୧. ଆଦମ ଓ ହବାର ପାପ କରିବାର କିଛି ସମୟ ପରେ ହିଁ ଯିହୋବା କʼଣ କଲେ ? (ଆଦି ପୁସ୍ତକ ୩:୧୫)

 ଆଦମ ଓ ହବା ପାପ କରିବାର କିଛି ସମୟ ପରେ ହିଁ ଯିହୋବା ଗୋଟିଏ ଖାସ୍‌ ଭବିଷ୍ୟତବାଣୀ କଲେ । ଏହି ଭବିଷ୍ୟତବାଣୀରୁ ସେମାନଙ୍କ ସନ୍ତାନମାନଙ୍କୁ ଗୋଟିଏ ଆଶା ମିଳିଲା । ଏହି ଭବିଷ୍ୟତବାଣୀକୁ ଆମେ ଆଦି ପୁସ୍ତକ ୩:୧୫ ପଦରେ ପଢ଼ିପାରୁ ।—ପଢ଼ନ୍ତୁ ।

୨. ଆଦି ପୁସ୍ତକ ୩:୧୫ ପଦରେ ଲେଖାଥିବା ଭବିଷ୍ୟତବାଣୀ କାହିଁକି ଖାସ୍‌ ଅଟେ ?

^୨ ଏହି ଭବିଷ୍ୟତବାଣୀ ବାଇବଲର ପ୍ରଥମ ବହିରେ ଲେଖାଅଛି, କିନ୍ତୁ ବାଇବଲର ଅନ୍ୟ ବହିଗୁଡ଼ିକର ବି ଏହା ସହିତ କିଛି ନା କିଛି ସମ୍ପର୍କ ରହିଛି । ଠିକ୍‌ ଯେପରି ଗୋଟିଏ ମାଳାରେ ବହୁତଗୁଡ଼ିଏ ମୋତି ଥାଏ ଆଉ ଗୋଟିଏ ସୂତା ସେଗୁଡ଼ିକୁ ଯୋଡ଼ି ରଖିଥାଏ, ଠିକ୍‌ ସେହିପରି ବାଇବଲରେ ବହୁତଗୁଡ଼ିଏ ବହି ଅଛି, କିନ୍ତୁ ଆଦି ପୁସ୍ତକ ୩:୧୫ ପଦରେ ଦିଆଯାଇଥିବା ସନ୍ଦେଶ ସେଗୁଡ଼ିକୁ ଯୋଡ଼ି ରଖିଥାଏ । ଆଉ ସନ୍ଦେଶ ଏହା ଯେ ଯିହୋବା ଜଣେ ଉଦ୍ଧାରକର୍ତ୍ତାକୁ ପଠାଇବେ ଯିଏ ଶୟତାନ ଓ ତାʼର ଦୁଷ୍ଟ ସାଥୀମାନଙ୍କୁ ବିନାଶ କରିଦେବେ । b ଯେବେ ସେମାନଙ୍କର ବିନାଶ ହୋଇଯିବ, ତେବେ ଯିହୋବାଙ୍କ ଲୋକମାନେ ବହୁତ ଖୁସି ହେବେ !

୩. ଏହି ଲେଖାରେ ଆମେ କʼଣ ଜାଣିବା ?

^୩ ଏହି ଲେଖାରେ ଆମେ ଆଦି ପୁସ୍ତକ ୩:୧୫ ପଦରେ ଲେଖାଥିବା ଭବିଷ୍ୟତବାଣୀ ସହିତ ଜଡ଼ିତ ଏହି ପ୍ରଶ୍ନଗୁଡ଼ିକର ଉତ୍ତର ଜାଣିବା: (୧) ଏହି ଭବିଷ୍ୟତବାଣୀରେ କିଏ କାହାକୁ ଦର୍ଶାଏ ? (୨) ଏହି ଭବିଷ୍ୟତବାଣୀ ଏବେ ପର୍ଯ୍ୟନ୍ତ କିପରି ପୂରା ହୋଇଛି ? (୩) ଏହି ଭବିଷ୍ୟତବାଣୀରୁ ଆମକୁ କିପରି ଲାଭ ହେଉଛି ?

୪. ‘ସର୍ପ’ କିଏ ଅଟେ ଆଉ ଆମେ ଏହା କିପରି କହିପାରିବା ?

