Kibba Bahaa Yunaayitid Isteetis

• Obomboleettiin saffisa qabu kun Onkoloolessa 28, 2020 Luusiyaanaa rukute. Boodas, obomboleettii tirooppikaalii taʼuudhaan Kibba baha Yunaayitid Isteetis irratti miidhaa geessiseera.

• Naannoowwan qarqara galaanaa jiranitti lolaa fi qilleensi cimaan akka uumamu gochuudhaan manneen tokko tokko miidheera akkasumas ibsaan akka badu godheera

• Babalʼistoonni 324 mana isaanii dhiisanii deemaniiru ykn bakka sanaa baafamaniiru

• Babalʼisaa 1 irra miidhaa salphaan gaʼeera

• Manneen 291 fi Galma Walgaʼii 14 irra miidhaa salphaan gaʼeera

• Manneen 8 fi Galma Walgaʼii 3 irra miidhaa cimaan gaʼeera

• Manni 1 guutummaatti mancaʼeera

• Jaarsoliin gumii fi daawwattoonni ol aanaa aanaa obbolootaa fi obboleettota miidhaan irra gaʼeef tika gochaa fi wanta isaan barbaachisu dhiheessaa jiru. Koreen Gargaarsaa Yeroo Balaa COVID-19 fi Obomboleettii Laawuraatiif dhaabbatee ture qajeelfama COVID-19f baʼe hundumaa utuu hin cabsin warra obomboleettii Zettaatiin hubaman gargaaraa jira.

Obomboleettiin kun obbolootaa fi obboleettota keenya irratti miidhaa guddaa akka geessise dhagaʼuun keenya baayʼee nu gaddisiisa. Haa taʼu malee, ammas jaalalli amanamaan Yihowaan waaqeffattoota isaatiif qabu gargaarsa obboloonni keenya godhaniin mulʼachaa jira.—Faarfannaa 89:1.