୧. କିଛି ଭାଇଭଉଣୀମାନଙ୍କୁ ପ୍ରଚାର କରିବା ପାଇଁ କିପରି ଲାଗେ ଏବଂ କାହିଁକି ? (ଚିତ୍ର ମଧ୍ୟ ଦେଖନ୍ତୁ ।)

 ଆମେ ଯିହୋବାଙ୍କୁ ବହୁତ ପ୍ରେମ କରୁ ଏବଂ ଆମେ ଚାହୁଁ ଯେ ସମସ୍ତେ ତାଙ୍କ ବିଷୟରେ ଜାଣନ୍ତୁ, ତେଣୁ ଆମେ ପ୍ରଚାର କାମ କରୁ । ଆଉ ଏହି କାମରୁ ଆମକୁ ବହୁତ ଖୁସି ମିଳେ । କିନ୍ତୁ କିଛି ଭାଇଭଉଣୀମାନଙ୍କୁ ପ୍ରଚାର କରିବା ବହୁତ କଠିନ ଲାଗେ । କାରଣ ହୋଇପାରେ ସେମାନଙ୍କୁ ଅନ୍ୟମାନଙ୍କ ସହ କଥା ହେବା ପାଇଁ ଡର ଲାଗୁଥିବ, ସେମାନେ ଲାଜ ଅନୁଭବ କରୁଥିବେ କିମ୍ବା ହୋଇପାରେ ଅନ୍ୟମାନଙ୍କ ଘରକୁ ଯିବା ସେମାନଙ୍କୁ ବହୁତ ଅଜବ ଲାଗୁଥିବ । କିଛି ଭାଇଭଉଣୀମାନଙ୍କୁ ଏହା ଭାବି ବି ଡର ଲାଗେ ଯେ ଯଦି କେହି ସେମାନଙ୍କ ଉପରେ ରାଗିଯିବେ ତାହେଲେ ସେମାନେ କʼଣ କରିବେ । କିମ୍ବା କିଛି ଭାଇଭଉଣୀମାନେ ଯୁକ୍ତିତର୍କ ମାମଲାଠାରୁ ଦୂରେଇ ରହିବା ପାଇଁ ଚାହାନ୍ତି । ଏହା ସତ ଯେ ଏହି ଭାଇଭଉଣୀମାନଙ୍କୁ ପ୍ରଚାର କରିବା ଟିକେ ଡର ଲାଗେ ତଥାପି ସେମାନେ ଏହି କାମରେ ଲାଗି ରହନ୍ତି । କାରଣ ସେମାନେ ଯିହୋବାଙ୍କୁ ବହୁତ ପ୍ରେମ କରନ୍ତି ଏବଂ ଏକଥାକୁ ବୁଝନ୍ତି ଯେ ପ୍ରଚାର କରିବା କେତେ ଜରୁରୀ ଅଟେ । ସତରେ, ଏହି ଭାଇଭଉଣୀମାନଙ୍କୁ ଦେଖି ଯିହୋବାଙ୍କୁ ବହୁତ ଖୁସି ହେଉଥିବ !

୨. ଯଦି ଆପଣଙ୍କୁ ପ୍ରଚାର କରିବା ପାଇଁ ଡର ଲାଗେ ଏବଂ ଏଥିରୁ ଆପଣଙ୍କୁ ଏତେ ଖୁସି ମିଳେନି, ତେବେ ଆପଣଙ୍କୁ କʼଣ କରିବା ଉଚିତ୍‌ ?

^୨ କʼଣ ବେଳେବେଳେ ଆପଣଙ୍କୁ ବି ପ୍ରଚାର କରିବା ପାଇଁ ଡର ଲାଗେ ଏବଂ ଏଥିରୁ ଖୁସି ମିଳେନି ? ଯଦି ଏପରି ଅଟେ, ତେବେ ନିରାଶ ହୁଅନ୍ତୁ ନାହିଁ । ଆମ ସମସ୍ତଙ୍କୁ ବେଳେବେଳେ ଲୋକମାନଙ୍କ ସହ କଥା ହେବା ପାଇଁ ଡର ଲାଗେ, କାରଣ ଆମେ ଯୁକ୍ତିତର୍କ କରିବାଠାରୁ ଦୂରେଇ ରହିବା ପାଇଁ ଚାହୁଁ ଓ ଆମେ ଚାହୁଁନୁ ଯେ ଅନ୍ୟମାନେ ଆମ ଉପରେ ଅଧିକ ଧ୍ୟାନ ଦିଅନ୍ତୁ । ତାʼ ସହିତ ଲୋକମାନେ ଆମ ଉପରେ ରାଗିଯାʼନ୍ତୁ, ଆମେ ଏହା ବି ଚାହୁଁନୁ । କାରଣ ଆମେ ସେମାନଙ୍କର ଭଲ ପାଇଁ ଖୁସିଖବର ଶୁଣାଉ । ମନେରଖନ୍ତୁ, ଯିହୋବା ଆପଣଙ୍କ ଚିନ୍ତାଗୁଡ଼ିକୁ ବୁଝନ୍ତି ଏବଂ ସେ ଆପଣଙ୍କର ସାହାଯ୍ୟ କରିବା ପାଇଁ ଚାହାନ୍ତି । (ଯିଶା. ୪୧:୧୩) ଏହି ଲେଖାରେ ଆମେ ପାଞ୍ଚଟି ଉପାୟ ଉପରେ ଧ୍ୟାନ ଦେବା ଯାହାଯୋଗୁଁ ଆପଣ ନିଜ ଡରକୁ କାବୁ କରିପାରିବେ ଏବଂ ଖୁସିର ସହ ପ୍ରଚାର କରିପାରିବେ ।

 ଈଶ୍ୱରଙ୍କ ବାକ୍ୟରୁ ସାହସ ପାଆନ୍ତୁ

୩. ଭବିଷ୍ୟଦ୍‌ବକ୍ତା ଯିରିମୀୟ କାହିଁକି ସାହସର ସହ ପ୍ରଚାର କରିପାରିଲେ ?

