AMAJJII 4, 2023 | ODUU HAAREFFAME: SADAASA 17, 2023
RAASHIYAA

ODUU HAAREFFAME—OBBOLEETTII KEENYATTI NI MURTAAʼE | Ariʼatamni Gaʼaa Jiraatus Warra Kaan Gargaaruuf Murteessuu

BANI

Sadaasa 15, 2023 Manni Murtii Koonyaa Kaznetiski Noovookaznetiskii, obboleettiin keenya Taatyaanaa Shulikuuvaan yakkamtuu akka taate murteesse. Hidhaa daangaa waggaa afurii itti murteesseera. Haataʼu malee yeroo kanatti mana hidhaa hin galtu.

Ibsa Gabaabaa

Taatyaanaa Shulikuuvaa

Bara Dhalootaa: 1959 (Koorkiinoo, Naannoo Cheliyaabiiniskii Naannoo Chelaaviniski)

Seenaa Jireenyaa: Injinara injiinarootarra baalaa eegduufi to‵attuu waarshaa taatee hojjetti. Bara 1979tti Sargee wajjin gaaʼela dhaabbatte. Ijoollee durbaa lama godhataniiru

Dhugaa Baatota Yihowaa wajjin kan wal baran karaa fira isaanii tokkodha. Abbaa manaa ishii wajjin Kitaaba Qulqulluu qoʼachuu jalqaban. Jaalalli Dhugaa Baatota gidduu jiru baayʼee isaan tuqe. Lamaanuu bara 1996tti cuuphaman

Yaada Dhuunfaa

Fakkeenyi warra kaanii hammam si jajjabeesse?

Mata dureewwan waaʼee obbolootaa fi obboleettota keenya qabamanii fi murtiitti dhihaatanii dubbisuun na gargaareera. Gabaasawwan kun wanta gaʼuu dandaʼu akkan eegu na hubachiisaniiru; kanaafuu anarras yeroo gaʼu hin sodaadhu. Fakkeenyi warra mana hidhaa galaniis baayʼee kan nama jajjabeessudha. Haala abdii nama kutachiisu keessa jiraatanis, obbolootaa fi obboleettota isaanii bakkee jiraniif xalayaa isaan jajjabeessu barreessu turan.

Abbaan manaa koo Sargeenis dhiibbaa gaarii narratti godheera. Murtiitti yeroo dhihaatetti amanannaa Yihowaa irratti qabu hin dhabne. Sodaan maaltu narra gaʼuu dandaʼa laata jedhu abdii akka isa kutachiisu hin heyyamne. Hunda caalaa waaʼee obboloota isaa jechuunis karaa itti isaan jajjabeessuu fi isaan cimsu yaada ture. Karaa naaf dandaʼame hundaan warra na bira jiran gargaaruufan murteesse. Akkana gochuun koo jireenya buʼa qabeessa taʼe jiraachuuf akkasumas rakkina na mudatan qofa irratti xiyyeeffachuu irraa fagaachuuf na gargaara.

Nutis akkuma Taatyaanaa, fakkeenya “dhugaa baatota akka duumessa guddaa” gargaarsa Yihowaatiin ariʼatama dandamataniin cimina arganneerra.—Ibroota 12:1.

Chaartii Yeroo

Waxabajjii 8, 2021

Magaalaa Noovookaznetiskitti Poolisoonni Federaalaa (FSB) mana Dhugaa Baatota Yihowaa sadii humnaan sakattaʼan. Taatyaanaa fi abbaan manaa ishii saʼaatii sadiif qorataman
Waxabajjii 20, 2022

Himanni yakkaa ni dhihaate. Maree amantii wajjin walqabate akkasumas walgaʼii amantii irratti hirmaateera jedhamee himatame
Adoolessa 22, 2022

Himanni irratti baname
Fulbaana 27, 2022

Himanni yakkaa ilaalamuu jalqabe. Abbaan murtii dhimmicha gara abbaa alangaatti deebise
Sadaasa 16, 2022

Himanni yakkaa deebisee ilaalamuu jalqabe

Dabalataan Ilaali

ODUU HAARAA

Sababii Amantii Isaaniitiin Hidhamaniiru—Raashiyaa

Dhugaa Baatonni Yihowaa Raashiyaa keessa jiran sababii amantii isaaniitiin hidhamaniiru. Seenaa isaanii dubbisi, maqaa Dhugaa Baatota Yihowaa yeroo ammaatti hidhamanii jiranii ilaali.

ODUU HAARAA