^୪ ଆଦି ପୁସ୍ତକ ୩:୧୪, ୧୫ ପଦରେ ଗୋଟିଏ ‘ସର୍ପ’ ବା ସାପ, ସାପର “ବଂଶ”, ଜଣେ ‘ନାରୀ’ ଓ ସେହି ନାରୀର “ବଂଶ” ବିଷୟରେ କୁହାଯାଇଛି । ବାଇବଲରୁ ଆମେ ଜାଣିପାରୁ ଯେ ଏମାନେ ପ୍ରକୃତରେ କିଏ ଅଟନ୍ତି । c ଆସନ୍ତୁ ସବୁଠୁ ଆଗ ସାପ ବିଷୟରେ ଜାଣିବା । ଏଦନ ବଗିଚାରେ ଯିହୋବା ଯାହା କହିଲେ, ତାହା ଗୋଟିଏ ସାପ ବୁଝିପାରିବ ନାହିଁ । ଏହି ଭବିଷ୍ୟତବାଣୀରେ ଯେଉଁ ସାପ ବିଷୟରେ କୁହାଯାଇଛି, ତାହା କୌଣସି ସତ ସତିକା ସାପ ହୋଇପାରିବ ନାହିଁ । ତାହେଲେ ସେ କିଏ ଅଟେ ? ପ୍ରକାଶିତ ବାକ୍ୟ ୧୨:୯ ପଦରେ କୁହାଯାଇଛି ଯେ “ପୁରାତନ ନାଗ” ଅର୍ଥାତ୍‌ ପୁରୁଣା ସାପ ଆଉ କେହି ନୁହେଁ, ବରଂ ତାହା ଶୟତାନ ଅଟେ । ଆସନ୍ତୁ ଏବେ ଜାଣିବା ଯେ ତାʼର ବଂଶ କିଏ ଅଟେ ।

୫. ସାପର ବଂଶ କିଏ ଅଟେ ?

^୫ ବାଇବଲରେ ଯେବେ ବି କାହାରି ବଂଶ ବିଷୟରେ କୁହାଯାଇଛି, ତେବେ ପ୍ରତ୍ୟେକ ଥର ତାʼର ଅର୍ଥ ଏହା ନ ଥାଏ ଯେ ତାʼର ନିଜ ପିଲା ବିଷୟରେ କୁହାଯାଉଛି । ଅନେକ ଥର ଜଣେ ବ୍ୟକ୍ତିକୁ ତେବେ ବି କାହାରି ବଂଶ କିମ୍ବା ପିଲା କୁହାଯାଇଛି, ଯେବେ ସେ ତାʼ ଭଳି କାମ କରେ । ତେଣୁ ଆମେ କହିପାରିବା ଯେ ସାପର ବଂଶ ସେହି ଦୁଷ୍ଟ ସ୍ୱର୍ଗଦୂତମାନେ ଓ ସେହି ମଣିଷମାନେ ଅଟନ୍ତି, ଯେଉଁମାନେ ଶୟତାନର ଭଳି ଯିହୋବାଙ୍କ ସପକ୍ଷ ହୁଅନ୍ତି ନାହିଁ ଓ ତାଙ୍କ ଲୋକମାନଙ୍କର ବିରୋଧ କରନ୍ତି । ଏହି ବଂଶରେ ସେହି ସ୍ୱର୍ଗଦୂତମାନେ ବି ସାମିଲ୍‌ ଅଛନ୍ତି, ଯେଉଁମାନେ ନୋହଙ୍କ ସମୟରେ ସ୍ୱର୍ଗ ଛାଡ଼ି ପୃଥିବୀକୁ ଆସିଥିଲେ ଏବଂ ସେହି ମଣିଷମାନେ ବି ଯେଉଁମାନେ ନିଜ ବାପା ଶୟତାନର ଭଳି ଖରାପ କାମ କରନ୍ତି ।—ଆଦି. ୬:୧, ୨; ଯୋହ. ୮:୪୪; ୧ ଯୋହ. ୫:୧୯; ଯିହୂ. ୬.

୬. ଯେଉଁ ‘ନାରୀ’ ବିଷୟରେ ଆଦି ପୁସ୍ତକ ୩:୧୫ ପଦରେ କୁହାଯାଇଛି, ତାହା ହବା କାହିଁକି ହୋଇପାରିବ ନାହିଁ ?

