HAGAYYA 27, 2021
YUNAAYITID ISTEETIS
Lolaan Akka Tasaa Uumame Hiilaa Beendi, Ariizoonaa Irra Miidhaa Guddaa Geessise
Galgala Hagayya 13, 2021, obomboleettiin bubbee qabu bokkaa cimaan akka roobu waan godheef naannoowwan Arizoonaa fi dhiha Teeksaas lolaadhaan akka guutaman taasiseera. Lolaa cimaan kun keessumaa magaalaa Hiilaa Beendi, Ariizoonaa irra miidhaa guddaa geessiseera.
Miidhaa Obbolootaa fi Obboleettota Keenya Irra Gaʼe
Kan nama gaddisiisu, obboleettiin tokko balaa kanaan duuteetti
Manneen obbolootaa 5 irra miidhaan gaʼeera
Maatiiwwan sadii qeʼee isaanii irraa buqqaʼaniiru
Hojii Gargaarsaa
Ilaaltonni Ol Aanaa Aanaa fi jaarsoliin gumii obboloota miidhaan irra gaʼe Kitaaba Qulqulluutti fayyadamanii jajjabeessaa jiru. Obboloota qeʼee isaanii irraa buqqaʼaniifis bakka buufatan mijeessaa jiru
Hojiin gargaarsaa kun hundi kan hojjetame qajeelfama KOOVIID 19 irraa of eeguu ilaalchisee kenname eeguudhaani
Obboloota keenya balaa kanaan miidhamaniif ni kadhanna. Yihowaan maatii obboleettii jaallatamtuu duʼaan boqotte sanaa jajjabeessuu isaa akka itti fufu hawwii keenya dha.—2 Qorontos 1:3, 4.
Kanneen Armaan Gadiis ni Jaallatta Taʼa
GAAFFIIWWAN YEROO BAAYʼEE GAAFATAMAN
Yeroo Balaan Uumamutti Dhugaa Baatonni Yihowaa Gargaarsa Ni Godhuu?
Yeroo balaan uumamutti namoota amantii keenya taʼaniifis taʼe warra kaaniif gargaarsa kan goonu akkamitti akka taʼe baradhu.