^୩ ପ୍ରାଚୀନ ସମୟରେ ଈଶ୍ୱରଙ୍କ କିଛି ସେବକମାନଙ୍କୁ ଏପରି ଦାୟିତ୍ୱ ମିଳିଲା ଯାହା ତୁଲାଇବା ସେମାନଙ୍କୁ କଠିନ ଲାଗୁଥିଲା । କିନ୍ତୁ ଯେବେ ସେମାନେ ଈଶ୍ୱରଙ୍କ କଥା ଶୁଣିଲେ ଓ ତାଙ୍କ ସନ୍ଦେଶ ଉପରେ ଧ୍ୟାନ ଦେଲେ, ତେବେ ସେମାନଙ୍କୁ ସାହସ ମିଳିଲା ଓ ସେମାନେ ନିଜ ଦାୟିତ୍ୱ ପୂରା କରିପାରିଲେ । ଭବିଷ୍ୟଦ୍‌ବକ୍ତା ଯିରିମୀୟଙ୍କ ବିଷୟରେ ଭାବନ୍ତୁ । ଯିହୋବା ତାଙ୍କୁ ପ୍ରଚାର କରିବାର ଦାୟିତ୍ୱ ଦେଲେ, କିନ୍ତୁ ତାଙ୍କୁ ଡର ଲାଗୁଥିଲା । ସେ ଯିହୋବାଙ୍କୁ କହିଲେ, “ମୁଁ କଥା କହି ଜାଣେ ନାହିଁ; କାରଣ ମୁଁ ତ ବାଳକ ।” (ଯିରି. ୧:୬) ସେ ନିଜ ଡରକୁ କିପରି କାବୁ କରିପାରିଲେ ? ତାଙ୍କୁ ଯିହୋବାଙ୍କ ସନ୍ଦେଶରୁ ସାହସ ମିଳିଲା । ସେ କହିଲେ, ‘ଏହା ମୋ ଅସ୍ଥି ମଧ୍ୟରେ ରୁଦ୍ଧ ଦାହକାରୀ ଅଗ୍ନି ପରି ଥିଲା, ଆଉ ମୁଁ ତାହା ସମ୍ଭାଳି କ୍ଲାନ୍ତ ହୋଇଗଲି ।’ (ଯିରି. ୨୦:୮, ୯) ଯିରିମୀୟଙ୍କୁ ଏପରି ଲୋକମାନଙ୍କୁ ପ୍ରଚାର କରିବାର ଥିଲା ଯେଉଁମାନେ ତାଙ୍କ ସନ୍ଦେଶ ଶୁଣିବା ପାଇଁ ଚାହୁଁ ନ ଥିଲେ । ତଥାପି ଯେବେ ଯିରିମୀୟ ଏବିଷୟରେ ଭାବିଲେ ଯେ ଏହି ସନ୍ଦେଶ କେତେ ଜରୁରୀ ଅଟେ, ତେବେ ଏହି ସନ୍ଦେଶ ଲୋକମାନଙ୍କୁ ଶୁଣାଇବାରୁ ସେ ନିଜକୁ ରୋକିପାରିଲେ ନାହିଁ ।

୪. ଈଶ୍ୱରଙ୍କ ବାକ୍ୟ ପଢ଼ିବା ଓ ତାʼ ଉପରେ ଚିନ୍ତନ କରିବାରୁ କʼଣ ଲାଭ ହୁଏ ? (କଲସୀୟ ୧:୯, ୧୦)

^୪ ଆଜି ଆମକୁ ବି ଈଶ୍ୱରଙ୍କ ସନ୍ଦେଶ ବା ତାଙ୍କ ବାକ୍ୟରୁ ସାହସ ମିଳେ । ପ୍ରେରିତ ପାଉଲ କଲସୀୟର ଭାଇଭଉଣୀମାନଙ୍କୁ ପ୍ରୋତ୍ସାହନ ଦେଲେ ଯେ ସେମାନେ ସଠିକ୍‌ ଜ୍ଞାନ ରଖନ୍ତୁ । କାହିଁକି ? କାରଣ ଏପରି କଲେ ସେମାନେ ‘ପ୍ରଭୁଙ୍କୁ ସର୍ବପ୍ରକାରେ ସନ୍ତୁଷ୍ଟ କରିବା ନିମନ୍ତେ ତାହାଙ୍କ ଯୋଗ୍ୟ ଆଚରଣ ରଖିପାରନ୍ତେ ଏବଂ ସତ୍‌କର୍ମର ଫଳରେ ଫଳବାନ ହୋଇପାରନ୍ତେ ।’ (କଲସୀୟ ୧:୯, ୧୦ ପଢ଼ନ୍ତୁ ।) ସତ୍‌କର୍ମ କରିବାର ଗୋଟିଏ ଉପାୟ ହେଉଛି, ଖୁସିଖବର ପ୍ରଚାର କରିବା । ତେଣୁ ଯେବେ ଆମେ ବାଇବଲ ଅଧ୍ୟୟନ କରୁ ଏବଂ ତାʼ ଉପରେ ଚିନ୍ତନ କରୁ, ତେବେ ଯିହୋବାଙ୍କ ଉପରେ ଆମର ବିଶ୍ୱାସ ଦୃଢ଼ ହୋଇଯାଏ । ଆମେ ବୁଝିପାରୁ ଯେ ଖୁସିଖବର ପ୍ରଚାର କରିବା କେତେ ଜରୁରୀ ଅଟେ ।

୫. ବାଇବଲରୁ ପୂରା ଲାଭ ପାଇବା ପାଇଁ ଆମେ କʼଣ କରିପାରିବା ?