^୬ ଏବେ ଆସନ୍ତୁ, ଏହା ବୁଝିବାକୁ ଚେଷ୍ଟା କରିବା ଯେ ସେହି ‘ନାରୀ’ କିଏ ଅଟେ । ଏହି ନାରୀ ହବା ହୋଇପାରିବ ନାହିଁ । ଏହାର ଗୋଟିଏ କାରଣ ପ୍ରତି ଧ୍ୟାନ ଦିଅନ୍ତୁ । ଆମେ  ଜାଣୁ ଯେ ସାପ ଶୟତାନ ଅଟେ ଯିଏ ଜଣେ ସ୍ୱର୍ଗଦୂତ ଅଟେ । ଆଉ ଭବିଷ୍ୟତବାଣୀରେ କୁହାଯାଇଥିଲା ଯେ ନାରୀର ବଂଶ ସାପର ମୁଣ୍ଡକୁ “ଆଘାତ” କରିବ । କିନ୍ତୁ ହବାର ବଂଶ ବା ପିଲା ତ ଜଣେ ମଣିଷ ହୁଅନ୍ତା । ଆଉ ଜଣେ ମଣିଷ କିପରି ଜଣେ ସ୍ୱର୍ଗଦୂତକୁ ବିନାଶ କରିପାରିବ ! ତାହେଲେ ସେହି ନାରୀ କିଏ ଅଟେ ?

୭. ପ୍ରକାଶିତ ବାକ୍ୟ ୧୨:୧, ୨, ୫, ୧୦ ପଦରୁ କିପରି ଜଣାପଡ଼େ ଯେ ଆଦି ପୁସ୍ତକ ୩:୧୫ ପଦରେ କୁହାଯାଇଥିବା ନାରୀ କିଏ ଅଟେ ?

^୭ ବାଇବଲର ଶେଷ ବହିରୁ ଆମେ ଜାଣିପାରୁ ଯେ ପ୍ରକୃତରେ ଏହି ନାରୀ କିଏ ଅଟେ । (ପ୍ରକାଶିତ ବାକ୍ୟ ୧୨:୧, ୨, ୫, ୧୦ ପଢ଼ନ୍ତୁ ।) ସେଠି କୁହାଯାଇଛି ଯେ ତାʼର ମୁଣ୍ଡରେ ଦ୍ୱାଦଶ ନକ୍ଷତ୍ର ଖଚିତ ଗୋଟିଏ ମୁକୁଟ ଅଛି ଏବଂ ଚନ୍ଦ୍ର ତାʼ ପାଦ ତଳେ ଅଛି । ଆଉ ସେ ଗୋଟିଏ ପିଲାକୁ ଜନ୍ମ ଦିଏ ଯାହା ଈଶ୍ୱରଙ୍କ ରାଜ୍ୟକୁ ଦର୍ଶାଏ । ଆମେ ଜାଣୁ ଯେ ଈଶ୍ୱରଙ୍କ ରାଜ୍ୟ ସ୍ୱର୍ଗରେ ଆରମ୍ଭ ହୋଇଛି, ତେଣୁ ଏହି ନାରୀ ପୃଥିବୀରେ ନୁହେଁ, ବରଂ ସ୍ୱର୍ଗରେ ହିଁ ଥିବ । ଏହାର ଅର୍ଥ, ନାରୀ ଯିହୋବାଙ୍କ ସଂଗଠନର ସେହି ଭାଗକୁ ଦର୍ଶାଏ, ଯାହା ସ୍ୱର୍ଗରେ ଅଛି ଏବଂ ଯେଉଁଥିରେ ଲକ୍ଷ ଲକ୍ଷ ସ୍ୱର୍ଗଦୂତମାନେ ଅଛନ୍ତି ।—ଗାଲା. ୪:୨୬.

