Kibxata, Waxabajjii 9, 2020 Manni Murtii Magaalaa Piskoov, obboleessi Genaadii Shipaakooviskii inni umuriin isaa waggaa 61 taʼe yakkamaa akka taʼe ibsuudhaan waggaa jaʼaa fi walakkaa akka hidhamu itti murteesse. Inni yeruma sana mana murtiitii gara mana hidhaatti geeffame. Manni Murtii Ol Aanaa Raashiyaa bara 2017⁠tti hojiin keenya seeraan ala akka taʼe erga murteessee booda, kun murtiiwwan obboloota keenya irratti dabarfaman keessaa isa dheeraa dha. Obboleessi Genaadii Shipaakooviskii murtii isatti murteeffame ilaalchisee ol iyyannoo ni dhiheessa.