^୫ ଈଶ୍ୱରଙ୍କ ବାକ୍ୟରୁ ପୂରା ଲାଭ ପାଇବା ପାଇଁ ଜରୁରୀ ଯେ ବାଇବଲ ପଢ଼ିବା ସମୟରେ ତାହାକୁ ଶୀଘ୍ର ଶୀଘ୍ର ପଢ଼ନ୍ତୁ ନାହିଁ, ବରଂ ଏହାର ଅଧ୍ୟୟନ ଓ ଚିନ୍ତନ କରିବା ପାଇଁ ସମୟ ବାହାର କରନ୍ତୁ । ଯଦି ବାଇବଲ ପଢ଼ିବା ସମୟରେ ଆପଣଙ୍କୁ କୌଣସି ପଦ ବୁଝାପଡ଼େନି, ତେବେ ତାହାକୁ ଯିହୋବାଙ୍କ ସାକ୍ଷୀମାନଙ୍କ ଗବେଷଣା ଗାଇଡ୍‌ କିମ୍ବା ଅନ୍ୟ ପ୍ରକାଶନଗୁଡ଼ିକରେ ଅନୁସନ୍ଧାନ କରନ୍ତୁ ଓ ଭଲଭାବେ ବୁଝିବା ପାଇଁ ଚେଷ୍ଟା କରନ୍ତୁ । ଯଦି ଆପଣ ସମୟ ବାହାର କରି ଏପରି ଅଧ୍ୟୟନ କରିବେ, ତେବେ ଈଶ୍ୱରଙ୍କ ବାକ୍ୟ ଉପରେ ଆପଣଙ୍କର ଭରସା ବଢ଼ିଯିବ । (୧ ଥେସ. ୫:୨୧) ଆପଣଙ୍କୁ ପୂରା ବିଶ୍ୱାସ ହୋଇଯିବ ଯେ ଏଥିରେ ଲେଖାଥିବା କଥା ପୂରାପୂରି ସଠିକ୍‌ ଅଟେ ଓ ଯେବେ ଆପଣଙ୍କ ଏହି ଭରସା ବଢ଼ିଯିବ ତେବେ ଏବିଷୟରେ ଅନ୍ୟମାନଙ୍କୁ କହିବା ଦ୍ୱାରା ଆପଣଙ୍କୁ ବହୁତ ଖୁସି ମିଳିବ ।

ପ୍ରଚାର ପାଇଁ ଭଲଭାବେ ପ୍ରସ୍ତୁତି କରନ୍ତୁ

୬. ଆମକୁ ପ୍ରଚାର ପାଇଁ କାହିଁକି ଭଲଭାବେ ପ୍ରସ୍ତୁତି କରିବା ଉଚିତ୍‌ ?

^୬ ଯଦି ଆପଣ ପ୍ରଚାର ପାଇଁ ଭଲଭାବେ ପ୍ରସ୍ତୁତି କରିବେ, ତେବେ ଆପଣ ଲୋକମାନଙ୍କ ସହିତ ଭଲଭାବେ କଥା ହୋଇପାରିବେ ଓ ଆପଣଙ୍କୁ ଡର ବି ଲାଗିବନି । ଯୀଶୁ ନିଜ ଶିଷ୍ୟମାନଙ୍କୁ ପ୍ରଚାରରେ ପଠାଇବା ପୂର୍ବରୁ କିଛି କଥାଗୁଡ଼ିକ କହିଥିଲେ । ସେ ତାଙ୍କୁ ଶିଖାଇଥିଲେ ଯେ ତାଙ୍କୁ  କʼଣ କହିବାର ଅଛି ଓ କʼଣ କରିବାର ଅଛି । (ଲୂକ ୧୦:୧-୧୧) ଆଉ ଏହି କଥାଗୁଡ଼ିକୁ ମାନିବା ଦ୍ୱାରା ତାଙ୍କ ଶିଷ୍ୟମାନଙ୍କୁ ଭଲ ପରିଣାମ ମିଳିଲା ଓ ସେମାନଙ୍କୁ ବହୁତ ଖୁସି ହେଲା ।—ଲୂକ ୧୦:୧୭.

୭. ଆମେ କିଭଳି ପ୍ରଚାର ପାଇଁ ଭଲଭାବେ ପ୍ରସ୍ତୁତି କରିପାରିବା ? (ଚିତ୍ର ମଧ୍ୟ ଦେଖନ୍ତୁ ।)

^୭ ଆମେ ମଧ୍ୟ ପ୍ରଚାର ପାଇଁ ଭଲଭାବେ ପ୍ରସ୍ତୁତି କରିପାରିବା । ଆମେ ପୂର୍ବରୁ ଭାବିପାରିବା ଯେ ଆମେ ଲୋକମାନଙ୍କ ସହିତ କେଉଁ ବିଷୟ ଉପରେ କଥା ହେବା ଆଉ ତାହା କିପରି ବୁଝାଇବା । ଆମେ ଏହା ମଧ୍ୟ ଭାବିପାରିବା ଯେ ଆମ କଥା ଶୁଣି ଲୋକମାନେ କʼଣ କʼଣ କହିପାରିବେ ଓ ଆମେ କିପରି ତାଙ୍କ ପ୍ରଶ୍ନର ଉତ୍ତର ଦେବା । ଆଉ ପ୍ରସ୍ତୁତି କଲାପରେ ଯେବେ ଆପଣ ପ୍ରଚାରକୁ ଯାʼନ୍ତି, ତେବେ ଡରନ୍ତୁ ନାହିଁ, ବରଂ ନିର୍ଭୟ ହୋଇ କଥା ହୁଅନ୍ତୁ ।

୮. ପାଉଲ ଆମ ଖ୍ରୀଷ୍ଟିୟାନମାନଙ୍କୁ ମୃତ୍ତିକାର ପାତ୍ର ସହ କାହିଁକି ତୁଳନା କଲେ ?

