କʼଣ ଆପଣଙ୍କ ସହିତ ବି ଏପରି ହୁଏ ଯେ ଆପଣ ଯାହା ପଢ଼ନ୍ତି ତାହା ଆପଣଙ୍କୁ ମନେ ହିଁ ରହେ ନାହିଁ ? ଆମ ସମସ୍ତଙ୍କ ସହିତ ଏପରି ହୁଏ । ତାହେଲେ ଆପଣ କʼଣ କରିପାରିବେ ? ନିଜ ମନରେ ମୁଖ୍ୟ ବିଷୟଗୁଡ଼ିକୁ ଦୋହରାନ୍ତୁ ।

ଅଧ୍ୟୟନ କରିବା ସମୟରେ ମଝି ମଝିରେ ରହି ଭାବନ୍ତୁ ଯେ ଆପଣ କେଉଁ ବିଶେଷ କଥାଗୁଡ଼ିକ ଶିଖିଲେ । ପ୍ରେରିତ ପାଉଲ ନିଜ ଗୋଟିଏ ଚିଠିରେ ଭାଇଭଉଣୀମାନଙ୍କୁ ଏପରି ହିଁ କରିବା ପାଇଁ ପ୍ରୋତ୍ସାହନ ଦେଇଥିଲେ । ସେ କହିଥିଲେ, “ଆମ୍ଭେମାନେ ଯାହା କହୁଅଛୁ, ସେଥିରେ ପ୍ରଧାନ ବିଷୟ ଏହି ।” (ଏବ୍ରୀ ୮:୧) ଏପରି କହି ସେ ଭାଇଭଉଣୀମାନଙ୍କୁ ଏହା ବୁଝାଉଥିଲେ ଯେ ସେ କʼଣ କହିବା ପାଇଁ ଚାହାନ୍ତି ଏବଂ ତାଙ୍କ ପ୍ରତ୍ୟେକ କଥା କିପରି ମୁଖ୍ୟ ବିଷୟ ସହ ଜଡ଼ିତ ଅଛି ।

ଯଦି ସମ୍ଭବ ତାହେଲେ ଅଧ୍ୟୟନ କଲା ପରେ ୧୦ ମିନିଟ୍‌ ବାହାର କରି ଭାବନ୍ତୁ ଯେ ଆପଣ ଯାହା ପଢ଼ିଲେ ତାʼର ମୁଖ୍ୟ ବିଷୟଗୁଡ଼ିକ କʼଣ । ଯଦି ଆପଣଙ୍କୁ ମନେ ପଡ଼େ ନାହିଁ ତେବେ ପୁଣିଥରେ ଏହି ଲେଖାର ଉପଶୀର୍ଷକଗୁଡ଼ିକୁ ଦେଖନ୍ତୁ । ପ୍ରାୟ ପ୍ରତ୍ୟେକ ପାରାଗ୍ରାଫର ପ୍ରଥମ ଧାଡ଼ିରେ ହିଁ ମୁଖ୍ୟ ବିଷୟ ଦିଆଯାଇଥାଏ, ତାହା ମଧ୍ୟ ପଢ଼ନ୍ତୁ । ଯଦି ଆପଣ କିଛି ନୂଆ କଥା ଶିଖିଲେ, ତାହେଲେ ତାʼକୁ ନିଜ ଶବ୍ଦରେ ବୁଝାଇବା ପାଇଁ ଚେଷ୍ଟା କରନ୍ତୁ । ଏପରି ଭାବେ ଯେବେ ଆପଣ ମୁଖ୍ୟ ବିଷୟଗୁଡ଼ିକୁ ଦୋହରାଇବେ, ତେବେ ଆପଣ ବହୁତ ସହଜରେ ସେଗୁଡ଼ିକୁ ମନେ ରଖିପାରିବେ ଓ ବୁଝିପାରିବେ ଯେ ତାହା କିପରି ଲାଗୁ କରିବାର ଅଛି ।