ADOOLESSA 26, 2023 | ODUU HAAREFFAME: ADOOLESSA 20, 2023
RAASHIYAA

ODUU HAAREFFAME—YAKKAMTUU AKKA TAATETTI ITTI MURTAAʼE | ‘Yihowaan Yoomiyyuu Na Cinaa Jira’

BANI

Muddee 19, 2023, Manni Murtii Godinaa Dimitrooviskii Kostiroomaa Obboleettiin keenya Vaalentiinaa Saamuus yakkamtuu akka taatee fi waggaa jaʼaaf dhorkaa tokko tokko jala akka turtu itti murteesseera. Yeruma sana dhorkaa tokko tokko jala akka galtu hin gaafatamne.

Ibsa Gabaabaa

Vaalentiinaa Saamuus

Bara Dhalootaa: 1949 (Kostiroomaa, Naannoo Kostiroomaa)

Seenaa Jireenyaa: Narsii taatee hojjetteetti. Yeroo ammaatti soorama baateetti

Bara 1970 Iivaanii wajjin gaaʼela godhatan. Ilma tokkoo fi intala takka godhataniiru

Waaqayyo akka isa beektu akka ishii gargaaru kadhattee turte. Utuma baayʼee hin turin Dhugaa Baatota Yihowaa wajjin wal argitee qoʼannaa jalqabde. Bara 2007 cuuphamte

Yaada Dhuunfaa

Yeroo baayʼee rakkisaa taʼe kanatti hariiroon Yihowaa wajjin qabdu caalaatti kan cime akkamitti?

Yihowaan yoomiyyuu akka na gargaaruu fi inni matumaa akka hin jijjiiramne yeroo kamiyyuu caalaa mirkanooftuu taʼeera. Yihowaan Abbaa kooti, inni yoomiyyuu na cinaa jira. Yeroo baayʼee yommuu kadhannaa dhiheessu, sana booda sodaanii fi dhiphinni natti dhagaʼamu ni bada. Waaʼee wanta kamiiyyuu Yihowaa nan kadhadha, innis akka na dhagaʼu shakkii tokko illee hin qabu. Wanti inni akka taʼu heyyamu kamiyyuu dhuma irratti faayidaama kootiif akka taʼe amanannaa qaba. Kun wanti kamiyyuu yoo uumame isaaf amanamtuu taʼuuf fedhii akkan qabaadhu na taasisa. Tajaajiltoota Yihowaa taʼuu keenyaan ariʼatamni nu irra gaʼus gammadoo taʼuun keenya, amanamoo akka taanu humna akka nuuf kennu mirkaneessa. Yihowaan yeroo hundumaa amantii koo eegee akkan jiraadhuu fi jaalalli ani isaaf qabu qabbanaaʼuu mannaa caalaatti cimaa akka deemu yeroo hundumaan isa kadhadha.

‘Akka Waaqa keenyaa qarsaan akka hin jirre’ amanamuudhaan, rakkina nu irra gaʼu hundumaa irratti Yihowaatti amanamuu akka dandeenyu beekuun keenya baayʼee nu jajjabeessa.”—1 Saamuʼel 2:2.

Chaartii Yeroo

Guraandhala 17, 2022

Himanni yakkaa ishii irratti dhihaate
Bitootessa 15, 2022

Manni ishii ni sakattaʼame
● Muddee 15, 2022

Himanni yakkaa ishii irratti dhihaatee imala akka hin goone qoqqobbii ishii irra kaaʼame
Bitootessa 24, 2023

Himanni yakkaa ishii irratti dhihaate ilaalamu eegale

Dabalataan Ilaali

ODUU HAARAA

Sababii Amantii Isaaniitiin Hidhamaniiru—Raashiyaa

Dhugaa Baatonni Yihowaa Raashiyaa keessa jiran sababii amantii isaaniitiin hidhamaniiru. Seenaa isaanii dubbisi, maqaa Dhugaa Baatota Yihowaa yeroo ammaatti hidhamanii jiranii ilaali.

ODUU HAARAA