^୮ ଆମକୁ ଏହା ବି ମନେରଖିବା ଉଚିତ୍‌ ଯେ ପ୍ରଚାର କାମ କେତେ ଜରୁରୀ ଅଟେ । ଧ୍ୟାନ ଦିଅନ୍ତୁ ଯେ ପ୍ରେରିତ ପାଉଲ କʼଣ କହିଲେ । ସେ କହିଲେ, “ଆମ୍ଭେମାନେ ଏହି ଧନ ମୃତ୍ତିକା ପାତ୍ରରେ ପାଇଅଛୁ ।” (୨ କରି. ୪:୭) ଏହି ଧନ କʼଣ ଅଟେ ? ଈଶ୍ୱରଙ୍କ ରାଜ୍ୟର ଖୁସିର ଖବର । ଯେବେ ଆମେ ଲୋକମାନଙ୍କୁ ଏହି ଖୁସିର ଖବର ଶୁଣାଉ, ତେବେ ସେମାନଙ୍କର ଜୀବନ ରକ୍ଷା ହୋଇପାରିବ । (୨ କରି. ୪:୧) ଆଉ ମୃତ୍ତିକାର ପାତ୍ର କିଏ ଅଟନ୍ତି ? ଖୁସିର ଖବର ଶୁଣାଉ ଥିବା ଈଶ୍ୱରଙ୍କ ସେବକମାନେ । ପ୍ରଥମ ଶତାବ୍ଦୀରେ ବେପାରୀମାନେ ମୃତ୍ତିକା ପାତ୍ରଗୁଡ଼ିକରେ ଖାଇବା ଜିନିଷ, ଦ୍ରାକ୍ଷାରସ, ପଇସା ଆଉ ଏପରି ହିଁ ଅନ୍ୟ କିଛି ଜରୁରୀ ଜିନିଷ ନେବା ଆଣିବା କରୁଥିଲେ । ଠିକ୍‌ ସେହିପରି ଯିହୋବା ଆମକୁ ଅର୍ଥାତ୍‌ ଯେଉଁମାନେ ମୃତ୍ତିକା ପାତ୍ର ଅଟନ୍ତି ସେମାନଙ୍କୁ ଏହି ଜରୁରୀ ସନ୍ଦେଶ ଲୋକମାନଙ୍କ ପାଖକୁ ପହଞ୍ଚାଇବାର ଦାୟିତ୍ୱ ଦେଇଛନ୍ତି । ଆଉ ଏହି କାମକୁ ଭଲଭାବେ କରିବା ପାଇଁ ଯିହୋବା ଆମକୁ ସାହାଯ୍ୟ କରିବେ ।

ସାହସ ପାଇଁ ପ୍ରାର୍ଥନା କରନ୍ତୁ

୯. ଯଦି ଆପଣଙ୍କୁ ଲୋକମାନଙ୍କ ସହିତ କଥା ହେବା ପାଇଁ ଡର ଲାଗେ, ତେବେ ଆପଣ କʼଣ କରିପାରିବେ ? (ଚିତ୍ର ମଧ୍ୟ ଦେଖନ୍ତୁ ।)

^୯ ବେଳେବେଳେ ଆମେ ଏହା ଭାବି ଡରିଯିବା ଯେ ଲୋକମାନେ ଆମ ଉପରେ ରାଗିବେ ବା ଆମର ବିରୋଧ କରିବେ, ତାହେଲେ ଆମେ କʼଣ କରିବା । କʼଣ ଆପଣଙ୍କୁ ବି ଏପରି ଡର ଲାଗେ ? ଧ୍ୟାନ ଦିଅନ୍ତୁ, ଯେବେ ପ୍ରେରିତମାନଙ୍କୁ ଏହା ଆଜ୍ଞା ଦିଆଗଲା ଯେ ସେମାନେ ପ୍ରଚାର କରିବା ବନ୍ଦ କରିଦିଅନ୍ତୁ, ତେବେ ସେମାନେ କʼଣ କଲେ ? ସେମାନେ ଯିହୋବାଙ୍କୁ ପ୍ରାର୍ଥନା କଲେ ଓ ତାଙ୍କୁ କହିଲେ ଯେ ସେ ସେମାନଙ୍କର ସାହାଯ୍ୟ କରନ୍ତୁ, ଯାହାଦ୍ୱାରା ସେମାନେ ‘ସାହସରେ [ତାଙ୍କ] ବାକ୍ୟ କହିପାରନ୍ତୁ ।’ ଯିହୋବା ତାଙ୍କ ପ୍ରାର୍ଥନାକୁ ଶୁଣିଲେ ଓ ତୁରନ୍ତ ତାଙ୍କୁ ସାହାଯ୍ୟ କଲେ । (ପ୍ରେରି. ୪:୧୮, ୨୯, ୩୧) ଯଦି କେବେ ଆପଣଙ୍କୁ ବି ଲୋକମାନଙ୍କ ସହ କଥା ହେବା ଡର ଲାଗେ, ତେବେ ଯିହୋବାଙ୍କୁ ପ୍ରାର୍ଥନା କରନ୍ତୁ ଓ ତାଙ୍କୁ ସାହାଯ୍ୟ ମାଗନ୍ତୁ । ତାଙ୍କୁ କହନ୍ତୁ ଯେ ଆପଣ ଲୋକମାନଙ୍କ ପ୍ରତି ନିଜ ପ୍ରେମକୁ ବଢ଼ାଇପାରିବେ ଯାହାଦ୍ୱାରା ଲୋକମାନଙ୍କ ପ୍ରତି ଆପଣଙ୍କ ଡର ଦୂର ହୋଇଯିବ ।

