AMAJJII 26, 2022 | ODUU HAAREFFAME: WAXABAJJII 27, 2023
RAASHIYAA
ODUU HAAREFFAME—OBBOLOONNI KEENYA NI HIDHAMAN | Warra Kaan Gargaaruu fi Yihowaatti Amanamuun Obboloonni Tiindaa Keessatti Argaman Jabaatanii Akka Dhaabbatan Gargaareera
Waxabajjii 23, 2023, Manni Murtii Olaanaa Tiindaniskii Naannoo Amuuritti argamu obboloonni keenya Vilaadimiir Buukiin, Mikaayil Buurkoov, Vaalerii Silaashkiyoovii fi Sargee Yuufyerooviin yakkamtoota akka taʼan murteesse. Mikaayilitti hidhaa waggaa jaʼaa fi jiʼa lamaatu itti murteeffame. Vilaadimiir, Vaalerii fi Sargeetti hidhaa waggaa jaʼaa fi jiʼa afuriitu isaanitti murtaaʼe. Obboloonni kun arfan yeruma sana gara mana hidhaatti geeffaman.
Muddee 27, 2022, Manni Murtii Olaanaa Naannoo Amuur murtii Vilaadimiir, Mikaayil, Vaalerii fi Sargee irratti murteeffamee ture haquudhaan dhimmi isaanii akka haaraatti akka ilaalamu murteesse. Obboloonni kun mana hidhaatii kan gadhiifaman yeroo taʼu, himata haaraa isaan irratti banamu eegaa jiru. Haa taʼu malee, naannoo jiraatan keessaa akka baʼan isaaniif hin heyyamamne.
Onkoloolessa 25, 2022 Manni Murtii Olaanaa Tiindaniskii Naannoo Amuuritti argamu, Vilaadimiir, Mikaayil, Vaalerii fi Sargeen yakkamtoota jedhee murteesseera. Vilaadimiir, Vaalerii fi Sargeetti hidhaan waggaa jaʼaa fi jaʼa jaʼaa murtaaʼeera. Mikaayilittimmoo hidhaan waggaa jaʼaa fi jiʼa lamaa murtaaʼeera. Arfan isaaniiyyuu yeruma sana mana murtiitii gara mana hidhaatti geeffamaniiru.
Chaartii Yeroo
Sadaasa 17, 2019
Poolisoonni mana obboloota arfan olitti caqasamanii dabalatee, mana maatii dhugaa Baatota Yihowaa taʼan saddeetii sakattaʼan
Sadaasa 18, 2019
Qorattoonni, obboloonni kun arfan mankaraarsitootadha jedhanii isaan himatan. Achiis wabiidhaan kan isaan gadhiisan yeroo taʼu, kun immoo naannoo sana irraa fagaatanii akka hin deemne isaan dhowwa
Adoolessa 26, 2021
Himanni yakkaa isaan irratti baname ilaalamuu jalqabe
Ibsa Gabaabaa
Yihowaan obboloota keenyaa fi tajaajiltoota isaa amanamoo taʼan hundatti “jaalala amanamaa” argisiisuu isaa akka itti fufu amanannaa guutuu qabna.—Uumama 39:21.
Kanneen Armaan Gadiis ni Jaallatta Taʼa
ODUU HAARAA
Sababii Amantii Isaaniitiin Hidhamaniiru—Raashiyaa
Dhugaa Baatonni Yihowaa Raashiyaa keessa jiran sababii amantii isaaniitiin hidhamaniiru. Seenaa isaanii dubbisi, maqaa Dhugaa Baatota Yihowaa yeroo ammaatti hidhamanii jiranii ilaali.