୮. ନାରୀର ବଂଶର ମୁଖ୍ୟ ଭାଗ କିଏ ଅଟେ ? ଆଉ ସେ କେବେ ହେଲା ? (ଆଦି ପୁସ୍ତକ ୨୨:୧୫-୧୮)

^୮ ବାଇବଲରୁ ଆମେ ଏହା ବି ଜାଣିପାରିବା ଯେ ନାରୀର ବଂଶର ମୁଖ୍ୟ ଭାଗ କିଏ ଅଟେ । ଏହା ଆଗରୁ ହିଁ କୁହାଯାଇଥିଲା ଯେ ସେ ଅବ୍ରହାମର ବଂଶରୁ ଆସିବ । (ଆଦି ପୁସ୍ତକ ୨୨:୧୫-୧୮ ପଢ଼ନ୍ତୁ ।) ଆଉ ଯେପରି ଭବିଷ୍ୟତବାଣୀ କରାଯାଇଥିଲା, ଯୀଶୁ ଅବ୍ରହାମର ବଂଶରୁ ହିଁ ଆସିଲେ । (ଲୂକ ୩:୨୩, ୩୪) ଏହାଛଡ଼ା ଏହି ବଂଶ କୌଣସି ମଣିଷ ହୋଇପାରନ୍ତା ନାହିଁ, କାରଣ ତାଙ୍କୁ ଶୟତାନର ବିନାଶ କରିବାର ଥିଲା । ପ୍ରାୟ ୩୦ ବର୍ଷ ବୟସରେ ଯେବେ ଯୀଶୁ ବାପ୍ତିସ୍ମ ନେଲେ, ତେବେ ଯିହୋବା ତାଙ୍କୁ ପବିତ୍ର ଶକ୍ତି ଦ୍ୱାରା ଅଭିଷିକ୍ତ କରି ଦେଖାଇଲେ ଯେ ଯୀଶୁ ତାଙ୍କ ଦ୍ୱାରା ବଛାଯାଇଥିବା ପୁଅ ଅଟନ୍ତି । ସେସମୟରେ ସେ ନାରୀର ବଂଶର ମୁଖ୍ୟ ଭାଗ ହୋଇଗଲେ । (ଗାଲା. ୩:୧୬) ପରେ ଯୀଶୁଙ୍କ ମୃତ୍ୟୁ ହୋଇଗଲା । କିନ୍ତୁ ତାʼପରେ ଯିହୋବା ତାଙ୍କୁ ଜୀବିତ କରିଦେଲେ ଆଉ ‘ତାହାକୁ ଗୌରବ ଓ ସମ୍ଭ୍ରମରୂପ ମୁକୁଟରେ ଭୂଷିତ କଲେ’ ଆଉ ତାଙ୍କୁ ‘ସ୍ୱର୍ଗ ଓ ପୃଥିବୀର ସମସ୍ତ ଅଧିକାର ପ୍ରଦତ୍ତ କଲେ ।’ ତାଙ୍କୁ “ଶୟତାନର କାର୍ଯ୍ୟ ବିନାଶ” କରିବାର ଅଧିକାର ଦିଆଗଲା ।—ଏବ୍ରୀ ୨:୭; ମାଥି. ୨୮:୧୮; ୧ ଯୋହ. ୩:୮.

୯-୧୦. (କ) ଯୀଶୁଙ୍କ ଛଡ଼ା ଆଉ କେଉଁମାନେ ନାରୀର ବଂଶର ଭାଗ ଅଟନ୍ତି ? ସେମାନେ କେବେ ଏହାର ଭାଗ ହୁଅନ୍ତି ? (ଖ) ଏବେ ଆମେ କʼଣ ଜାଣିବା ?

