Manni Murtii Koonyaa Leeniinsikii inni Roostov On Doonitti argamu dhimma obboleettii Gaaliinaa Paarkoovaa irratti murtii dabarsuuf beellama qabateera. a Yakkamtuu akka taate yoo itti murteeffame, abbaan alangaa waggaa sadiif dhorkaa tokko tokko jala akka turtu gaafateera.

Gaaliinaa Paarkoovaa

• Bara Dhalootaa: 1970 (Kaaltan)

• Seenaa Jireenyaa: Bara 1990⁠tti, Aleeksaandaritti heerumte. Ijoollee durbaa sadii fi ijoollee ijoollee lama qabu. Dhugaa Baatota Yihowaa wajjin Kitaaba Qulqulluu qoʼataniiru. Gaaliinaan bara 1995⁠tti cuuphamte. Faarfachuu fi fakkii kaasuu jaalatti

Waxabajjii 6, 2019⁠tti abbootiin taayitaa Gaaliinaa irratti himata yakkaa banan. Kun taʼuu isaa torban muraasa dura abbaan manaa ishii Aleeksaandar qabamee mana hidhaa hanga murtiitti itti tursiisanitti hidhamee ture.

Abbaan manaa ishii hidhamee waan jiruuf qarshii jireenyaaf ishii barbaachisu argachuun ulfaataa dha. Kana malees abbootiin taayitaa herrega baankii ishii waan dhorkaniif, miindaa ishii fudhachuu dabalatee qarshii qabdutti fayyadamuu hin dandeessu. Kanaafuu hojii ishii duraanii dhiistee, waan ittiin jiraattu argachuuf hojii garaa garaa hojjechaa jirti.

Obboloonni keenya Raashiyaa jiran ‘namoota qajeeloo akka wanta hamaa hojjetanitti ilaalamaa jirani dha.’ (Lallaba 8:14) Haa taʼu malee, fakkeenyi amantii isaanii qorumsa nu mudatu akkamii iyyuu keessatti jabaannee dhaabbachuu keenya akka itti fufnu nu gargaara.