HAGAYYA 13, 2021 | KAN HAAREFFAME: BITOOTESSA 6, 2023
RAASHIYAA

ODUU HAAREFFAME—MURTIIN HIRʼIFAME | Obboloonni Keenya Baarraanoovii fi Liin Tasgabbii kan Qabanii fi Yihowaatti kan Amanamanidha

BANI

Bitootessa 1, 2023 Manni Murtii Naannoo Kaabarooviskii ol iyyannoon erga dhihaatee booda murtii obboleessa keenya Yegoor Baarraanooviitti murtaaʼee ture gara waggaa afurii fi walakkaatti gadi buuseera. Garuu yeroo ammaatti mana hidhaa hin galu.

Waxabajjii 6, 2022, Manni Murtii Godinaa Vaazomskii Naannoo Kaabarooviskiitti argamu Yegoor yakkamaadha jedhee waggaa shaniif daangaa jala akka turu itti murteesse. Kan nama gaddisiisu obboleessi keenya Yen Seen Liin himanni isarratti dhihaate utuu ilaalamee hin xumuramin duʼe.

Chaartii Yeroo

Guraandhala 2, 2021

Manni murtii himata Yegoorii fi Yen Seen irratti dhihaatu dhagaʼuu jalqabe
Sadaasa 20, 2020

Yegoor bakka hamma mana murtii duratti dhihaatutti itti hidhamee ture irraa guyyoota 177 booda ni gadhiifame
Hagayya 26, 2020

Manni Murtii Giddu Gala Koonyaa Kaabarooviskii konkolaataa Yen Seen fudhate
Caamsaa 29, 2020

Yegoor bakka hamma mana murtii duratti dhihaatutti itti hidhamanitti ergame
Caamsaa 26, 2020

Naannoon Kaabarooviskii Yegoorii fi Yen Seen irratti himanni yakkaa isaan irratti bane

Ibsa Gabaabaa

Yegoor Baarraanoov

Bara Dhalootaa: 2001 (Olaavyoonnayaa, Naannoo Tiraansi-Biʼaaykil)

Seenaa Jireenyaa: Obboloota hangafaa lama qaba. Abbaan isaa bara 2013 duʼaan.Uumamaa fi bineeldota jaallata. Qabamuu isaa dura barumsa tiksa bosonaa barachaa ture

Kan isa guddise haadha isaa ishii Dhugaa Baatuu Yihowaa taate dha. Abdii abbaa isaa duʼaan dhabe deebisee akka argu qabu abdii qabaachuuf isa gargaareera. Dhugaa Baatuu Yihowaa taʼee kan cuuphame bara 2017tti dha. Piyaanoo taphachuu, walaloo barreessuu fi nyaata bilcheessuu jaallata

Yaada Dhuunfaa

Yeroo haalli kun si mudatetti hariiroon Yihowaa wajjin qabdu caalaatti kan guddate akkamitti?

Qorumsi kun na irra gaʼuu isaatiin, haala rakkisaa akkamii keessa kan jirru kan fakkaatu taʼus Yihowaan haala kam iyyuu keessatti miira keenya akka hubatuu fi dhuunfaatti akka nu kunuunsu beekuu dandaʼuun koo na gammachiisa. Akkuma tasaa shakkiin taʼe tokko yoo dhufe, Waaqayyo hangam ogeessa akka taʼe akkan dagadhe kan argisiisu akka taʼe hubadheera. Inni yeroo hundumaa wanta gochuu qabu beeka, akkasumas karaa namni matumaa hin yaanneen tarkaanfii fudhata. Yeroon bakka hamma mana murtiitti dhihaatanitti keessatti hidhaman tureti , amanannaan isa irratti qabu qoramee akka ture hubadheera, booda garuu amannaan isa irratti caalaatti cimeera.

Yen Seen Lii

Bara Dhalootaa: 1952 (Niikooleviski-naa-Murii, Naannoo Kaabarooviskii)

Seenaa Jireenyaa: Ijoollee shan keessaa inni sadaffaa dha. Hojiin isaa elektirikaal injinarii dha. Haadha manaa isaa Oolgaa kan fuudhe bara 1991tti dha. Ilma tokko godhataniiru. Waaʼee Kitaaba Qulqulluu caalaatti beekuuf fedhii kan qabaatan abdii Kitaabni Qulqulluun ilmaan namootaa gara fuulduraa yeroo beekanitti dha. Bara 1994tti cuuphame. Cheezii taphachuu fi miilaan deemuu jaallata

Yaada Dhuunfaa

Yeroowwan kanatti waaʼee maalii gara Yihowaatti kadhannaa dhiheessite?

Anaa fi haadha manaa koo akka cimsuu, akkasumas nagaa garaa keessaa akka nuuf kennun Waaqayyoon kadhadhe. . . . Yeroon qorannaadhaaf dhihaadhutti tasgabbii guddaatu natti dhagaʼama, kun immoo Yihowaan matumaa akka na hin gatne amannaa koo caalaatti naaf cimseera.

Haati manaa koo dhibee onneetiin mana yaalaa yeroo galtetti yaalii fayyaa gaariin akka ishiidhaaf kennamu . . . Cimseen kadhadhee ture. Yihowaanis kadhannaa koo naaf dhagaʼeera. Innis obbolootaa fi obboleettotatti fayyadamee anaanis taʼe ishii akka gargaare ifa dha. Isaan yeroo hundumaa nuu wajjin jiru. Wanta jireenyaaf nu barbaachisu nuuf guutaniiru, keessumaa immoo Yihowaatti dhihaannee akka jiraannu nu gargaaraniiru.

Gargaarsa Yihowaa fi michoota keenyaan, amantii Yihowaa irratti qabdu cimsachuu dandeesseetti. . . . Warra kaan jajjabeessuuf illee carraaqqii gooti. Kun Yihowaan haadha manaa kootiif deggersa gochaa akka jiru ifatti kan naaf mirkaneessu dha.

Obboloonni keenya Yihowaatti amanamuu isaanii waan itti fufaniif isaan galateeffanna, innis jabaatanii akka dhaabbatan akka isaan cimsu amanannaa qabna.—2 Tasalonqee 3:3.

Kanneen Armaan Gadiis ni Jaallatta Taʼa

ODUU HAARAA

Sababii Amantii Isaaniitiin Hidhamaniiru—Raashiyaa

Dhugaa Baatonni Yihowaa Raashiyaa keessa jiran sababii amantii isaaniitiin hidhamaniiru. Seenaa isaanii dubbisi, maqaa Dhugaa Baatota Yihowaa yeroo ammaatti hidhamanii jiranii ilaali.

ODUU HAARAA