WAXABAJJII 8, 2022
RAASHIYAA
ODUU HAAREFFAME—OBBOLEESSI KEENYA GADHIIFAME | Deggarsa Obbolootaa fi Obboleettota Isaanii Argataniiru
Sadaasa 10, 2022, Manni Murtii Godinaa Voologdaa ol iyyannoo obboleessi keenya Yurii Baaraanoovii fi Nikoolaayi Isteepaanoov dhiheessan irratti murtii ni dabarse. Murtii Yuuriitti murtaaʼe irratti jijjiiramne hin godhamne. Murtiin hidhaa waggaa afurii yeroo darbe Nikoolaayitti murteeffamee ture hafee waggaa afur keessatti yakka yoo raawwate akka hidhamu isatti murtaaʼe. Yeruma sana mana hidhaatii gadhiifameera.
Fulbaana 5, 2022 Manni Murtii Magaalaa Voologdaa obboloonni keenya Yuurii fi Nikoolaayi yakkamtoota jedhee murteesseera. Yuuriitti hidhaan daangaa waggaa afurii murtaaʼeera. Amma garuu mana hidhaa hin galu. Nikoolaayitti immoo hidhaan waggaa afurii murtaaʼeera. Murtiin isarratti darbes yeruma sana hojiirra ooluu jalqabeera.
Chaartii Yeroo
Muddee 19, 2019
Humnoonni nageenyaa manneen maatii Dhugaa Baatota Yihowaa magaalaa Voologdaa keessa jiraatan jaʼa cabsanii seenan. Yuurii fi Nikoolaayi qabamanii mana hidhaa hamma mana murtiitti dhihaatanitti keessa tursiifamanitti geeffaman
Muddee 20, 2019
Yuuriin kan gadhiifame taʼus, mana isaatii akka hin baane dhorkame
Muddee 23, 2019
Nikoolaayi mana hidhaa hamma mana murtiitti dhihaatanitti keessa tursiifamanitti geeffame
Bitootessa 16, 2020
Yuuriin dhorkaa manaa akka hin baane isa irratti godhame ni kaafameef, taʼus namoota himata yakkaa isa irratti banamee wajjin wal qabatan irratti argaman wajjin akka hin haasofne, akkasumas itti fayyadama bilbilaa fi Intarneetii irratti dhorkaan akkuma isa irra kaaʼametti jira
Caamsaa 19, 2020
Dhorkaan Yuurii irra ture ni kaafameef
Hagayya 13, 2020
Nikoolaayi mana hidhaa hamma mana murtiitti dhihaatanitti keessa tursiifaman keessaa baʼus, mana isaatii akka hin baane dhorkame
Fulbaana 25, 2020
Nikoolaayi dhorkaan manaa akka hin baane isa irra kaaʼame ni kaʼeef
Bitootessa 7, 2022
Himanni yakkaa isa irratti baname ilaalamuu jalqabe
Ibsa Gabaabaa
Ariʼatamni isaan irra gaʼaa kan jiru taʼus obboloonni keenya amanamummaa isaanii argisiisaa kan jiran taʼuu isaanii arguun baayʼee nama jajjabeessa.—1 Tasalonqee 3:7.
Kanneen Armaan Gadiis ni Jaallatta Taʼa
ODUU HAARAA
Sababii Amantii Isaaniitiin Hidhamaniiru—Raashiyaa
Dhugaa Baatonni Yihowaa Raashiyaa keessa jiran sababii amantii isaaniitiin hidhamaniiru. Seenaa isaanii dubbisi, maqaa Dhugaa Baatota Yihowaa yeroo ammaatti hidhamanii jiranii ilaali.