ADOOLESSA 28, 2022
RAASHIYAA

Michoota Amanamoo Taʼan Irraa Deggersa Argateera

BANI

Manni Murtii Koonyaa Okitiyaabirskii inni Noovoosiibiiriski dhiheenyatti dhimma obboleessa keenya Aleeksaandar Sereyodkiin wajjin wal qabate irratti murtoo dabarsa. Abbaan alangaa murtoo akka isa irratti murtaaʼu barbaadu ilaalchisee hanga ammaatti homaa hin dubbanne.

Chaartii Yeroo

Ebla 19, 2019

Himanni yakkaa isa irratti baname
Ebla 21, 2019

Manaa akka hin baane dhorkame
Caamsaa 8, 2019

Maqaan isaa galmee namoonni shororkeessitoota taʼan irratti galmeeffamanitti dabalame
Bitootessa 2, 2022

Himanni yakkaa isa irratti baname qoratamuu jalqabe

Ibsa Gabaabaa

Aleeksaandar Sereyodkiin

Bara Dhalootaa: 1954 (Verkihnii Naaymaanguut, Naannoo Iirkuutiski)

Seenaa Jireenyaa: Mana barumsaa teekniikaa galee barachuudhan tiraaktara oofa

Bara 1983tti Siveetlaanaa wajjin gaaʼela dhaabbate

Siveetlaanaan Dhugaa Baatota Yihowaa wajjin qoʼannaa jalqabde. Raajiiwwan kitaaba Mulʼataa keessa jiran ilaalchisee wanta baratte Aleeksaandaritti yommuu himtu, innis Kitaaba Qulqulluu akka isa qoʼachisan gaafate. Lamaan isaanii bara 1995tti cuuphaman

Yaada Dhuunfaa

Yihowaan deggersa akka siif godhe kan sitti dhagaʼame akkamitti?

Yihowaan michoota amanamoo taʼan naaf kenneera. Anaa fi maatii koo akkamitti akka deggeran yommuun yaadu baayʼeen jajjabaadha. Yihowaan isaanitti fayyadamee akka nu jabeessaa jiru ifadha. Obboloonnii fi obboleettonni balaadhaaf kan isaan saaxilu taʼu illee jecha isaaniitiin na jajjabeessu, akkasumas gargaarsa qabatamaa naaf godhu.

Obboloonnii fi obboleettonni keenya Yihowaan akka jajamuuf, “wal jajjabeessuu fi wal ijaaruu” isaanii itti fufuun isaanii baayʼee nu gammachiisa.—1 Tasalonqee 5:11.

Kanneen Armaan Gadiis ni Jaallatta Taʼa

ODUU HAARAA

Sababii Amantii Isaaniitiin Hidhamaniiru—Raashiyaa

Dhugaa Baatonni Yihowaa Raashiyaa keessa jiran sababii amantii isaaniitiin hidhamaniiru. Seenaa isaanii dubbisi, maqaa Dhugaa Baatota Yihowaa yeroo ammaatti hidhamanii jiranii ilaali.

ODUU HAARAA