^୯ ଏହି ବଂଶର ଦ୍ୱିତୀୟ ଭାଗ ବି ଅଛି । ଏବିଷୟରେ ପ୍ରେରିତ ପାଉଲ ଯିହୁଦୀ ଓ ଅଣଯିହୁଦୀ ଅଭିଷିକ୍ତ ଖ୍ରୀଷ୍ଟିୟାନମାନଙ୍କୁ କହିଲେ, “ଯଦି ତୁମ୍ଭେମାନେ ଖ୍ରୀଷ୍ଟଙ୍କର, ତେବେ ତୁମ୍ଭେମାନେ ତ ଅବ୍ରହାମଙ୍କ ବଂଶ, ପ୍ରତିଜ୍ଞା ଅନୁସାରେ ଉତ୍ତରାଧିକାରୀ ।” (ଗାଲା. ୩:୨୮, ୨୯) ଏଥିରୁ ଜଣାପଡ଼େ ଯେ ଯେବେ ଯିହୋବା ପବିତ୍ର ଶକ୍ତି ଦ୍ୱାରା ଜଣେ ଖ୍ରୀଷ୍ଟିୟାନକୁ ଅଭିଷେକ କରନ୍ତି, ତେବେ ସେ ସେହି ବଂଶର ଭାଗ ହୋଇଯାଏ । ଏହାର ଅର୍ଥ, ନାରୀର ବଂଶରେ ଯୀଶୁ ଓ ୧,୪୪,୦୦୦ ଅଭିଷିକ୍ତ ଖ୍ରୀଷ୍ଟିୟାନ ଅଛନ୍ତି, ଯେଉଁମାନେ ତାଙ୍କ ସହିତ ଶାସନ କରିବେ । (ପ୍ରକା. ୧୪:୧) ଏମାନେ ସମସ୍ତେ ନିଜ ବାପା ଯିହୋବାଙ୍କ ଭଳି ଭାବନ୍ତି ଆଉ ତାଙ୍କ ଭଳି କାମ କରନ୍ତି ।

^୧୦ ଏବେ ପର୍ଯ୍ୟନ୍ତ ଆମେ ଦେଖିଲୁ ଯେ ଆଦି ପୁସ୍ତକ ୩:୧୫ ପଦରେ ଲେଖାଥିବା ଭବିଷ୍ୟତବାଣୀରେ ଯେଉଁମାନଙ୍କ ବିଷୟରେ କୁହାଯାଇଛି, ସେମାନେ କିଏ ଅଟନ୍ତି । ଏବେ ଆସନ୍ତୁ ଆମେ ଜାଣିବା ଯେ ଏହି ଭବିଷ୍ୟତବାଣୀ ଏବେ ଯାଏ କିପରି ପୂରା ହୋଇଛି ଆଉ ସେଥିରୁ ଆମକୁ କିପରି ଲାଭ ହେଉଛି ।

୧୧. ନାରୀର ବଂଶର ‘ଗୋଇଠିକୁ’ କିପରି ଆଘାତ କରାଗଲା ?

^୧୧ ଆଦି ପୁସ୍ତକ ୩:୧୫ ପଦରେ କୁହାଯାଇଥିଲା ଯେ ସାପ ନାରୀର ବଂଶର “ଗୋଇଠିକି ଆଘାତ କରିବ ।” ଏହି ଭବିଷ୍ୟତବାଣୀ ତେବେ ପୂରା ହେଲା, ଯେବେ ଶୟତାନ ଯିହୁଦୀ ଓ ରୋମୀ ଲୋକମାନଙ୍କ ଜରିଆରେ ଯୀଶୁଙ୍କୁ ହତ୍ୟା କରାଇଲେ । (ଲୂକ ୨୩:୧୩, ୨୦-୨୪) ଯେବେ ଆମ ଗୋଇଠିରେ ଆଘାତ ଲାଗେ, ତେବେ ଆମେ କିଛି ଦିନଯାଏ ଭଲଭାବେ ଚାଲିପାରି ନ ଥାଉ ଓ ବେଶୀ କିଛି କରିପାରି ନ ଥାଉ । ଠିକ୍‌ ସେହିପରି ଯେବେ ଯୀଶୁଙ୍କର ମୃତ୍ୟୁ ହେଲା, ତେବେ ପ୍ରାୟ ତିନି ଦିନ ଯାଏ ସେ ବି କିଛି କରିପାରିଲେ ନାହିଁ ।—ମାଥି. ୧୬:୨୧.

୧୨. ସାପର ମୁଣ୍ଡକୁ କେବେ ଓ କିପରି ଆଘାତ କରାଯିବ ?

