni 2 irra miidhaa salphaan gaʼeera

• Manneen 300 irra miidhaa salphaan gaʼeera

• Manneen 491 irra miidhaan cimaa gaʼeera

• Manneen 63 barbadaaʼaniiru

• Bakkawwan walgaʼii 40 irra miidhaa cimaan gaʼeera

• Galma Walgaʼii guguddaa 1 irra miidhaa salphaan gaʼeera

• Galma Walgaʼii guguddaa 3 irra miidhaa cimaan gaʼeera

Filooriidaa

• Obbolootaa fi obboleettota keenya keessaa tokko iyyuu hin miidhamne

• Babalʼistoota 2 irra miidhaa salphaan gaʼeera

• Babalʼistoonni 5,874 qeʼee isaaniirraa buqqaʼaniiru

• Manneen 1,559 irra miidhaa salphaan gaʼeera

• Manneen 367 irra miidhaa cimaan gaʼeera

• Manneen 47 barbadaaʼaniiru

• Hanga ammaatti manneen 329 suphamanii jireenyaaf mijataa godhamaniiru

• Hanga ammaatti manneen 71 suphamaniiru

• Gamoowwan Dhugaa Baatonni Yihowaa itti fayyadaman 38 irra miidhaa salphaan gaʼeera

• Galma Walgaʼii 1 irra miidhaa cimaan gaʼeera

• Galma Walgaʼii Guguddaa 1 irra miidhaa cimaan gaʼeera

Kibba Kaaroliinaa

• Bubbee kanaan obbolootaa fi obboleettota keenya keessaa tokkoyyuu hin miidhamne ykn hin duune

• Babalʼistoonni 35 qeʼee isaaniirraa buqqaʼaniiru

• Manneen 13 irra miidhaa salphaan gaʼeera

• Daawwattoonni Olaanaa Aanaa fi jaarsoliin gumii naannoo sanaa maatiiwwan miidhaan irra gaʼe jajjabeessaa fi gargaarsa barbaachisu kennaa jiru

• Obbolootaa fi obboleettota Filooriidaa gargaaruuf buufata gargaarsaa yeroo balaa Filooriidaa keessatti argamu dabalatee yeroodhaaf buufanni gargaarsaa 14 hundeeffameera

• Hojii gargaarsaa taasifamu olaantummaadhaan toʼachuuf Filooriidaa fi Kuubaa keessatti Koreen Gargaarsa Yeroo Balaa hundeeffameera

• Hojiin gargaarsaa hundi qajeelfama of eeggannoo KOOVIID-19 wajjin haala wal simuun hojjetamaa jira

Obboloonni keenya, yeroo rakkisaa taʼe kanatti namoota hidhata amantiisaanii taʼan gargaaruunsaanii wanti faarfatichi, “Namni Yihowaatti amanamu garuu jaalala isaa isa amanamaadhaan marfameera” jechuudhaan dubbate dhugaa taʼuusaa mirkaneesseera.—Faarfannaa 32:10.