AMAJJII 13, 2022
RAASHIYAA

ODUU HAAREFFAME | Amanannaan Yihowaarratti Qabu Obboleessi Keenya Yestigneev Amanamaa Akka Taʼu Isa Gargaareera

BANI

Hagayya 1, 2022tti Manni Murtii Naannoo Noovgoorood ol iyyannoo obboleessi keenya Kiriil Yestigneev dhiheesse fudhachuu dideera. Yeroo ammaatti garuu mana hidhaa hin galu.

Caamsaa 12, 2022, Manni Murtii Naannoo Leeniinskii Magaalaa Niizyiinii Noovgoorood Kiriil yakkamaadha jechuudhaan hidhaa daangaa waggaa sadii itti murteesse.

Chaartii Yeroo

Onkoloolessa 8, 2021

Himanni yakkaa isa irratti dhihaachuu jalqabe. Yaada abbaa murtiitiif kenne irratti Kiriil walgaʼii amantii utuu hin taʼin walgaʼii bashannanaa irra akka turan ibseera
Hagayya 24, 2021

Abbootiin taayitaa Kiriil akka hin imalle dhorkaa isa irratti godhan
Fulbaana 2, 2020

Galma walgaʼii waan kireeffateef Kiriil sochiiwwan finxaaleyyii maallaqaan deggereera jedhamee himanni yakkaa isa irratti baname
Adoolessa 11, 2019

Galma walgaʼii sana yeroo kireeffatanitti kan mallatteesse Kiriil waan taʼeef abbootiin taayitaa isa irratti xiyyeeffataniiru; manni isaas sakattaʼameera
Waxabajjii 4, 2019

Walgaʼii sanaa wajjin haala wal qabateen namoota eenyummaan isaanii hin ibsamne irratti qorannaan yakkaa geggeeffamu eegale
Ebla 2019

Kiriilii fi Dhugaa Baatonni magaalaa Niizyiinii Noovgoorood jiraatan hedduun bashannanaaf galma walgaʼii kireeffatanii turan

Ibsa Gabaabaa

Kiriil Yevstigneev

Bara Dhalootaa: 1979 (Niizyiinii Noovgoorood )

Seenaa Jireenyaa: Meeshaa eer kompireesar jedhamu kan suphu. Dhugaa Kitaaba Qulqulluu kan barate haadha isaa irraa ti. Amala gaarii namoonni gumii keessa jiran argisiisan baayʼee isa hawwatee ture. Bara 1998tti cuuphame. Bara 2002tti immoo Anaastaasiyaa wajjin gaaʼela godhatan

Yaada Dhuunfaa

Seenaan Kitaaba Qulqulluu yeroo kanatti si jabeesse isa kami?

Yoseef inni ilma Yaaqoob taʼe rakkina ana irra gaʼaa jiru caalu isa mudate kan ture taʼus, rakkoowwan sana dandamateera, akkasumas Yihowaatti amanameera. Fakkeenyi isaa fi Waaqayyo rakkoo isaatiif akkamitti furmaata akka kenne beekuun koo abdii akkan hin kutanne na gargaareera.

Muuxannoon kun waaʼee Yihowaa maal si barsiiseera?

Hiikni maqaan Yihowaa qabu kaayyoon isaa akka raawwatamu gochuuf tajaajiltoonni isaa wanta taʼuun barbaachisu kam iyyuu akka taʼan gochuu akka dandaʼu kan argisiisu dha. Gargaarsa isaatiin wanta matumaa ni raawwanna jennee hin yaanne raawwachuu dandeenya.

Yihowaatti amanamuun hangam barbaachisaa akka taʼe baradheera. . . . Ariʼatama na irra gaʼe irratti yaaduu mannaa, Yihowaadhaaf ajajamuu koo itti fufuu fi obboloota kootti jaalala argisiisuu kanan dandaʼu akkamitti akka taʼe irratti yaadaan ture. Gargaarsa Yihowaatiin ariʼatama na mudatu kam iyyuu karaa milkaaʼina qabuun dandamachuu nan dandaʼa.

Obboleessi keenya Kiriilii fi haati manaa isaa, akkasumas obboloonnii fi obboleettonni keenya Raashiyaa fi Kiraayimiyaa keessatti ariʼatamni isaan irra gaʼaa jiran hundi ija jabina argisiisuu isaanii akka itti fufan dhagaʼuun keenya amanannaan Yihowaa irratti qabnu akka guddatu godheera.—Filiphisiyus 1:13, 14.

Kanneen Armaan Gadiis ni Jaallatta Taʼa

ODUU HAARAA

Sababii Amantii Isaaniitiin Hidhamaniiru—Raashiyaa

Dhugaa Baatonni Yihowaa Raashiyaa keessa jiran sababii amantii isaaniitiin hidhamaniiru. Seenaa isaanii dubbisi, maqaa Dhugaa Baatota Yihowaa yeroo ammaatti hidhamanii jiranii ilaali.

ODUU HAARAA