CAAMSAA 21, 2024
RAASHIYAA

Maqaa Yihowaatiif Falmuuf Mirga Argachuu

BANI

Manni Murtii Magaalaa Biiskii Naannoo Altaayi dhimma obboleessa Sargee Luukiin irratti dhiheenyatti murtoo kenna jedhamee eegama. Abbaan alangaa hanga ammaatti wanta akka murteeffamu barbaadu hin beeksisne.

Chaartii Yeroo

Sergey Lukin

Bara Dhalootaa: 1971 (Biiskii)

Seenaa Jireenyaa: Itti gaafatamaa bakka qurxummii itti horsiisanii

Bara 1991tti Yelenaa wajjin gaaʼela godhatan. Ilma tokko, intala tokko fi mucaa mucaasaanii tokko qabu

Haati Sargee bara 1998tti Dhugaa Baatuu Yihowaa taate. Sargeen Kitaaba Qulqulluu akka dubbisu jajjabeessiti turte. Kutaawwan Kitaaba Qulqulluu hundi kan walsiman taʼun isaanii baayʼee isa dinqisiiseera. Bara 2010tti cuuphame

Yaada Dhuunfaa

Seenaan Kitaaba Qulqulluu si jajjabeesse kamidha?

Dhugaa Baatuu Yihowaa akkuman taʼeen rakkina hedduutu na mudate. Hojii koo kanan dhabe yeroo taʼu miseensonni maatii koo tokko tokkos na mormu turan. Yeroo kanatti abdii kutadheen ture. Taʼus Faarfannaan 118:6 baayʼee na jajjabeesseera: “Yihowaan na cinaa jira; ani hin sodaadhu. Namni maal na gochuu dandaʼa?” Yeroo ammaatti rakkinni yommuu na mudatu caqasa kanarraan jajjabina argadha. Fakkeenyaaf abbootiin taayitaa mana koo sakattaʼuu fi na qorachuuf yeroo dhufanitti sodaan natti dhagaʼamuu akka hin qabne beekan ture. Yihowaan baayʼee akkan tasgabbaaʼu na gargaareera. Sana booda gammachuu guddaatu natti dhagaʼame. Ergamoonni waaʼee maqaa Yesuusiif erga reebamanii booda wanta isaanitti dhagaʼame akkan yaadu na godhe. Maqaa Yihowaatiif falmuuf mirga akkan argadhe caalaatti hubachuu dandaʼeera. Amanamaa taʼee jiraachuu fi Yihowaa gammachiisuuf wanta naaf dandaʼame hunda gochuun barbaada.

Jaalalli Yihowaadhaaf qabnu ‘sodaan akka hin jirre’ waan godhuuf fakkeenya Sargeen argisiiseef baayʼee galateeffanna.—1 Yohaannis 4:18.

Chaartii Yeroo

Muddee 1, 2022

Himanni yakkaa ni baname
Amajjii 25, 2023

Appaartaamaa fi biiroon ni sakattaʼame. Sergeen ni qoratame, imaluu akka hin dandeenyeefis dhorkaan irratti taasifame
Amajjii 25, 2024

Himanni yakkaa mana murtiitti ilaalamuu jalqabe

Kanneen Armaan Gadiis ni Jaallatta Taʼa

ODUU HAARAA

Sababii Amantii Isaaniitiin Hidhamaniiru—Raashiyaa

Dhugaa Baatonni Yihowaa Raashiyaa keessa jiran sababii amantii isaaniitiin hidhamaniiru. Seenaa isaanii dubbisi, maqaa Dhugaa Baatota Yihowaa yeroo ammaatti hidhamanii jiranii ilaali.

ODUU HAARAA