^୧୨ ଭବିଷ୍ୟତବାଣୀରେ କୁହାଯାଇଥିଲା ଯେ ନାରୀର ବଂଶ  ସାପର ମୁଣ୍ଡକୁ ଆଘାତ କରିବ । କିନ୍ତୁ ଯୀଶୁଙ୍କର ତ ମୃତ୍ୟୁ ହୋଇଯାଇଥିଲା, ତାʼହେଲେ ଏକଥା କିପରି ପୂରା ହୁଅନ୍ତା ? ତାʼ ପାଇଁ ଯୀଶୁଙ୍କୁ ପୁଣି ଥରେ ଜୀବିତ କରାଯିବା ଜରୁରୀ ଥିଲା । ଆଉ ଠିକ୍‌ ଏପରି ହିଁ ହେଲା । ଯୀଶୁଙ୍କ ମୃତ୍ୟୁର ତିନି ଦିନ ପରେ ଯିହୋବା ତାଙ୍କୁ ଏକ ଅଦୃଶ୍ୟ ଶରୀର ଦେଇ ଜୀବିତ କଲେ ଓ ତାଙ୍କୁ ସ୍ୱର୍ଗରେ ଅମର ଜୀବନ ଦେଲେ । ଯିହୋବାଙ୍କ ନିର୍ଦ୍ଧାରିତ ସମୟରେ ଯୀଶୁ ଶୟତାନକୁ ବିନାଶ କରିଦେବେ । (ଏବ୍ରୀ ୨:୧୪) ତାʼଛଡ଼ା ଯୀଶୁ ଓ ତାଙ୍କ ସହ ଯେଉଁମାନେ ଶାସନ କରିବେ, ସେମାନେ ପୃଥିବୀରୁ ସାପର ବଂଶକୁ ଅର୍ଥାତ୍‌ ଈଶ୍ୱରଙ୍କ ସବୁ ଶତ୍ରୁମାନଙ୍କୁ ବିନାଶ କରିଦେବେ ।—ପ୍ରକା. ୧୭:୧୪; ୨୦:୪, ୧୦. d

୧୩. ଆଜି ଆମକୁ ଏହି ଭବିଷ୍ୟତବାଣୀରୁ କିପରି ଲାଭ ହେଉଛି ?

^୧୩ ଟିକେ ଭାବନ୍ତୁ, ଯେପରି ଭାବେ ଏହି ଭବିଷ୍ୟତବାଣୀ ପୂରା ହୋଇଛି ସେଥିରୁ ଆପଣଙ୍କୁ କେତେ ଲାଭ ହୋଇଛି । ଯେବେ ଯୀଶୁ ପୃଥିବୀକୁ ଆସିଲେ, ତେବେ ତାଙ୍କ କାମ ଓ ଲୋକମାନଙ୍କ ସହ ତାଙ୍କ ବ୍ୟବହାର ବିଲକୁଲ୍‌ ତାଙ୍କ ପିତାଙ୍କ ଭଳି ଥିଲା । (ଯୋହ. ୧୪:୯) ତାଙ୍କୁ ଜାଣିବାରୁ ଆମେ ଯିହୋବାଙ୍କୁ ଜାଣିପାରିଲୁ ଓ ତାଙ୍କୁ ପ୍ରେମ କରିବାକୁ ଲାଗିଲୁ । ଯୀଶୁ ଆମକୁ ଯେଉଁ କଥା ଶିଖାଇଲେ ଆଉ ଆଜି ସେ ସଂଗଠନକୁ ଯେପରି ନିର୍ଦ୍ଦେଶ ଦେଉଛନ୍ତି, ସେଥିରୁ ଆମକୁ ବହୁତ ଲାଭ ହେଉଛି । ସେ ଆମକୁ ଏପରି ଜୀବନ ବଞ୍ଚିବା ଶିଖାଇଲେ, ଯେଉଁଥିରୁ ଯିହୋବା ଖୁସି ହୁଅନ୍ତି । ଶେଷରେ ତାଙ୍କ ଗୋଇଠିକୁ ଆଘାତ କରାଗଲା ଅର୍ଥାତ୍‌ ତାଙ୍କୁ ଜୀବନରୁ ମାରି ଦିଆଗଲା । ତାଙ୍କ ବଳିଦାନରୁ ବି ଆମକୁ ବହୁତ ଲାଭ ହୁଏ । ସେ ଆମ ପାଇଁ ନିଜ ପରିପୂର୍ଣ୍ଣ ଜୀବନ ଦେଇଦେଲେ, ତାʼ ଆଧାରରେ ଯିହୋବା ‘ଆମ୍ଭମାନଙ୍କର ସମସ୍ତ ପାପରୁ ଆମ୍ଭମାନଙ୍କୁ ପରିଷ୍କାର କରେ ।’—୧ ଯୋହ. ୧:୭.

