SADAASA 24, 2021
RAASHIYAA

ODUU HAAREFFAME | Wantoota Yihowaan Uume Ilaaluun Isaa Obboleessa Keenya Andiree Kolesnichenkoo Jabeesseera

BANI

Waxabajjii 30, 2022 Manni Murtii inni Naannoo Tompiskiitti argamu hidhaa waggaa afurii obboleessa keenya Andiree Kolesnichenkootti murtaaʼee ture ni jijjjiire. Kanaa mannaa, waggaa afuriif daangaa jala akka turu kan itti murteeffame yommuu taʼu, yeruma sana mana hidhaatii gadhiifameera.

Amajjii 19, 2022, the Manni Murtii Magaalaa Siiviriskii inni Naannoo Tompiskiitti argamu Andireen yakkamaa akka taʼe kan murteesse yoo taʼu, hidhaa waggaa afurii itti murteesseera.

Chaartii Yeroo

Adoolessa 7, 2021

Himanni yakkaa isa irratti baname
Caamsaa 21, 2021

Walgaʼiiwwan Dhugaa Baatota Yihowaa irratti waan argameef yakkaan himatame
Bitootessa 25, 2021

Abbootiin taayitaa obboleessa keenya Andiree irratti qorannaa himata yakkaa geggeessuu jalqaban
Adoolessa 14, 2020

Tajaajilli Nageenyaa Federaalaa mana obboleessa keenya Kolesnichenkoos dabalatee manneen Dhugaa Baatota Yihowaa magaalaa Siiviriskii keessa jiraatan shan sakattaʼan

Ibsa Gabaabaa

Andiree Kolesnichenkoo

Bara dhalootaa: 1970 (Siiviriskii)

Seenaa: Ijoollummaa isaatti fakkii kaasuu jaallata ture. Obboleessa isaa wajjin kaabineetii hojjetu. Haadha manaa isaa, Oksaanaa kan fuudhe bara 1998tti dha

Bara 2001tti Dhugaa Baatuu Yihowaa ta‵ee cuuphame

Yaada Dhuunfaa

Yeroowwan abdii kutattutti maaltu si gargaare?

Yeroo abdii akka kutanne nutti dhagaʼamu anii fi haati manaa koo Yihowaan gammachuu dabalataa akka nuuf kennu kadhanna. Kadhannaawwan kunneenis karaawwan adda taʼaniin deebii isaanii argataniiru. Yihowaan uumamawwan isaatti, keessumaa immoo simbirootatti fayyadamee nu jajjabeesseera. Bosona nutti dhihoo keessas miillaan deemna. Yeroowwan kanatti wantoonni Yihowaan uume dinqisiifannaadhaan akka guutamnu nu taasisu, akkasumas nu jajjabeessu.

Caqasawwan Kitaaba Qulqulluu jajjabina siif kennan kam faʼi?

Yaadawwan Luqaas 21:12, 13 fi Filiphisiyus 1:12-14 irratti argaman gargaarsa guddaa naaf godhaniiru. Haalli ani amma keessa jiru guutummaatti dhugaa baʼuuf akkamitti carraa akka naaf kenne hubachuun koo na gammachiisa. Caqasawwan kunneen fakkeenya isaaniif taʼuudhaan warra kaan jajjabeessuu akkan dandaʼus na yaadachiisaniiru.

Fakkeenya obbolootaa fi obboleettota keenya Raashiyaa Yihowaatti amanamuu isaanii itti fufan irratti xiinxaluun “dubbii Waaqayyoo sodaa malee dubbachuuf” ofitti amanannaa akka qabaannu nu taasisa.—Filiphisiyus 1:13, 14.

Kanneen Armaan Gadiis ni Jaallatta Taʼa

ODUU HAARAA

Sababii Amantii Isaaniitiin Hidhamaniiru—Raashiyaa

Dhugaa Baatonni Yihowaa Raashiyaa keessa jiran sababii amantii isaaniitiin hidhamaniiru. Seenaa isaanii dubbisi, maqaa Dhugaa Baatota Yihowaa yeroo ammaatti hidhamanii jiranii ilaali.

ODUU HAARAA