Kaalifoorniyaa, Oreegaanii fi Waashingitan

• Ibiddi bosonaa saffisaan babalʼachaa jiru Kaalifoorniyaatii hanga Waashingitanitti lafa hektaara miliyoona lamaa ol gubeera

• Ibiddichi qilleensa faaluudhaan fayyaa irratti miidhaa akka geessisu gochaa jira

• Seenaa Kaalifoorniyaa keessatti ibidda kana keessaa inni tokko isa hunda irra caalu dha

• Babalʼistoonni 4,546 mana isaanii dhiisanii deemuuf dirqamaniiru

• Manneen 61 barbadaaʼaniiru

• Manneen 16 irra miidhaan gaʼeera

• Koreen Gargaarsa Yeroo Balaa qajeelfama COVID-19 utuma hordofanii, obbolootaa fi obboleettota naannoo sana gadhiisanii deemuu qaban gargaaruuf ilaaltota ol aanaa aanaa fi jaarsolii gumii wajjin waltaʼee hojjechaa jira

Babalʼistoonni miidhaan irra gaʼe, gargaarsa Yihowaan karaa jaarmiyaa isaa isaaniif godhuuf galateeffataniiru. Obboleettiin manni ishii jalaa barbadaaʼe tokko, obboloonni keenya “nuti wanta nu barbaachisu utuu hin hubatin iyyuu, wanta nu barbaachisu kam iyyuu dhiheessuuf fedhii qabu turan” jetteetti.

Obbolootaa fi obboleettota keenya naannoo balaan gaʼe jiran irra amma iyyuu rakkinni gaʼaa kan jiru taʼus, jaalala guddaa fi gara laafina Yihowaa argachuu isaanii itti fufaniiru.—Yaaqoob 5:11.