୧୪. ଏଦନ ବଗିଚାରେ କରାଯାଇଥିବା ଭବିଷ୍ୟତବାଣୀ ତୁରନ୍ତ କାହିଁକି ପୂରା ହୋଇପାରନ୍ତା ନାହିଁ ? ବୁଝାନ୍ତୁ ।

^୧୪ ଯିହୋବା ଏଦନ ବଗିଚାରେ କରିଥିବା ଭବିଷ୍ୟତବାଣୀ ତୁରନ୍ତ ପୂରା ହୋଇପାରନ୍ତା ନାହିଁ । ଏପରି ଆମେ କାହିଁକି କହିପାରିବା ? କାରଣ ନାରୀର ବଂଶକୁ ଆସିବାରେ ସମୟ ଲାଗନ୍ତା ଆଉ କିଛି ସମୟ ଗଲା ପରେ ହିଁ ଲୋକେ ଶୟତାନର ପକ୍ଷ ନିଅନ୍ତେ । କେବଳ ସେତିକି ନୁହେଁ, ସାପର ବଂଶ ଓ ନାରୀର ବଂଶ ମଧ୍ୟରେ ଶତ୍ରୁତା ବା ଘୃଣା ସୃଷ୍ଟି ହେବାରେ ମଧ୍ୟ ସମୟ ଲାଗନ୍ତା । ଏହି ଭବିଷ୍ୟତବାଣୀକୁ ଭଲଭାବେ ବୁଝିଲେ ଆମେ ଜାଣିପାରୁ ଯେ ଶୟତାନର ଏହି ଦୁନିଆ ଯିହୋବାଙ୍କ ଲୋକମାନଙ୍କୁ ଘୃଣା କରିବ । ଯୀଶୁ ମଧ୍ୟ ନିଜ ଶିଷ୍ୟମାନଙ୍କୁ ଆଗରୁ କହିଥିଲେ ଯେ ସେମାନଙ୍କୁ ଘୃଣା କରାଯିବ । (ମାର୍କ ୧୩:୧୩; ଯୋହ. ୧୭:୧୪) ବିଶେଷ କରି ଗତ ୧୦୦ ବର୍ଷରୁ ଆମେ ସ୍ପଷ୍ଟ ଭାବେ ଦେଖିପାରୁଛୁ ଯେ ଯିହୋବାଙ୍କ ଲୋକମାନଙ୍କ ସହ ଏପରି ହିଁ ହେଉଛି ।

୧୫. (କ) ଦୁନିଆ ଆମକୁ ଆଗ ଅପେକ୍ଷା କାହିଁକି ଅଧିକ ଘୃଣା କରୁଛି ? (ଖ) ଆମକୁ ଶୟତାନକୁ କାହିଁକି ଡରିବା ଦରକାର ନାହିଁ ?

^୧୫ ୧୯୧୪ ମସିହାରେ ଯେବେ ଯୀଶୁ ଈଶ୍ୱରଙ୍କ ରାଜ୍ୟର ରାଜା ହେଲେ, ତେବେ ତାʼର କିଛି ସମୟ ପରେ ହିଁ ସେ ଶୟତାନକୁ ସ୍ୱର୍ଗରୁ ପୃଥିବୀକୁ ଫିଙ୍ଗି ଦେଲେ । କିନ୍ତୁ ଶୟତାନ ଚୁପ୍‌ ପଡ଼ି ନାହିଁ । ଶୟତାନ ଜାଣେ ଯେ ତାʼ ପାଖରେ କମ୍‌ ସମୟ ଅଛି । ତେଣୁ ସେ “ମହାକ୍ରୋଧରେ” ଅଛି ଆଉ ଯିହୋବାଙ୍କ ଲୋକମାନଙ୍କ ଉପରେ ନିଜ ରାଗ ବାହାର କରୁଛି । (ପ୍ରକା. ୧୨:୯, ୧୨, ୧୩, ୧୭) ଏହା ହିଁ କାରଣ ଯେ ଶୟତାନର ଦୁନିଆ ଆଗ ଅପେକ୍ଷା ଆମକୁ ଆଜି ଅଧିକ ଘୃଣା କରେ । କିନ୍ତୁ ଆମକୁ ଶୟତାନ ଓ ତାʼ ପକ୍ଷରେ ଥିବା ଲୋକମାନଙ୍କୁ ଡରିବା ଦରକାର ନାହିଁ । ଆମେ ପ୍ରେରିତ ପାଉଲଙ୍କ ଏକଥା ମନେ ରଖିପାରିବା, ‘ଯଦି ଈଶ୍ୱର ଆମ୍ଭମାନଙ୍କ ସପକ୍ଷ, ତେବେ ଆମ୍ଭମାନଙ୍କ ବିପକ୍ଷ କିଏ ହେବ ?’ (ରୋମୀ. ୮:୩୧) ଯିହୋବା ଆଜିଯାଏ ଯେପରି ଆଦି ପୁସ୍ତକ ୩:୧୫ ପଦରେ ଲେଖାଥିବା ଭବିଷ୍ୟତବାଣୀକୁ ପୂରା କରିଛନ୍ତି, ସେଥିରୁ ପ୍ରମାଣିତ ହୋଇଯାଏ ଯେ ଆମେ ତାଙ୍କ ଉପରେ ଭରସା କରିପାରିବା ।

