AMAJJII 30, 2024
RAASHIYAA

Obboleettiin Keenya Soonaa Oloopoovaan Mana Sirreessaa Keessatti Waggaa Lamaaf Hojii Humnaa Akka Hojjettu Itti Murteeffame

BANI

Amajjii 25, 2024, Mana Murtii Godinaa Tsentiroolnii Toolyootii isa Naannoo Saamaaraa jiru obboleettii keenya Soonaa Oloopoovaan yakkamtuu akka taate kan murteesse taʼuu isaa irrayyuu, mana sirreessaa keessatti waggaa lamaaf hojii humnaa akka hojjettu itti murteeffame. Gamoo kana keessa jiraachuu fi tajaajila uummataa kennuun ishii irraa eegama.

Ibsa Gabaabaa

Soonaa Oloopoovaa

Bara Dhalootaa: 1987 (Armeeniyaa)

Seenaa Jireenyaa: Maatiin ishii yeroo ishiin umurii waggaa kudhan turtetti gara Raashiyaa dhaqan. Ogeettii meekaappii taatee hojjetteetti

Dhugaa kan baratte haadha ishii irraati. Cuuphamtee Dhugaa Baatuu Yihowaa kan taate bara 2000ttidha

Bara 2009 Anaatoolii wajjin gaaʼela godhatan

Yaada Dhuunfaa a

Yeroo rakkisaa kanatti amantiin kee cimee akka itti fufu kan si gargaare maalidha?

Yeroo tokko tokko wantoota baayʼee barbaachisoo taʼaniif yeroo akkan dhabu amanuun barbaada. Fakkeenyaaf, wantan yeroo mana murtiitti dhihaadhu dubbadhu qophaaʼuun yeroo dheeraa natti fudhata. Gaaf tokko dhimma himata koo ilaalchisee ibsu utuun dubbisaa jiruu akkana jedheen yaade, ‘Amma waan hundumaa dhiisee kadhachuu, Kitaaba Qulqulluu dubbisuu fi Yihowaa dhaggeeffachuu na barbaachisa. Sana booda qophii koon xumura.’ Wanta dursi kennamuufii qabuuf dursa yoon kennee fi guutummaatti Yihowaatti yoon amaname, wanti hundi yoomiyyuu naaf milkaaʼa.

Yihowaan Soonaa fi tajaajiltoota isaa amanamoo isatti amanamuu isaanii itti fufaniif, jaalalaan qajeelfama kennuu fi eeguu isaa akka itti fufu amanannaa guutuu qabna.—Faarfannaa 86:2.

Chaartii Yeroo

Caamsaa 15, 2023

Himanni yakkaa ishii irratti dhihaate
Caamsaa 16, 2023

Manni ishii ni sakattaʼame. Qorannaan ishii irratti geggeeffame, akka hin imalle dhorkamte
Fulbaana 6, 2023

Himanni yakkaa ishii irratti dhihaate ilaalamuu jalqabe
Amajjii 25, 2024

Yakkamtuu akka taate itti murteeffamee, mana hidhaa amala sirreessaa keessatti hojii humnaa akka hojjettu itti murteeffame

a Obboleettii keenya Oloopoovaatiif gaafannoon kan godhame utuu ishiitti hin murteeffaminidha.

Dabalataan Ilaali

ODUU HAARAA

Sababii Amantii Isaaniitiin Hidhamaniiru—Raashiyaa

Dhugaa Baatonni Yihowaa Raashiyaa keessa jiran sababii amantii isaaniitiin hidhamaniiru. Seenaa isaanii dubbisi, maqaa Dhugaa Baatota Yihowaa yeroo ammaatti hidhamanii jiranii ilaali.

ODUU HAARAA