Caamsaa 30, 2021, Kitaabni Qulqulluun Hiika Addunyaa Haaraa Maatewosii-Mulʼataa Afaan Aluuriin ni baʼe. Obboleessi keenya Iwuug Kaabiitshwa, inni Miseensa Koree Waajjira Damee Koongoo (Kinshaasaa) sagantaa dursee waraabameen Kitaabni Qulqulluun kun bifa elektiroonikiitiin baʼuu isaa beeksise.

• Afaan Aluur qooqa Gidduu Gala Afriikaa, keessumaa immoo kutaa kaaba baha Dimokiraatik Riippabliik Koongoo fi Ugaandaa ollaa ishii jirtutti dubbatamu dha

• Namoonni Afaan Aluur dubbatan tilmaamaan 1,735,000 taʼu

• Babalʼistoonni 1,500 taʼan gumiiwwanii fi gareewwan Afaan Aluur 48 keessatti tajaajilaa jiru

• Hiiktonni 6 hojii kana xumuruuf jiʼoota 12 isaanitti fudhateera

Obboleessi keenya Kiristiyaan Beelottii, inni miseensa Koree Waajjira Damee Koongoo (Kinshaasaa) taʼe akkana jedheera: “Babalʼistoonni Afaan Aluur dubbatan Kitaaba Qulqulluu kana dubbisuun akka isaan gammachiisu abdii qaba. Kitaaba Qulqulluu ibsuuf, akkasumas namoonni kaan Dubbii Waaqayyoo akka hubatanii fi akka jaallatan gochuuf isaan gargaara.”—Luqaas 24:32.

Kitaabni Qulqulluun kun baʼuun isaa obboloonnii fi obboleettonni keenya “misiraachoo bara baraa” lallabuu isaanii akka itti fufan akka isaan gargaaru abdii guddaa qabna.—Mulʼata 14:6.