Onkoloolessa 10, 2022, Manni Murtii Godinaa Keezyemiskii Naannoo Kiraansinoyaarisikii obboleessa keenya Iildor Uraazbaaktiiniin yakkamaa akka taʼe murteesseera. Hidhaan daangaa waggaa sadii kan isatti murteeffame taʼus, yeroo ammaatti mana hidhaa hin seenu.

1. Adoolessa 20, 2021

   Mana obboleessa keenyaa Iildorii fi maatiisaa dabalatee, yoo xinnaate manneen Dhugaa Baatota Yihowaa magaalaa Koodiinskii shan sakattaʼameera. Waajjira poolisii keessatti hidhameera

2. Adoolessa 21, 2021

   Ni gadhiifame, garuu manaa akka hin baane dhorkame. Bilbila ykn intarneetii akka hin fayyadamnes dhorkameera

3. Fulbaana 20, 2021

   Manaa akka baʼu kan isaaf heyyamame taʼus, akka hin imalle dhorkame

4. Amajjii 13, 2022

   Viidiyoo koonfiransiitti fayyadamee “qoʼannaa Kitaaba Qulqulluu gad fageenya qabu akka godhan, akkasumas obboloonnii fi obboleettonni akka wal deggeran jajjabeesse” jedhamee himatame

5. Bitootessa 30, 2022

   Himanni yakkaa isarratti baname ilaalamuu jalqabe

Muuxannoon Iildoriis taʼe obbolootaa fi obboleettota keenya Raashiyaa keessa jiran kan biroo, Waaqni keenya Yihowaan “yeroo dhiphinaatti” nu gargaaruuf hawwii guddaa akka qabuu fi qophaaʼaa akka taʼe nu yaadachiisa.—Faarfannaa 46:1.