୧୦. ଲୋକମାନଙ୍କୁ ସାହସର ସହ ପ୍ରଚାର କରିବା ପାଇଁ ଯିହୋବା କିପରି ଆମକୁ ସାହାଯ୍ୟ କରନ୍ତି ? (ଯିଶାଇୟ ୪୩:୧୦-୧୨)

^୧୦ ଲୋକମାନଙ୍କୁ ପ୍ରଚାର କରିବାର ଦାୟିତ୍ୱ ଯିହୋବା ଆମକୁ ଦେଇଛନ୍ତି । ସେ ଆମକୁ କହିଛନ୍ତି ଯେ ଆମେ ତାଙ୍କ ସାକ୍ଷୀ ଅଟୁ ଓ ସେ ପ୍ରତିଜ୍ଞା ବି କରିଛନ୍ତି ଯେ ଏହି କାମକୁ ପୂରା କରିବା ପାଇଁ ସେ ଆମକୁ  ସାହସ ଦେବେ । (ଯିଶାଇୟ ୪୩:୧୦-୧୨ ପଢ଼ନ୍ତୁ ।) ଯିହୋବା କିପରି ଆମକୁ ସାହସ ଦିଅନ୍ତି ? ଏହି ଚାରୋଟି କଥା ଉପରେ ଧ୍ୟାନ ଦିଅନ୍ତୁ । ପ୍ରଥମ, ତାଙ୍କ ପୁତ୍ର ଯୀଶୁ ଆମ ସହିତ ଅଛନ୍ତି ଓ ସେ ପ୍ରଚାର କରିବା ପାଇଁ ଆମକୁ ସାହାଯ୍ୟ କରନ୍ତି । (ମାଥି. ୨୮:୧୮-୨୦) ଦ୍ୱିତୀୟ, ସେ ସ୍ୱର୍ଗଦୂତମାନଙ୍କୁ ଆମର ସାହାଯ୍ୟ କରିବା ପାଇଁ ଦାୟିତ୍ୱ ଦେଇଛନ୍ତି । (ପ୍ରକା. ୧୪:୬) ତୃତୀୟ, ସେ ଆମକୁ ନିଜର ପବିତ୍ର ଶକ୍ତି ଦିଅନ୍ତି । ଏହା ସାହାଯ୍ୟରେ ଆମେ ସେହି କଥାଗୁଡ଼ିକୁ ମନେ ରଖିପାରୁ ଯାହା ଆମେ ଶିଖିଛୁ । (ଯୋହ. ୧୪:୨୫, ୨୬) ଏବଂ ଚତୁର୍ଥ, ସେ ଆମକୁ ଭାଇଭଉଣୀ ଦେଇଛନ୍ତି ଯେଉଁମାନେ ପ୍ରଚାର କାମରେ ଆମକୁ ସାହାଯ୍ୟ କରନ୍ତି । ଯଦି ଯିହୋବା ଆମକୁ ଏତେ ସବୁ ସାହାଯ୍ୟ ଦେଇଛନ୍ତି, ତେବେ ଆମେ ନିଶ୍ଚୟ ସାହସର ସହ ପ୍ରଚାର କରିପାରିବା !

ପରିବର୍ତ୍ତନ କରନ୍ତୁ ଏବଂ ସଠିକ୍‌ ଦୃଷ୍ଟିକୋଣ ରଖନ୍ତୁ

୧୧. ଯଦି ଆମେ ଅଧିକରୁ ଅଧିକ ଲୋକମାନଙ୍କୁ ଭେଟି ସାକ୍ଷ୍ୟ ଦେବା ପାଇଁ ଚାହୁଁ, ତାହେଲେ ଆମକୁ କʼଣ କରିବାକୁ ପଡ଼ିବ ? (ଚିତ୍ର ମଧ୍ୟ ଦେଖନ୍ତୁ ।)

^୧୧ ଲୋକମାନେ ଯେବେ ଘରେ ଭେଟନ୍ତିନି, ତେବେ କʼଣ ଆପଣ ନିରାଶ ହୋଇଯାʼନ୍ତି ? ତାହେଲେ ନିଜକୁ ପଚାରନ୍ତୁ, ‘ଯଦି ଲୋକମାନେ ଘରେ ନାହାନ୍ତି, ତାହେଲେ କେଉଁଠି ଥିବେ ?’ (ପ୍ରେରି. ୧୬:୧୩) ‘କʼଣ ସେମାନେ କାମ ଜାଗାରେ ଥିବେ ବା କିଣାକିଣି କରିବା ପାଇଁ ବାହାରେ ଯାଇଥିବେ ?’ ଯଦି ଲୋକମାନେ ବାହାରେ ଅଛନ୍ତି, ତାହେଲେ ଆପଣ ରାସ୍ତାରେ ଯାଇ ସାକ୍ଷ୍ୟ ଦେଇପାରିବେ ଯେଉଁଠି ଅଧିକରୁ ଅଧିକ ଲୋକମାନେ ମିଳିବେ । ଭାଇ ଯୋଶୁଆ କହନ୍ତି, “ମୋତେ ବଜାରରେ, ମଲ୍‌ରେ ଏବଂ ପାର୍କିଙ୍ଗରେ ଯେଉଁଠି ଲୋକମାନେ ଗାଡ଼ି ରଖନ୍ତି, ସେଠାରେ ଅନେକ ଲୋକମାନଙ୍କୁ ସାକ୍ଷ୍ୟ ଦେବାର ସୁଯୋଗ ମିଳେ ।” ତାʼଛଡ଼ା, ଭାଇ ଯୋଶୁଆ ଓ ତାଙ୍କ ସ୍ତ୍ରୀ ବ୍ରିଜିଟ୍‌ ଏହା ଅନୁଭବ କରିଛନ୍ତି ଯେ ଯେବେ ସେମାନେ ସନ୍ଧ୍ୟା ସମୟରେ ବା ରବିବାର ଦ୍ୱିପହର ସମୟରେ ପ୍ରଚାର କରନ୍ତି, ତେବେ ସେମାନଙ୍କୁ ଅଧିକରୁ ଅଧିକ ଲୋକ ଘରେ ହିଁ ମିଳନ୍ତି ।—ଏଫି. ୫:୧୫, ୧୬.

