Sadaasa 21, 2022, kirkirri lafaa rektarskeelii 5.6 taʼu Indoonezyiyaa naannoo magaalaa Siyaanjur ishii Dhiha Jaavaatti argamtu rukute; namoonni 260 ol taʼan duʼaniiru, akkasumas dhibbaan kan lakkaaʼaman madaʼaniiru. Namoonni baayʼeen achi buuteen isaanii dhabameera; kumaan kan lakkaaʼaman immoo buqqaʼaniiru. Humni elektiriikii ciccituun isaa wal quunnamuun ulfaataa akka taʼu godheera.

• Obbolootaa fi obboleettota keenya keessaa kan duʼe hin jiru, babalʼistoota 132 naannoo balaan kun itti uumame jiraatan keessaa kan bade hin jiru

• Manneen 5 taʼanirra miidhaa salphaan gaʼeera

• Galmi Walgaʼii ykn Galmi Walgaʼii Guguddaan miidhaan irra gaʼe hin jiru

• Kirkirri lafaa kan biraan yoo mudate akka isaan gargaaraniif obbolootaa fi obboleettota maanguddoota taʼan hundumaaf babalʼistoonni ramadamaniiru

• Koreen Gargaarsaa Yeroo Balaa gumiiwwan akka gargaaruuf muudameera

• Daawwattoonni olaanoon gumiiwwan miidhaan kun irra gaʼeef jajjabina Kitaaba Qulqulluurraa argamu hiraa jiru

• Namoonni hojii gargaarsaa kanarratti hirmaatan qajeelfama fayyaa Kooviid 19 ilaalchisee baʼeen hojii isaanii raawwataa jiru

Yeroo dhiphisaa taʼe kanatti Yihowaan obboloota keenya akka jajjabeessu mirkanaaʼoodha.—Faarfannaa 50:15.