Peetriiniyaa ishii kibba Zaagreeb, Kirooʼeeshiyaa irraa kiilomeetira 50 fagaattutti

• Muddee 29, 2020⁠tti Kirooʼeeshiyaan kirkira lafaa reektar iskeelii 6.4 taʼuun rukutamte. Kun seenaa Kirooʼeeshiyaa keessatti kirkira lafaa guddaa akka taʼetti galmaaʼeera

• Babalʼistoota 91 naannoo sanatti argaman keessaa kan miidhame hin jiru

• Babalʼistoonni 29 qeʼee isaanii irraa buqqaʼaniiru

• Manneen 9 garmalee miidhamaniiru

• Manneen 16 irra miidhaa xiqqoon gaʼeera

• Galma Walgaʼii Siisaakii jiru irra miidhaa xiqqoon gaʼeera

• Waajjirri damee Kirooʼeeshiyaa Koree Gargaarsaa tokko hundeesseera. Koreen gargaarsaa kun dhukkuba COVID-19 ilaalchisee of eeggannoo godhamuu qabu hordofaa, ilaaltota olaanaa lamaa fi jaarsolii gumii naannoo sanatti argamanii wajjin taʼuudhaan, gargaarsa hafuuraa fi gargaarsa biroo gochaa jira. Kunimmoo warra qeʼee isaanii irraa buqqaʼaniif yeroodhaaf mana keessa buufatan qopheessuu dabalata

Yihowaan yeroo dhiphisaa kanatti obboloota keenyaaf cimina isaan barbaachisu kennuu isaa akka itti fufu ni kadhanna.—1 Pheexiros 5:10.