CAAMSAA 6, 2024 | Adoolessa 11, 2024 HAAREFFAME
RAASHIYAA

ODUU HAAREFFAME—MURTOO MANI HIDHAA DABRASE| “Wanti Hundi Toʼannaa Yihowaa Jala Jira”

BANI

Adoolessa 10, 2024 Manni Murtii Godinaa Koroolsikii Naannoo Piriimooriyeetti argamu dhimma obboleessa keenya Booris Andriyeev, obboleessa keenya Anaatoolii Lii fi Obboleettii keenya Naataaliyaa Shaaraapoovaa ilaalchisee mortoo dabarseera. Booris waggaa jaʼa akka hidhamu, Anaatooliin waggaa jaʼa fi jiʼa jaʼa akka hidhamu akkasumas Naataaliyaan waggaa sadi akka hidhamtu murteesseera. Sadan isaaniyyu durumaa hidhaamanii waan turaniif akkuma hidhamanitti itti fufu

Ibsa Gabaabaa

Booris Andriyeev

Baraa fi Iddoo Dhalootaa: 1951 (Moonaastiiriishee, Naannoo Piriimooriyee)

Seenaa Jireenyaa: Garee yeroo balaatti tarkaanfii fudhatu keessaa hojjeta ture

Gaaffiiwwan qabuuf Kitaaba Qulqulluu irraa deebii argachuun isaa dhugaa akka argate isa amansiise. Bara 2004tti cuuphamee Dhugaa Baatuu Yihowaa taʼe

Bara 2020tti Aleksaandiraa fuudhe

Yaada Dhuunfaa Aleksaandiraan Haati Manaa Booris Kennite a

Abbaan manaa kee yeroo rakkisa kana akka dandamattu kan si gargaare akkamitti?

Yeroo Booris qabametti guyyaa ulfaataan ani dabarse tokko akka jiru nan yaadadha. Miirri koo baayʼee waan miidhameef garmaleen booʼe. Wanta na mudatee fi miira natti dhagaʼame xalayaadhaan Boorisitti nan hime. Innis kan na jajjabeesse siʼa taʼu, miira koo akka naaf hubatu naaf ibseera. Hunda caalaa garuu, rakkoowwan kanaan dura nu mudataniifi gargaarsa Yihowaatiin akkamitti akka keessa darbine na yaadachiise. Wanti na barbaachisu kanuma ture; Yihowaan matumaa akka nu hin dhiisne caalaatti na amansiiseera.

Anaatoolii Lii

Baraa fi Iddoo Dhalootaa: 1985 (Uzbeekistaan)

Seenaa Jireenyaa: Waldaa hedduu kan dhaqe taʼus gaaffii hedduu deebii hin arganneef qaba ture. Dhugaa Baatota Yihowaa wajjin qoʼachuu erga jalqabee booda Kitaaba Qulqulluu irraa dhugaa beekuu isaatti ni gammade. Bara 2010tti cuuphame

Bara 2011tti Raayisaa fuudhe

Yaada Dhuunfaa Raayisaan Haati Manaa Anaatoolii Kennite b

Yihowaan siʼii fi abbaa manaa kee kan gargaare akkamitti?

Anaatooliin mana hidhaa hanga murtiitti itti tursiisan seenee utuu baayʼee hin turin kophaa taʼuun koo baayʼee akka isa yaaddesse natti himee ture. Qabamuu isaa dura, guyyaa guyyaatti Kitaaba Qulqulluu waliin dubbisaa fi waliin kadhachaa turre. Taʼus, Yihowaan obbolootaa fi obboleettotatti fayyadamuudhaan gargaarsa akkamii naaf gochaa akka jiru yommuu beeku yaaddoon isaa isaaf hirʼateera. Lamaan keenyayyuu Yihowaan dhugumaan akka nuuf yaaduu fi matumaa akka nu hin ganne argineerra.

Naataaliyaa Shaaraapoovaa

Baraa fi Iddoo Dhalootaa: 1972 (Kaazaakistaan)

Seenaa Jireenyaa: Dhugaa Baatota Yihowaa wajjin bara 1995tti wal argitee Kitaaba Qulqulluu qoʼachuu jalqabde. Kitaabni Qulqulluun dubbii Waaqayyoo akka taʼe amante. Bara 2012tti cuuphamte

Yaada Dhuunfaa Niinaan Haati Naataaliyaa Kennite c

Naataaliyaan mana hidhaa hanga murtiitti itti tursiisan keessa kan jirtu taʼus abdii akka hin kutanne wanti ishii gargaare maalidha?

Mana hidhaa keessatti haalawwan ulfaatoo hedduun intala koo mudataniiru. Bakki isaa baayʼee qorra. Yeroo baayʼee immoo mataa ishee bowwaafata. Darbee darbee kan gadditu taʼus wanti hundi toʼannaa Yihowaa jala akka jiru amantii qabdi. Akkas jetteetti: “Bara baraaf akkan as hin turre beeka. Yihowaan obsa naaf kenna, anis obsaan eeguuf qophaaʼeera.” Haala ulfaataa keessa jiraachuun ishii Naataaliyaan caalaatti Yihowaatti akka dhihaattu taasiseera. Akkuma inni ishii hammatee jirutti ishiitti dhagaʼama.

Yihowaan akkuma Anaatoolii, Boorisiifi Naataaliyaadhaaf gochaa jiru, yeroo dhiphinaatti kadhannaa keenyaaf deebii kennuudhaan cimina jabaannee dhaabbachuuf nu barbaachisu akka nuuf kennu ni amanna.—Faarfannaa 20:1.

Chaartii Yeroo

Adoolessa 28, 2022

Himanni yakkaa ni baname
Onkoloolessa 6, 2022

Magaalaa Yaarooslaaviskii keessatti manneen kudha lama ni sakattaʼaman. Boorisiifi Naataaliyaan mana hidhaa yeroodhaaf itti tursiisan galfaman
Onkoloolessa 7, 2022

Boorisii fi Naataaliyaan mana hidhaa hanga murtiitti itti tursiisanitti jijjiiraman
Onkoloolessa 12, 2022

Anaatooliin mana hidhaa yeroodhaaf itti tursiisan galfame
Onkoloolessa 13, 2022

Anaatooliin mana hidhaa hanga murtiitti itti tursiisanitti jijjiirame
Onkoloolessa5, 2023

Himanni yakkaa mana murtiitti ilaalamuu jalqabe

a b c Yeroo mata dureen kun qophaaʼaa turetti obboleessi keenya Booris, obboleessi keenya Anaatoolii fi obboleettiin keenya Naataaliyaan mana hidhaa hanga murtiitti itti tursiisan keessa waan turaniif yaada dhuunfaa isaanii argachuu hin dandeenye.

Dabalataan Ilaali

ODUU HAARAA

Sababii Amantii Isaaniitiin Hidhamaniiru—Raashiyaa

Dhugaa Baatonni Yihowaa Raashiyaa keessa jiran sababii amantii isaaniitiin hidhamaniiru. Seenaa isaanii dubbisi, maqaa Dhugaa Baatota Yihowaa yeroo ammaatti hidhamanii jiranii ilaali.

ODUU HAARAA