CAAMSAA 31, 2021
RIPPUUBLIIKII DIMOOKRAATAWAA KOONGOO
Goomaatti Dhoʼiinsa Volkaanootiin Namoonni Kumaan Lakkaaʼaman Qeʼee Isaanii Irraa Buqqaʼaniiru
Iddoo
Goomaa, Koongoo Dimokiraatiik Riippabliik
Balaa
Balaa dhoʼiinsa volkaanoo Sanbadduraa, Caamsaa 22, 2021, Tulluu Niiraagoongoo isa Godina Kaaba Kiivuutti argamu magaalaa Goomaatti dhihoo jirtutti gaʼeen kan kaʼe namoonni kumaan lakkaaʼaman naannoo sana irraa baqachuuf dirqamaniiru
Miidhaa obbolootaa fi obboleettota irra gaʼe
Babalʼistoonni 2,000 taʼan magaalota dhihoo jiranitti baqataniiru
Tajaajiltoonni yeroo guutuu addaa 35 yeroodhaaf bakka jireenyaa isaanii gadhiisanii baʼaniiru
Miidhaa qabeenya irra gaʼe
Yoo xinnaate manneen obboloota keenyaa 29 barbadaaʼaniiru
Hojii gargaarsaa
Koreen Gargaarsaa Yeroo Balaa hojii gargaarsaa akka qindeessuuf hundeeffameera. Koreen kun dhoʼinsi volkaanoo kun miidhaa hangamii akka geessisee hubachuu fi obbolootaaf gargaarsa barbaachisu gochuuf ilaaltota ol aanaa aanaa fi jaarsolii gumii naannichaa wajjin hojjechaa jira
Hojiiwwan gargaarsaa hundi qajeelfama COVID-19 irraa of eeguu ilaalchisee kennamee wajjin haala wal simuun raawwatama jira
Obboloonni keenya hedduun balaa kanaan manneen isaanii kan dhaban taʼus, obbolootaa fi obboleettota keenya irraa miidhaan akka hin geenye dhagaʼuun keenya nu gammachiisa. Obboloonni keenya yeroo nama dhiphisu kanatti yommuu Yihowaatti amanaman isaaniif kadhachuu keenya itti fufna.—Naahom 1:7.
Dhagaa baqaan volkaanoo sanaan uumame magaalaa dhihoo sana jiru irratti miidhaa guddaa geessiseera
Kanneen Armaan Gadiis ni Jaallatta Taʼa
GAAFFIIWWAN YEROO BAAYʼEE GAAFATAMAN
Yeroo Balaan Uumamutti Dhugaa Baatonni Yihowaa Gargaarsa Ni Godhuu?
Yeroo balaan uumamutti namoota amantii keenya taʼaniifis taʼe warra kaaniif gargaarsa kan goonu akkamitti akka taʼe baradhu.