FULBAANA 20, 2022
RAASHIYAA
Jabaatanii Dhaabbachuun Buʼaa Gaarii Argamsiisa
Mannii Murtii Goodina Liivoobaryezyinii Magaala Voroneezyii dhimma obboloota keenya Aliiksiyaa Antuukiin, Sargee Baayeev, Yuurii Gaalkaa, Vaalerii Guruskii, Iigoor Pooppoov, Viitaalii Neruush, Isteepan Paankiraatoov, a Yevgiyeenee Sookooloov, Mikaaʼel Viisiiloovii fi Anaatolii Yaaguupoov irratti dhiheenyatti murtii ni kenna. Murtii obboloota kanarratti akka murtaaʼu barbaadu ilaalchisee abbaan alangaa hanga ammaatti homaa hin dubbanne.
Chaartii Yeroo
Adoolessa 13, 2020
Voroneezyii fi naannoosaatti manni Dhugaa Baatota Yihowaa 100 ol taʼu sakattaʼameera. Obboloonnii fi obboleettonni 40 ol taʼan qorannaadhaaf fudhatamaniiru. Obboloonni kurnan olitti caqasaman waajjira poolisiitti hidhamaniiru
Adoolessa 14-15, 2020
Obboloonni kurnan waajjira poolisiitti hidhaman
Hagayya 3–Fulbaana 18, 2020
Obboleessi Baayeev, Paankiraatoov, Pooppoovii fi Yaaguupoov waajjira poolisiitii gadhiifamanii manaa baʼanii akka hin deemne dhorkaan irra kaaʼame
Muddee 1-3, 2020
Obboleessi Antuukiin, Gaalkaa, Guruskii, Neruush, Sookooloovii fi Viisiiloov waajjira poolisiitii gadhiifaman. Dhorkaan Obboleessa Baayeev, Paankiraatoov, Pooppoovii fi Yaaguupoov irra kaaʼamee turemmoo ni kaʼeef
Muddee 13, 2021
Dhimmisaanii ilaalamuu eegale
Ibsa Gabaabaa
Obboloonni keenya Raashiyaa keessatti argaman Yihowaatti amanamuusaanii itti fufuunsaanii, jabaatanii dhaabbachuuf akka isaan gargaare arguun keenya nu jajjabeessa.—Yaaqoob 1:4.