SADAASA 9, 2022
RAASHIYAA

Obboleessi Aandiree Daaniʼelaan Hidhaan Waggaa Jaʼaa Itti Murteeffame

BANI

Sadaasa 7,2022tti Manni Murtii magaalaa Rubsooviski inni Naannoo Altaayitti argamu Aandiree Daaniʼelaanitti hidhaa waggaa jaʼaa murteesse. Yeruma sanas gara mana hidhaatti geeffameera.

Chaartii Yeroo

Caamsaa 25,2021

Himanni kan isa irratti dhihaate bilbilli isaa dhoksaadhaan akka dhaggeeffatamu erga godhamee fi namni tokko akka isa hordofu erga taasifamee boodadha.
Caamsaa 26, 2021

Manni isaanii ni sakkattaʼame. Andiree fi haati manaa isaa erga qoratamanii boodammoo Andireen bakka jiruu akka hin deemne dhorkame.
Adoolessa 13, 2022

Himanni isarratti dhihaate jaarmiyaa finxaalessaa taʼee gurmeessaa jirta jedhameeti.
Fulbaana 5, 2022

Himanni yakkaa ni baname
Sadaasa 7, 2022

Hidhaan waggaa jaʼaa itti murteeffame

Ibsa Gabaabaa

Aandiree Daaniʼelaan

Bara Dhalootaa: 1969 (Aleeski, Naannoo Altaayi)

Seenaa Jireenyaa: Mana barumsaatti hojii waardiyyaa hojjeta

Waaqayyo miidhaa namoonni lafa kanarratti raawwatan hambisuudhaan gara isa jalqabaatti akka deebisu beekuu isaatti baayʼee gammada. Cuuphamee Dhugaa Baatuu Yihowaa kan taʼe bara 1992tti

Bara 1997 Niinaa wajjin gaaʼela godhate

Yaada Dhuunfaa

Amanamummaa kee eeggachuuf maaltu si gargaare? a

Kan jiraannu yeroo baayʼee ulfaataa taʼe keessadha; yeroon gara fuulduraammoo kana caalaa rakkisaa taʼa. hamma dhumaatti jabaadhee dhaabbachuu nan barbaada; garuu hawwiin qofti gaʼaa miti. Atileetiin dorgommii tokkorratti injifachuu barbaadu dursee shaakala cimaa gochuu qaba. Yeroon kun yeroon itti hariiroo Yihowaa wajjin qabu cimsachuudhuun qormaata gara fuulduraatti dhufuuf of qopheessudha. Kana yaaduun koo amantiin Yihowaarratti qabu akkan cimsadhuuf ija jabina, obsaa fi jabina akka naaf kennu akkan isa kadhadhuuf na kakaaseera. Phaawulos ergamaan 1 Ximotewos 4:8 irratti “leenjiin qaamaa wanta muraasaaf fayyada; Waaqayyoof buluun garuu, jireenya ammaatiifis taʼe jireenya isa dhufuuf abdii waan qabuuf, wanta hundumaatiif fayyada” jedhee barreesseera.

‘Jireenya isa dhufuuf’ jiru yeroo eeggannutti fakkeenya gaarii Aandireenii fi obboloonni kaan nuuf kaaʼan hordofuudhaan amantii Waaqayyorratti qabnu guddifachuuf kutanneerra.—1 Ximotewos 4:8

a Yaanni Obboleessa Aandiree Daaniʼelaan kan fudhatame Hidhamuu isaa duradha.

Kanneen Armaan Gadiis ni Jaallatta Taʼa

ODUU HAARAA

Sababii Amantii Isaaniitiin Hidhamaniiru—Raashiyaa

Dhugaa Baatonni Yihowaa Raashiyaa keessa jiran sababii amantii isaaniitiin hidhamaniiru. Seenaa isaanii dubbisi, maqaa Dhugaa Baatota Yihowaa yeroo ammaatti hidhamanii jiranii ilaali.

ODUU HAARAA