୧୨. ଆମେ ଏହା କିପରି ଜାଣିପାରିବା ଯେ ଲୋକମାନେ କʼଣ ବିଶ୍ୱାସ କରନ୍ତି ଏବଂ ସେମାନଙ୍କ ମନରେ କʼଣ ଚାଲୁଛି ?

^୧୨ ଯଦି ଅଧିକାଂଶ ଲୋକମାନେ ଆମ ସନ୍ଦେଶ ଶୁଣିବା ପାଇଁ ପସନ୍ଦ କରନ୍ତି ନାହିଁ, ତାହେଲେ ଆମେ କʼଣ କରିପାରିବା ? ଏହା ଜାଣିବା ପାଇଁ ଚେଷ୍ଟା କରନ୍ତୁ ଯେ ସେମାନେ କʼଣ ବିଶ୍ୱାସ କରନ୍ତି ଏବଂ ସେମାନଙ୍କ ମନରେ କʼଣ ଚାଲୁଛି । ଧ୍ୟାନ ଦିଅନ୍ତୁ ଯେ ଭାଇ ଯୋଶୁଆ ଓ ତାଙ୍କ ସ୍ତ୍ରୀ ବ୍ରିଜିଟ୍‌ ଏହା କିପରି କରନ୍ତି । ସେମାନେ ଲୋକମାନଙ୍କ ମନ କଥା ଜାଣିବା ପାଇଁ ଟ୍ରାକ୍ଟର ପ୍ରଥମ ପୃଷ୍ଠାରେ ଦିଆଯାଇଥିବା ପ୍ରଶ୍ନ ପଚାରନ୍ତି । ଯେପରି, ସେମାନେ ଲୋକମାନଙ୍କୁ ଆପଣ ବାଇବଲ ବିଷୟରେ କʼଣ ଭାବନ୍ତି ? ଟ୍ରାକ୍ଟ ଦେଖାଇ ପଚାରନ୍ତି, “ଅନେକ ଲୋକ ବିଶ୍ୱାସ କରନ୍ତି ଯେ ବାଇବଲ ଈଶ୍ୱରଙ୍କ ତରଫରୁ ଅଟେ । କିନ୍ତୁ କିଛି ଲୋକମାନେ ଏହା ବିଶ୍ୱାସ କରନ୍ତିନି । ଆପଣ କʼଣ ବିଶ୍ୱାସ କରନ୍ତି ?” ଏପରି ପ୍ରଶ୍ନ ପଚାରିବା ଦ୍ୱାରା ସେମାନଙ୍କର ଅନେକ ଲୋକମାନଙ୍କ ସହିତ ଭଲ କଥାବାର୍ତ୍ତା ହୋଇପାରିଛି ।

୧୩. ଯେବେ ଲୋକମାନେ ଆମର ସନ୍ଦେଶକୁ ଶୁଣନ୍ତି ନାହିଁ, ତେବେ ଆମେ କʼଣ ମନେ ରଖିପାରିବା ? (ହିତୋପଦେଶ ୨୭:୧୧)

^୧୩ ଯଦି ପ୍ରଚାରରେ ଲୋକମାନେ ଆମର ସନ୍ଦେଶ ଶୁଣନ୍ତି ନାହିଁ, ତେବେ ଆମେ ମନେ ରଖିପାରିବା ଯେ ଆମେ ନିଜ ଦାୟିତ୍ୱ ପୂରା କଲୁ । କାରଣ ଯେବେ ଆମେ ଲୋକମାନଙ୍କୁ ଖୁସିଖବର ଶୁଣାଉ, ତେବେ ଆମେ ଯିହୋବା ଓ ଯୀଶୁଙ୍କ ଇଚ୍ଛା ପୂରା କରୁ । (ପ୍ରେରି. ୧୦:୪୨) ଯଦି ପ୍ରଚାରରେ  ଆମକୁ ଲୋକମାନେ ଭେଟନ୍ତିନି ବା ଆମର ବିରୋଧ କରନ୍ତି, ତେବେ ବି ଆମେ ଖୁସି ରହିପାରିବା । କାରଣ ସ୍ୱର୍ଗରେ ରହୁଥିବା ଆମ ପିତା ଯିହୋବା ଆମଠାରୁ ଖୁସି ଅଛନ୍ତି ।—ହିତୋପଦେଶ ୨୭:୧୧ ପଢ଼ନ୍ତୁ ।

୧୪. ଯେବେ କାହାରିକୁ ପ୍ରଚାରରେ ଏପରି ଜଣେ ବ୍ୟକ୍ତି ମିଳନ୍ତି ଯିଏ ଈଶ୍ୱରଙ୍କ ବିଷୟରେ ଶିଖିବା ପାଇଁ ଚାହାନ୍ତି, ତେବେ ଆମକୁ କାହିଁକି ଖୁସି ମିଳିବ ?

