HAGAYYA 26, 2021| ODUU HAAREFFAME: AMAJJII 12, 2024
RAASHIYAA
ODUU HAAREFFAME—MURTOON DABARFAME TURE NI HAFE | Abbaan Ijoollee Lamaa Sababii Amantii Isaatiin Hidhaan Waggaa 15 Akka Isatti Murteeffamu Akeekkachiifame
Amajjii 11, 2024, argamu Mana Murtii Naannoo Hoontii-Moonsiikii Awutoonoomoos Yuugrootti argamu murtoon Andiree Saazonoov irratti dabarfamee ture ni hambise. Amma dhimmi isaa Mana Murtii Magaalaa Urii isa Naannoo Hoontii-Moonsiikii Awutoonoomoos Yuugrootti akka irra deebiʼamee ilaalamu murteesse.
Chaartii Yeroo
Muddee 24, 2021, Manni Murtii Magaalaa Urii inni Naannoo Hoontii-Moonsiikii Awutoonoomoos Yuugrootti argamuu obboleessa keenya Andiree Saazonoov yakkamaa akka taʼe murteesse, akkasumas ruubilee 500,000 (Doolaaraa Ameerikaa 6,785) isa adabe. Hidhaan waggaa 15 itti murtaaʼuuf ture. Obboleessi keenya yakkamaa akka taʼe itti murtaaʼuu isaatti kan gaddinu taʼus, mana hidhaa akka hin galfamne beekuu keenyatti ni gammanna
Waxabajjii 22, 2020
Himanni yakkaa Andiree irratti baname
Hagayya 22, 2019
Dhorkaan manaa akka hin baane isarratti godhame kan irraa kaʼe yeroo taʼu, biyyaa akka hin baanee fi sochiiwwan kan biroo akka hin goone isa irratti murtaaʼe
Guraandhala 26, 2019
Mana isaa keessatti akka hidhamu taasifame
Guraandhala 6, 2019
Bakka yeroodhaaf keessa tursiifamanitti geeffame, guyyaa lama boodammoo bakki hojii isaa fi konkolaataan isaa erga sakattaaʼamee booda mana hidhaa hamma murtii duratti dhihaatanitti keessa tursiifamanitti dabarfame
Amajjii 31, 2019
Sochii jaarmiyaa finxaalessaa gurmeessiteetta, akkasumas irratti hirmaatteetta jedhamee himatame
Ibsa Gabaabaa
Obboloonnii fi obboleettonni keenya Raashiyaa ariʼatamni isaanitti hammaachaa yeroo jiru kanatti fakkeenya gaarii taʼuu isaanii waan itti fufaniif isaan dinqisiifanna. Yihowaan isaan ‘onnachiisuu fi isaan cimsuu’ isaa akka itti fufu amanannaa guddaa qabna.—Faarfannaa 138:3.
Kanneen Armaan Gadiis ni Jaallatta Taʼa
ODUU HAARAA
Sababii Amantii Isaaniitiin Hidhamaniiru—Raashiyaa
Dhugaa Baatonni Yihowaa Raashiyaa keessa jiran sababii amantii isaaniitiin hidhamaniiru. Seenaa isaanii dubbisi, maqaa Dhugaa Baatota Yihowaa yeroo ammaatti hidhamanii jiranii ilaali.