Manni Murtii Koonyaa Leeniinsikii Roostov on Doonitti argamu dhimma obboleessa Arsena Avaanesoov, Vileen Avaanesoovii fi Aleeksaandar Paarkov irratti dhiheenyatti murtii dabarsa. a

Arsena Avaanesoov

• Bara Dhalootaa: 1993 (Baakuu, Azarbaajaan)

• Seenaa Jireenyaa: Injiinariingii barate akkasumas hojii ijaarsaa hojjeta. Ijoollee yeroo turetti ragbiyi taphachuu jaalata ture. Afaan Ingiliffaa fi afaan Faransaayi barateera.

  Warri isaa Kitaaba Qulqulluu akka jaallatu isa gargaaraniiru. Achiis bara 2005⁠tti Dhugaa Baatuu Yihowaa taʼe cuuphame.

Vileen Avaanesoov

• Bara Dhalootaa: 1952 (Baakuu, Azarbaajaan)

• Seenaa Jireenyaa: Hojii elektirikii fi ijaarsaa hojjechaa ture. Nyaata qopheessu, daabboo tolchuu fi dubbisuu jaallata. Kitaabota dargaggummaa isaatti dubbisuu jaalatu keessaa Kitaabni Qulqulluu tokko ture.

  Haadha manaa isaa Isteellaa bara 1980⁠tti fuudhe. Isaan ilma Arsena jedhamuu fi intala Elinaa jedhamtu qabu. Maatiin kun bara 1988 baqattoota taʼanii Armeeniyaatti baqatan. Waggaama kanatti kirkirri lafaa Yerevaan, Armeeniyaa turee fi haalli dinagdee hammachaa deemu biyya kan biraa akka deeman isaan dirqisiise. Raashiyaa, Roostov on Doon deeman. Bara 2006 cuuphame.

Aleeksaandar Paarkov

• Bara Dhalootaa: 1967 (Spaask, Naannoo Kemeroovoo)

• Seenaa Jireenyaa: Ijoollummaa isaatii kaasee hojii qonnaa hojjechuu fi horii horsiisuudhaan hojii humnaa hojjechuu barateera. Hojii Tiraaktara oofuu fi hojii sibiila diimaa tumuu hojjeteera.

  Haadha manaa isaa Gaaliinaa bara 1990⁠tti fuudhe. Achiis Kitaaba Qulqulluu qoʼachuu waliin jalqaban. Inni bara 1992 cuuphame. Isaan ijoolle durbaa sadii fi ijoolle ijoolle lama qabu.

Caamsaa 22, 2019, Roostov on Doonitti abbootiin taayitaa manneen Dhugaa Baatota Yihowaa hedduu sakattaʼaniiru. Obboleessi Vileen Avaanesoovii fi ilmmi isaa Arsena akkasumas obboleessi Aleeksaandar Paarkov qabamaniiru. Waggaa lamaafis jechuun ni dandaʼamaa mana hidhaa hanga murtiitti itti tursiisan keessa jiru. Bitootessa 2021 obboloonni kun sadan mana hidhaa hanga murtiitti itti tursiisan kan biraatti jijjiiramaniiru.

Haati manaa Vileen, Isteellaan abbaa manaa ishii fi ilma ishii akka barbaadde argachuu hin dandeessu turte. Madda galis hin qabdu. Haati manaa Aleeksaandar, Gaaliinaanis amantii ishiin kan kaʼe itti murtaaʼeera. Manni murtichi yakkamtuu akka taate murteesse akkasumas daangaa waggaa lamaa fi jiʼa sadii ishiitti murteesse.

Waldaan obbolummaa addunyaa maratti argamu jalʼina haqaa kanatti baayʼee gadda. ‘Akkuma isaanii wajjin hidhamnee jiruutti ilaaluudhaan warra mana hidhaa keessa jiran yeroo hunda yaadachuu’ keenya itti fufna.—Ibroota 13:3.