CAAMSAA 6, 2022 | ODUU HAAREFFAME: GURAANDHALA 21, 2023
RAASHIYAA

ODUU HAAREFFAME—OBBOLEETTII KEENYATTI NI MURTAAʼE | Obboleettiin Keenya Taatiyaanaa Obizhestviit Yihowaatti Amanamteetti

BANI

Guraandhala 20, 2023, Manni Murtii Godinaa Vaakhitoviskii Kaazaan ishii Riippablika Taataaristaan taate obboleettii keenya Taatiyaanaa Obizhestviit yakkamtuu akka taate kan murteesse siʼa taʼu, waggaa lama keessatti yakka yoo raawwatte akka hidhamtu murteesse. Haataʼu malee yeroo kanatti mana hidhaa galtu.

Chaartii Yeroo

Amajjii 19, 2020

Poolisoonni mana Taatiyaanaa fi manneen Dhugaa Baatota Yihowaa kan biroo magaalaa Kaazaan keessa jiran sakattaʼaniiru. Taatiyaanaan irratti qorannaan erga godhamee booda mana hidhaa hamma murtiitti dhihaatanitti keessa tursiifamanitti yeroodhaaf ergamte
Amajjii 21, 2020

Ni gadhiifamtee, garuu manaa akka hin baane dhorkamte
Caamsaa 25, 2021

Himanni yakkaa irratti baname

Ibsa Gabaabaa

Taatiyaanaa Obizhestviit

Bara Dhalootaa: 1962 (Kaazaan)

Seenaa Jireenyaa: Mana barumsaa nyaata bilcheessuu itti baratan irraa eebbifamteetti. Mana barumsaa tokko keessa nyaata bilcheessaa turte, yeroo booda narsii taateetti

Dhugaa Baatoota Yihowaa wajjin Kitaaba Qulqulluuu qoʼateetti, bara baraaf jiraachuu akka dandeessu barachuun ishii baayʼee ishii ajaaʼibsiiseera. Maatii ishii irra mormii cimaan ishii irra gaʼus, bara 1995tti cuuphamteetti. Ijoollee durbaa lama guddisteetti. Abbaan manaa ishii bara 2010tti irraa duʼe

Yaada Dhuunfaa

Yeroo manaa akka hin baane dhorkamtetti wanti miira abdii kutachuu sitti dhagaʼame akka dandamattu si gargaare maali dha?

Yihowaan humna jabaadhee akkan dhaabbadhu na gargaaru akka naa kennu yeroo baayʼee kadhadheera . . . Yeroo manaa akka hin baane dhorkametti kophaan ture. Namoota gumii koo keessa jiran wajjin wal arguuf ykn namoota kan biraa wajjin wal qunnamuuf bilbila, kompiitara ykn wanta kan biraa fayyadamuun naaf hin heyyamamu ture. Jalqaba irratti haalli isaa baayʼee ulfaataa ture. Kanaafuu yeroo baayʼeen abdii kutadha ture. Haa taʼu malee, haala koo irratti xiyyeeffachuu irraa of qusachuufan yaala ture. Sababii kun itti taʼe hubachuun koo haala kana keessatti kanan argame Yihowaa waanan jaalladhuu fi isa gammachuusuu waanan barbaaduuf taʼuu isaa yaadachuuf na gargaareera. Kunis waaʼee ofii koo yaaduu dhiisuuf na gargaareera.

Taatiyaanaan amanamummaadhaan jabaattee yeroo dhaabbatutti ofitti utuu hin taʼin Yihowaatti amanamuu ishii waan itti fufteef muuxannoon ishii baayʼee nu jajjabeesseera.—Fakkeenya 3:5.

Kanneen Armaan Gadiis ni Jaallatta Taʼa

ODUU HAARAA

Sababii Amantii Isaaniitiin Hidhamaniiru—Raashiyaa

Dhugaa Baatonni Yihowaa Raashiyaa keessa jiran sababii amantii isaaniitiin hidhamaniiru. Seenaa isaanii dubbisi, maqaa Dhugaa Baatota Yihowaa yeroo ammaatti hidhamanii jiranii ilaali.

ODUU HAARAA