Ebla 1, 2020 Manni Murtii Aanaa Leensikii Rippuubiliika Saakhaa, Obboleessa Igoor Ivaashiin sababa amantii isaatiin yakkamaa akka taʼe ibsuudhaan dhorkaa waggaa jaʼaa itti murteesse. Obboleessi kun murtii kana booda mana isaatti deebiʼuu kan dandaʼe taʼus, yeroo dhorkaa jala jiru kanatti seera yakkaa amantii fi waaqeffannaa isaatiin wal qabate yoo cabse, yeruma sana mana hidhaatti galuu dandaʼa. Obboleessi Ivaashiin murtii isa irratti darbeef ol iyyannoo dhiheessa.