^୧୪ ଯେବେ କେହି ଭାଇ କିମ୍ବା ଭଉଣୀ ଏପରି ବ୍ୟକ୍ତିଙ୍କୁ ଭେଟନ୍ତି ଯିଏ ଈଶ୍ୱରଙ୍କ ବିଷୟରେ ଶିଖିବା ପାଇଁ ଚାହାନ୍ତି, ତେବେ ଆମକୁ ବି ଖୁସି ମିଳେ । ଗୋଟିଏ ପ୍ରହରୀଦୁର୍ଗରେ କୁହାଯାଇଥିଲା ଯେ ପ୍ରଚାର କାମ ଏପରି ଅଟେ ଯେପରି ସମସ୍ତ ଲୋକ ମିଶି ଜଣେ ହଜି ଯାଇଥିବା ପିଲାକୁ ଖୋଜୁଛନ୍ତି । ତାକୁ ଖୋଜିବା ପାଇଁ ସମସ୍ତେ ବହୁତ ପରିଶ୍ରମ କରନ୍ତି ଏବଂ ଚାରିଆଡ଼େ ତାକୁ ଖୋଜନ୍ତି । ଆଉ ଯେବେ କାହାରିକୁ ସେହି ପିଲା ମିଳିଯାଏ, ତେବେ ସମସ୍ତେ ବହୁତ ଖୁସି ହୋଇଯାʼନ୍ତି । ସେହିଭଳି ଶିଷ୍ୟ କରିବାର କାମ ବି ଆମେ ସମସ୍ତେ ମିଶିକି କରୁ । ନିଜ ଅଞ୍ଚଳରେ ଭଲଭାବେ ପ୍ରଚାର କରିବା ପାଇଁ ଆମେ ସମସ୍ତେ ପରିଶ୍ରମ କରୁ ଏବଂ ଯେବେ କେହି ବ୍ୟକ୍ତି ସଭାରେ ଆସିବା ଆରମ୍ଭ କରନ୍ତି, ତେବେ ଆମ ସମସ୍ତଙ୍କୁ ଖୁସି ମିଳେ ।

ଭାବନ୍ତୁ ଯେ ଆପଣ ଯିହୋବା ଓ ଲୋକମାନଙ୍କୁ କେତେ ପ୍ରେମ କରନ୍ତି

୧୫. ପ୍ରଚାର କାମରେ ଆହୁରି ଖୁସି ପାଇବା ପାଇଁ ଆମେ କʼଣ କରିପାରିବା ? (ମାଥିଉ ୨୨:୩୭-୩୯) (ଦିଆଯାଇଥିବା ଚିତ୍ର ମଧ୍ୟ ଦେଖନ୍ତୁ ।)

^୧୫ ପ୍ରଚାର କାମରୁ ଆହୁରି ଖୁସି ପାଇବା ଓ ନିଜର ଉତ୍ସାହ ବଢ଼ାଇବା ପାଇଁ ଆମେ କʼଣ କରିପାରିବା ? ଆମେ ଏବିଷୟରେ ଚିନ୍ତନ କରିପାରିବା ଯେ ପ୍ରଚାର କରି ଆମେ ଦେଖାଉ ଯେ ଆମେ ଯିହୋବା ଓ ଲୋକମାନଙ୍କୁ କେତେ ପ୍ରେମ କରୁ । (ମାଥିଉ ୨୨:୩୭-୩୯ ପଢ଼ନ୍ତୁ ।) ତାʼ ସହିତ ଯେବେ ଆମେ ଏବିଷୟରେ ଭାବିବା ଯେ ଆମକୁ ପ୍ରଚାର କରିବା ଦେଖି ଯିହୋବାଙ୍କୁ କେତେ ଖୁସି ମିଳୁଥିବ, ତେବେ ଆମକୁ ପ୍ରଚାର କରିବା ପାଇଁ ଆହୁରି ଇଚ୍ଛା ହେବ । ଆଉ ଯେବେ ଆମେ ଏବିଷୟରେ ଭାବିବା ଯେ ବାଇବଲ ଅଧ୍ୟୟନ କରିବା ଦ୍ୱାରା ଲୋକମାନଙ୍କୁ କେତେ ଖୁସି ମିଳିବ ଓ ଆଗକୁ ଯାଇ ସେମାନଙ୍କୁ ଅନନ୍ତ ଜୀବନ ମିଳିପାରିବ, ତେବେ ପ୍ରଚାର କାମ ପାଇଁ ଆମର ଉତ୍ସାହ ଆହୁରି ବଢ଼ିଯିବ ।—ଯୋହ. ୬:୪୦; ୧ ତୀମ. ୪:୧୬.

୧୬. ଯଦି ଆପଣ କୌଣସି କାରଣ ଯୋଗୁଁ ଘରୁ ବାହାରକୁ ଯାଇପାରୁ ନାହାନ୍ତି, ତେବେ ବି ଆପଣ କିପରି ଈଶ୍ୱରଙ୍କ ସେବା କରିବାରେ ଖୁସି ପାଇପାରିବେ ? ଉଦାହରଣ ଦିଅନ୍ତୁ ।

