SADAASA 25, 2021
RAASHIYAA

ODUU HAAREFFAME | Yihowaan Obboleessa Yiivgeenii Korotun Jajjabeessaa Jira

BANI

Caamsaa 16, 2022, Manni Murtii Naannoo Toomiskii ol iyyannoo Obboleessi Yiivgeenii Korotun dhiheesse fudhachuu dide. Akkuma hidhamee jirutti itti fufa.

Amajjii 20, 2022, Manni Murtii Magaalaa Seversikii inni Naannoo Toomiskiitti argamu Yiivgeeniin Yakkamaa akka taʼe kan murteesse yoo taʼu, hidhaa waggaa torbaa itti murteesse. Murtiin itti murtaaʼe kunis yeruma sanaa kaasee hojii irra ooluu jalqaba.

Chaartii Yeroo

Bitootessa 31, 2021

Himanni isa irratti dhihaate ilaalamuu eegale
Fulbaana 7, 2020

Mana murtiitti ergan dhihaate booda toʼannaa jala galfamee gara buufata poolisiitti ergame
Adoolessa 15, 2020

Mana isaatti akka hidhamu taasifame
Adoolessa 14, 2020

Poolisoonni Tajaajila Nageenyaa Federaalaa mana Korotun dabalatee manneen maatii Dhugaa Baatota Yihowaa Seversikiitti argaman afur sakattaʼan
Adoolessa 13, 2020

Yiivgeenii irratti himanni yakkaa ni baname
2018-2019

Poolisoonni dhoksaadhaan hojjetan lama Kitaaba Qulqulluuf fedhii kan qaban fakkaachuudhaan maree Yiivgeenii wajjin godhan waraaban, achiis Yiivgeeniin yakka akka raawwate argisiisuuf itti fayyadaman.

Ibsa Gabaabaa

Yiivgeenii Korotun

Bara Dhalootaa: 1970 (Seversikii)

Seenaa Jireenyaa: Aartii barateera. Hojii mukaa, keessa manaa miidhagsuu fi ujummoo hojjeta ture. Suuraa kaasuu fi dubbisuu jaallata

Kitaaba Qulqulluu gara waggaa kudhaniif erga qoratee booda Dubbii Waaqayyoo taʼuu isaa mirkanaaʼaa taʼe. Bara 2008 cuuphame. Achiis waguma sana Yiivgeeniyaa wajjin gaaʼela godhatan. Isaan ilma Aleeksaandar jedhamuu fi umuriin isaa waggaa kudhan taʼe qabu

Yaada Dhuunfaa Haati Manaa Yiivgeenii, Yiivgeeniyaan Dubbatte a

Abbaan manaa kee yeroo mana hidhaa jiru kanatti rakkoowwan akkamii si mudachaa jiru?

Tajaajilli Toʼannaa Maallaqaa Fedaraalaa deebiitii fi kireediit kaardii keenya cufe. Herrega baankii keenya bansiisuuf dhaabbata mootummaa hedduu haasofsiiseera. Taʼus Yihowaan wanta nu barbaachisu nuu guutuuf obbolootaa fi obboleettota keenyatti fayyadameera.

Gammachuu kee akka eeggattuu fi dhiphinaan akka hin liqimfamne wanti si gargaare maali dha?

Barsiifanni hafuuraa koo na gargaareera . . . Anaa fi maatii koof kadhachuuf Yiivgeeniin waan hin jirreef, Yihowaatti al hedduu kadhannaa dhiheesseera. Dhimman kadhannaa irratti kaasu haaraas qaba. Kana malees waaʼee ariʼatamaa, ija jabinaa, jabaatanii dhaabbachuu, amanamummaa, akkasumas waaʼee olaantummaa fi ilaalcha gaarii qabaachuu balʼinaan dubbisuu jalqabeera. Dubbisuuf yommuun humna dhabu viidiyoowwan biroodkaastiingii irratti baʼanan ilaala. Faarfannaawwan keenyas baayʼee na jajjabeessu.

Ilmi keessan Aleeksaandar abbaa isaa dhabuu isaatti maaltu isaatti dhagaʼama?

Yeroo tokko tokko ni booʼa, akkasumas abbaa isaa akka yaade dubbata . . . Taʼus kan gadduu yeroo hunda miti. Akka walii galaatti ilaalcha gaarii qaba. . . . Cuphamuuf fedhii akka qabus dubbateera. Kun baayʼee na gammachiise.

Yihowaan maatii Korotun dabalatee waraa yeroo rakkisaa keessatti amanamummaadhaan isa tajaajilanii wajjin akka jiru amanannaa qabna.—Roomaa 15:5.

a Obboleessi Korotun yeroo ammaatti buufata poolisiitti hidhamee waan jiruuf isa haasofsiisuu hin dandeenye.

Kanneen Armaan Gadiis ni Jaallatta Taʼa

ODUU HAARAA

Sababii Amantii Isaaniitiin Hidhamaniiru—Raashiyaa

Dhugaa Baatonni Yihowaa Raashiyaa keessa jiran sababii amantii isaaniitiin hidhamaniiru. Seenaa isaanii dubbisi, maqaa Dhugaa Baatota Yihowaa yeroo ammaatti hidhamanii jiranii ilaali.

ODUU HAARAA