ONKOLOOLESSA 28, 2021
RAASHIYAA

Barsiistuun Umurii Waggaa 80 Soorama Baate Tokko Waaʼee Kitaaba Qulqulluu Waan Dubbatteef Himatamteetti

BANI

ODEEFFANNOO HAARAA | Manni Murtii Raashiyaa Ol Iyyannoo Obboleettiin Keenya Yelenaa Saavliyeevaan Dhiheessite Fudhachuu Dide

Guraandhala 14, 2022, Manni Murtii Naannoo Toomisk ol iyyannoo Obboleettiin keenya Yelenaa Saavliyeevaan dhiheessite fudhachuu dide. Taʼus yeroo kanatti mana hidhaa hin galtu.

Chaartii Yeroo

Sadaasa 17, 2021

Manni Murtii Magaalaa Seversikii inni naannoo Toomiskiitti argamu obboleettii Yelenaan yakkamtuu akka taate murteessuudhaan waggaa afur daangaa jala akka turtu adabe. Abbaan alangaa kanaan durta Yelenaa ishii umuriin ishii waggaa 80 taʼe ruublee 500,000 (doolaara Ameerikaa7,198) akka adabamtu gaafatee ture
Adoolessa 22, 2021

Manni murtii yeroo jalqabaaf dhimmicha ni ilaale
Bitootessa 25, 2021

Abbaan alangaa Raashiyaa Yelenaa irratti himata yaakkaa bane. “Yelenaan namoonni gocha jaarmiyaa finxaalessaa irratti akka hirmaatan amansiisteetti ykn jajjabeessiteetti” jedhamtee himatamte; kan himatamtes akka Seera Yakkaa Federeeshinii Raashiyaa Keeyyata 282.2 irratti ibsametti dha.

Himanni kun kan ishii irratti dhihaate, ragaa dubartoonni Yelenaan barumsa Kitaaba Qulqulluu isaanitti himte lama kennan irratti hundaaʼee ti: dubartoota kana keessaa tokko miseensa humna nageenyaa federaalaa siʼa taatu, tokko immoo Eegduu Biyyaalessaa Raashiyaa dha. Dubartoonni kun nama Kitaaba Qulqulluu barachuuf fedhii qabu fakkaatanii, maree Yelenaa wajjin godhan waraabuudhaan waaʼee ishii fi waaʼee obbolootaa gara poolisootaatti ergu turan

Ibsa Gabaabaa

Yelenaa Saavliyeevaa

Bara Dhalootaa: 1941 (Kaatkaa, Ripuubiliika Beelaaruus)

Seenaa Jireenyaa: Hiyyummaa keessatti guddatte, akkasumas miidhaan sababa waraana addunyaa lammaffaatiin dhufe ishii hubeera. Yunvarsiitiidhaa Fiiziksii fi herrega baratteetti, akkaumas soorama baʼuu ishii dura waggaa 40 oliif barsiisteetti. Bara 1963 abbaa manaa ishii isa hayyuu Fiiziksii niikularaa taʼetti heerumte. Waliin taʼanii ilmaan lama guddisaniiru

Ijoollumaadhaa kaastee wantoota hafuuraatiif fedhii qabdi turte. Yeroo baayʼee, “Kaayyoon jireenyaa maali dha? Wanti ani akka siif godhu barbaaddu maali dha?” jettee Waaqayyoon gaafatti turte. Gaaffiiwwan ishii kanaafis Kitaaba Qulqulluu irraa deebii argatteetti. Achiis bara 2002tti cuuphamtee Dhugaa Baatuu Yihowaa taate

Yaada Dhuunfaa

Yeroo ariʼatamni si irra gaʼaa jiru kanatti miira abdii kutachuu moʼuu kan dandeesse akkamitti?

Himata na irratti dhihaate yommuun dubbise baayʼeen naʼe. Baayʼee nama gaddisiisa. “Yakkamaa” jedhamee waamamuun koo baayʼee na miidhe. Himata akkasii ergan dubbisee booda salphatti abdii kutachuu nan dandaʼan ture. Haa taʼu malee yaada, “Namni hanga dhumaatti jabaatee dhaabbatu garuu ni fayya” jedhu yaadachuu qabna.—Maatewos 10:22.

Yeroo kanatti obbolootaa fi obboleettota kee irraa gargaarsa akkamii argatteetta?

Yeroo dhimmi koo mana murtiitti ilaalamaa turetti, obboleettonni hedduun gara mana murtichaa dhufanii turan. Yeroo baayʼee namoonni 12 hanga 18 taʼan warra himataman deggeruuf ni dhufu turan. Isaanis kan dhufan na deggeruuf ture. Isaan na gaafataniiru, na jajjabeessaniiru, akkasumas caqasoota Kitaaba Qulqulluu naaf hiraniiru. Na cina akka jiranii fi akka naaf kadhatan natti himuudhaan akkan hin sodaanne na jajjabeessaniiru. Kana malees, akka na jaallatanii fi akka naaf milkaaʼuuf Waaqayyoon akka naaf kadhatan beekuun baayʼee nama gammachiisa. Ani deggersa akkasiitiif iddoo guddaan kenna.

Murtoon Yelenaan ariʼatama keessatti jabaattee dhaabachuuf goote baayʼee nu jajjabeessa. Yihowaan namoota ‘diinota isaanii utuu hin sodaatin, amantii misiraachoo sanaaf wal cinaa dhaabbatanii carraaqan’ akka ilaalu mirkanaaʼoo dha.—Filiphisiyus 1:27, 28.

[Ibsa fakkii]

Kanneen Armaan Gadiis ni Jaallatta Taʼa

ODUU HAARAA

Sababii Amantii Isaaniitiin Hidhamaniiru—Raashiyaa

Dhugaa Baatonni Yihowaa Raashiyaa keessa jiran sababii amantii isaaniitiin hidhamaniiru. Seenaa isaanii dubbisi, maqaa Dhugaa Baatota Yihowaa yeroo ammaatti hidhamanii jiranii ilaali.

ODUU HAARAA