HAGAYYA 23, 2023 | ODUU HAAREFFAME: WAXABAJJII 25, 2024
RAASHIYAA

ODUU HAAREFFAME—OBBOLEESSI NI ADABAME | “Ittuu Caalaatti Na Cimsa”

BANI

Waxabajjii 24, 2024, Manni Murtii Magaalaa Lesoosiibiiriski Naannoo Kiraasnayaariski Obboleessa Vaalarii Shaatis irratti yakkamaa akka taʼe murteesse. Vaalariin ruubilii 600,000 (doolaara Ameerikaa 6,894) adabameera.

Ibsa Gabaabaa

Vaalarii Shaatis

Bara Dhalootaa: 1966 (Bolshaayaa Muurtaa, Naannoo Kiraasnayaariski)

Seenaa Jireenyaa: Hojii ijaarsaa irratti hojjechaa ture

Bara 1987tti Irinaa wajjin gaaʼela godhatan. Ilmaan lama godhataniiru

Haadha manaa isaa wajjin taʼuudhaan Dhugaa Baatota Yihowaa wajjin Kitaaba Qulqulluu qoʼachuu jalqaban. Raajiiwwan Kitaaba Qulqulluu raawwii isaanii argatanii fi buʼaa gaariin gorsa Kitaaba Qulqulluu hojii irra oolchuun argamsiisu baayʼee isaan dinqisiise. Lamaan isaanii iyyuu bara 2008tti cuuphaman

Yaada Dhuunfaa

Gargaarsaa fi deggersa obboloonnii fi obboleettonni kee siif godhan irraa maal baratte?

Obboloonnii fi obboleettonni keenya wanta nu mudate yommuu dhagaʼan gargaarsa nuuf godhaniiru; akka nu jaallatanis nuuf mirkaneessaniiru. Arjummaa nutti argisiisaniiru, nuuf jecha yeroo isaanii fi humna isaanii aarsaa gochuuf fedhii qabu turan. Jalqaba irratti warri kaan akka na gargaaran heyyamuun anaaf salphaa hin turre. Fudhachuu irra kennuutu caalaatti nama gammachiisa, ani umurii koo guutuu warra kaaniif kennaan ture. Amma garuu ilaalcha koo sirreessuu fi warri kaan akka na gargaaran heyyamuu akkan qabu hubadheera. Akkas gochuun koo, jaalala argisiisuu irratti warri kaan fakkeenya Yihowaa fi Yesuus yommuu hordofan arguudhaan gammachuu akkan argadhu na taasiseera.

Matumaa abdii akka hin kutanne kan si gargaare maalidha?

Kiristiyaanonni hundi amantiin isaanii ni qorama. Hidhamuu qofaan utuu hin taʼin, dhukkubaan, jalʼina haqaatiin ykn nama jaallatan duʼaan dhabuudhaan amantiin isaanii qoramuu dandaʼa. Yaaqoob 1:3 ‘amantiin koo inni qoramee ilaalame jabaatanii dhaabbachuu akka naaf argamsiisu’ na yaadachiisa. Kanaafuu, yeroo hunda gara Yihowaatti kadhannaa dhiheessuudhaan miira koo isattin himadha. Caalaatti yommuun kadhadhu, michummaan ani Yihowaa wajjin qabu caalaatti cimaa deema. Kana malees, waldaan obbolummaa addunyaa maraa akka naaf kadhachaa jiru beekuun koo na jajjabeessa, akkasumas cimina naaf kenna. Ariʼatamni kun humna koo kan laaffisuu fi wantan gochuu dandaʼu kan na jala daangessu taʼullee, ani matumaa amanamummaa Yihowaadhaaf qabu hin laaffisu. Ittuu caalaatti na cimsa.

Qorumsi akkamii iyyuu yoo nu irra gaʼe Yihowaanis taʼe obboloonnii fi obboleettonni keenya akka nu deggeran beekuun nu jajjabeessa.—1 Pheexiros 5:9, 10.

Chaartii Yeroo

Sadaasa 19, 2021

Himanni yakkaa isa irratti baname
Sadaasa 25, 2021

Manni isaa ni sakattaʼame, akkasumas qorannaadhaaf geeffame
Sadaasa 26, 2021

Sochiiwwan tokko tokko akka hin goone dhorkame
Caamsaa 18, 2022

Akka hin imalle dhorkame
Ebla 10, 2023

Himanni yakkaa mana murtiitti ilaalamuu jalqabe

Kanneen Armaan Gadiis ni Jaallatta Taʼa

ODUU HAARAA

Sababii Amantii Isaaniitiin Hidhamaniiru—Raashiyaa

Dhugaa Baatonni Yihowaa Raashiyaa keessa jiran sababii amantii isaaniitiin hidhamaniiru. Seenaa isaanii dubbisi, maqaa Dhugaa Baatota Yihowaa yeroo ammaatti hidhamanii jiranii ilaali.

ODUU HAARAA