^୧୬ କʼଣ ଆପଣ କୌଣସି କାରଣ ଯୋଗୁଁ ଘରୁ ବାହାରକୁ ଯାଇପାରୁ ନାହାନ୍ତି କିମ୍ବା ପ୍ରଚାରରେ ସହଯୋଗ କରିପାରୁ ନାହାନ୍ତି ? ତାହେଲେ ନିରାଶ ହୁଅନ୍ତୁ ନାହିଁ । ଭାବନ୍ତୁ ଯେ ଆପଣ କିପରି ଯିହୋବାଙ୍କ ପାଇଁ ଓ ଲୋକମାନଙ୍କ ପାଇଁ ନିଜର ପ୍ରେମ ଦେଖାଇପାରିବେ । ଭାଇ ଶାମୁୟେଲ ଓ ତାଙ୍କ ସ୍ତ୍ରୀ ଡାନିୟାଙ୍କ ପ୍ରତି ଧ୍ୟାନ ଦିଅନ୍ତୁ । କୋଭିଡ୍‌-୧୯ ମହାମାରୀ ସମୟରେ ସେମାନେ ଘରୁ ବାହାରକୁ ଯାଇପାରୁ ନ ଥିଲେ । ତେଣୁ ସେମାନେ ଫୋନ୍‌ରେ, ଚିଠି ଜରିଆରେ ସାକ୍ଷ୍ୟ ଦେଉଥିଲେ ଏବଂ ଜୁମ୍‌ ଜରିଆରେ ବାଇବଲ ଅଧ୍ୟୟନ ଚଳାଉଥିଲେ । ତାʼ ସହିତ ଯେବେ ଭାଇ କ୍ୟାନସରର ଚିକିତ୍ସା କରିବା ପାଇଁ ଡାକ୍ତରଙ୍କ ପାଖକୁ ଯାଉଥିଲେ, ସେସମୟରେ ବି ସେ ସେଠାରେ ଲୋକମାନଙ୍କୁ ସାକ୍ଷ୍ୟ ଦେଉଥିଲେ । ଭାଇ କହନ୍ତି, “ସମସ୍ୟାଗୁଡ଼ିକର ସାମନା କରିବା ସମୟରେ ଆମେ ବହୁତ ଚିନ୍ତିତ ହୋଇଯାଉ, ବହୁତ ଥକିଯାଉ ଏବଂ ଏକଥାର ବି ପରୀକ୍ଷା ହୁଏ ଯେ ଆମର ବିଶ୍ୱାସ କେତେ ଦୃଢ଼ ଅଛି । ଏପରି ପରିସ୍ଥିତିରେ ବି  ଯଦି ଆମେ ଯିହୋବାଙ୍କ ସେବା କରୁଥିବା, ତେବେ ଆମେ ଖୁସି ରହିପାରିବା ।” ମହାମାରୀ ସମୟରେ ହିଁ ଦିନେ ଭଉଣୀ ଡାନିୟା ପଡ଼ିଗଲେ ଆଉ ତାʼଯୋଗୁଁ ସେ ତିନି ମାସ ବିଛଣାରୁ ଉଠିପାରିଲେ ନାହିଁ । ଆଉ ଛଅ ମାସ ସେ ହ୍ୱିଲଚେୟାରରେ ଥିଲେ । ସେ କହନ୍ତି, “ମୁଁ ଯିହୋବାଙ୍କ ସେବାରେ ଯେତେ କରିପାରିଲି, ମୁଁ କରିଲି । ଯେଉଁ ନର୍ସ ମୋର ଯତ୍ନ ନେଉଥିଲେ ମୁଁ ତାଙ୍କୁ ସାକ୍ଷ୍ୟ ଦେଉଥିଲି । ତାʼ ସହିତ ଯେଉଁମାନେ ଆମ ଘରକୁ ଜିନିଷ ଆଣି ଦେଉଥିଲେ, ମୁଁ ସେମାନଙ୍କ ସହିତ ବି କଥା ହେଉଥିଲି । ଆଉ ଫୋନ୍‌ରେ ମୁଁ ଜଣେ ଝିଅ ସହିତ କଥା ହେଉଥିଲି ଯିଏ ଗୋଟିଏ ମେଡିକାଲ କମ୍ପାନିରେ କାମ କରୁଥିଲା ।” ନିଜ ପରିସ୍ଥିତି ଯୋଗୁଁ ଭାଇ ଶାମୁୟେଲ ଓ ତାଙ୍କ ସ୍ତ୍ରୀ ପୂର୍ବ ଭଳି ସେବା କରିପାରୁ ନ ଥିଲେ । କିନ୍ତୁ ସେମାନଙ୍କ ଦ୍ୱାରା ଯେତେ ହୋଇପାରନ୍ତା ସେମାନେ ସେତେ କରିଲେ ଆଉ ଏହା ଯୋଗୁଁ ସେମାନଙ୍କୁ ଖୁସି ମିଳିଲା ।

୧୭. ଯଦି ଆପଣ ଏହି ଲେଖାରେ ଦିଆଯାଇଥିବା ପରାମର୍ଶରୁ ଲାଭ ପାଇବା ପାଇଁ ଚାହାନ୍ତି, ତେବେ ଆପଣଙ୍କୁ କʼଣ କରିବାକୁ ପଡ଼ିବ ?

^୧୭ ଏହି ଲେଖାରେ ଆମେ ଯେଉଁ ପାଞ୍ଚଟି ପରାମର୍ଶ ଦେଖିଲୁ, ସେଗୁଡ଼ିକୁ ମାନନ୍ତୁ । ଏହି ପରାମର୍ଶ ମସଲା ଭଳି ଅଟେ । ଯେପରି ଆମେ ତରକାରୀକୁ ସ୍ୱାଦିଷ୍ଟ କରିବା ପାଇଁ ଅଲଗା ଅଲଗା ମସଲା ପକାଉ । ଠିକ୍‌ ସେହିପରି ଯେବେ ଆମେ ଏହି ପରାମର୍ଶଗୁଡ଼ିକୁ ମାନିବା, ତେବେ ଆମେ ନିଜ ଡରକୁ କାବୁ କରିପାରିବା ଓ ଆମକୁ ପ୍ରଚାର କାମରୁ ଆହୁରି ଖୁସି ମିଳିବ ।