FULBAANA 24, 2021
RAASHIYAA

Obboleessi Maaksiim Beeltikoon Sochii Hafuuraa Gochuudhaaan Jabina Argateera

BANI

ODEEFFANNOO HAARAA | Manni Murtii Raashiyaa Obboleessi Maaksiim Beeltikoon Yakkamaa Akka Taʼe Murteesse

Amajjii 17, 2022,Manni Murtii Koonyaa Paavilooviskii kan Naannoo Kiraasnoodaar Obboleessi Maaksiim Beeltikoon yakkamaa akka taʼe murteesse. Akkasumas hidhaa waggaa lamaa itti murteesse. Murtiin itti darbes yerooma sanaa kaasee hojii irra oola.

Chaartii Yeroo

Waxabajjii 29, 2020

Bakka jireenyaa isaatii akka hin sochoone dhowwame
Waxabajjii 23, 2020

Himanni yakkaa irratti baname. Himanni isaa akkas kan jedhu ture: “Walgaʼii barumsi amantii irratti dhihaatu irratti hirmaateera, “barreeffamoota amantii irratti hundaaʼee barumsa dhihaatu geggeesseera, dhaggeeffateera” yaada jedhu dabalata
Ebla 29, 2020

Aangawoonni mana Maaksiim sakattaʼan. Sana booda ni qoratame

Ibsa Gabaabaa

Maaksiim Beeltikoon

Bara dhalootaa: 1980 (Naannoo Baaltiiskii Kaaliniingraad)

Seenaa Jireenyaa: Ijoollummaatti muuziqaa aadaa taphachuu jaallata ture. Hojii xuubii hojjeteera. Jalqaba waaʼee Kitaaba Qulqulluu kan isa barsiise durbii isaa ti. Maqaan dhuunfaa Waaqayyoo Yihowaa taʼuu isaa yommuu baratu baayʼeegammadee ture. Raajiiwwan Kitaaba Qulqulluu raawwii argatanii fi gorsi gaariin kitaabni kun qabate isa ajaaʼibsiisee ture. Bara 2001tti cuuphamee Dhugaa Baatuu Yihowaa taʼe. Haadha manaa isaa Maariyaa waliin bara 2005 gaaʼela godhatan. Ijoollee xixinnoo sadii qabu

Yaada Dhuunfaa

Yeroo Ariʼatamni Si Irra Gaʼaa Jiru Kanatti Yihowaan Sii fi Maatii Kee Akkamitti Gargaare?

Yihowaan karaa hafuuraas taʼe karaa qaamaa wanta maatii koof barbaachisu hunda dhiheesseera. Haati manaa koo fi ijoolleen koo, miira koo hubachuuf wanta isaaniif dandaʼame hunda gochuudhaan gaddaan akkan hin liqmfamne gochuuf yaalaniiru. Obboleessi tokko Faarfannaa 23 irratti akkan xiyyeeffadhu na jajjabeesseera. Obboleessi kun akkana jedheera: “Yihowaa fi jaarmiyaa isaa irraa hin fagaatin. Yihowaan akka si kunuunsu heyyamiifi.”

Sochii Hafuuraa Gochuun Kee Gammachuu Kee Eeggachuuf Akkamitti Si Gargaare?

Dhaabbataadhaan Kitaaba Qulqulluu dubbisuu fi walgaʼii hunda irratti argamuun koo, gammachuu koo eeggachuu fi Yihowaan waan hundumaa akka toʼatu amantaa qabaachuuf na gargaareera. Anii fi haati manaa koo walgaʼii koonyaa bara 2018 Kooriyaa Kibbaa Siʼoolitti godhame irratti hirmaannee turre. Dilbata obboleessi haasaa dhiheessu, obboloota walgaʼii afaan mallattoo Kooriyaa irratti hirmaataniin, warri sababa amantii keessaaniitiin hidhamtan hundi ol kaʼaa jedhee ture. Achiis obboloonni kumaan lakkaaʼaman kaʼanii dhaabatan. Akkana ofiin jechuu koo nan yaadadha: ‘Isaan erga kana godhanii, anis gochuu nan dandaʼa.’

Wanti Si Irra Gaʼe Kun Hariiroo Yihowaa Wajjin Qabdu Akkamitti Siif Guddise?

Hariiroon Yihowaa wajjin qabu cimuu qofa utuu hin taʼin, karaawwan kan birootiinis jijjiirameera. Kadhannaa koo caalaatti adda baasee dhiheessaan jira. Kan nama gammachiisu, kadhannaa koo irratti caalaatti adda baasee kanan dhiheessu wantan barbaadu miti, kanaa mannaa wantin adda baasee dhiheessu galateeffannaa koo ti. Kitaaba Qulqulluu karaa adda addaatiin dubbisuu eegaleera, fakkeenyaaf yaadawwan haala koo wajjin walitti dhufeenya qaban nan filadha.

Obboloonnii fi obboleettonni keenya Raashiyaa jiran sochii hafuuraa godhanii fi jaalala obboloonni isaanii isaanitti argisiisaniin jabaatanii akka dhaabatan abdii qabna. ‘Waaqni nagaa’ obboloota keenya jaallatamoo kanaa wajjin taʼuu isaa akka itti fufu ni abdanna.—2 Qorontos 13:11.

Kanneen Armaan Gadiis ni Jaallatta Taʼa

ODUU HAARAA

Sababii Amantii Isaaniitiin Hidhamaniiru—Raashiyaa

Dhugaa Baatonni Yihowaa Raashiyaa keessa jiran sababii amantii isaaniitiin hidhamaniiru. Seenaa isaanii dubbisi, maqaa Dhugaa Baatota Yihowaa yeroo ammaatti hidhamanii jiranii ilaali.

ODUU HAARAA