୧୬-୧୮. ଆଦି ପୁସ୍ତକ ୩:୧୫ ପଦରେ ଲେଖାଯାଇଥିବା ଭବିଷ୍ୟତବାଣୀକୁ ଭଲଭାବେ ବୁଝିବାରୁ କାର୍ଟିସ, ଉରସୁଲା ଆଉ ଜେସିକାକୁ କିପରି ଲାଭ ହେଲା ?

^୧୬ ଆଦି ପୁସ୍ତକ ୩:୧୫ ପଦରେ ଲେଖାଥିବା ଯିହୋବାଙ୍କ ପ୍ରତିଜ୍ଞାକୁ ଧ୍ୟାନ ଦେଲେ ଆମେ ସାହସର ସହ ସମସ୍ୟାଗୁଡ଼ିକୁ ସହିପାରୁ । ଭାଇ କାର୍ଟିସ, ଯିଏ ଗୁଆମ ଦ୍ୱୀପରେ ମିଶନାରୀ ଭାବେ କାମ କରୁଛନ୍ତି, ସେ କହନ୍ତି, “ମୋ ଜୀବନରେ ଅନେକ  ଥର ଏପରି ପରିସ୍ଥିତି ଆସିଲା, ଯେବେ ମୋତେ ଲାଗିଲା ଯେ ମୁଁ ଯିହୋବାଙ୍କ ବିଶ୍ୱସ୍ତ ରହିପାରିବି ନାହିଁ । କିନ୍ତୁ ଯେବେ ମୁଁ ଭାବେ ଯେ ଆଦି ପୁସ୍ତକ ୩:୧୫ ପଦରେ ଲେଖାଥିବା ଭବିଷ୍ୟତବାଣୀ କିପରି ପୂରା ହୋଇଛି, ତେବେ ଯିହୋବାଙ୍କ ଉପରେ ମୋର ଭରସା ବଢ଼ିଯାଏ ।” ଭାଇ କାର୍ଟିସ ସେହି ଦିନର ଅପେକ୍ଷା କରୁଛନ୍ତି, ଯେବେ ଯିହୋବା ସବୁ ଦୁଃଖକଷ୍ଟ ଓ ସମସ୍ୟା ସବୁକୁ ସବୁଦିନ ପାଇଁ ଦୂର କରିଦେବେ ।

^୧୭ ଜର୍ମାନୀରେ ରହୁଥିବା ଉରସୁଲା ନାମକ ଜଣେ ଭଉଣୀ କହନ୍ତି ଯେ ଯେବେ ସେ ଆଦି ପୁସ୍ତକ ୩:୧୫ ପଦରେ ଲେଖାଥିବା ଭବିଷ୍ୟତବାଣୀକୁ ଅଧ୍ୟୟନ କଲେ, ତେବେ ସେ ବୁଝିପାରିଲେ ଯେ ବାଇବଲର ବାକି ଭବିଷ୍ୟତବାଣୀଗୁଡ଼ିକ ଏହା ସହିତ କିପରି ଜଡ଼ିତ ଅଛି । ଏହା ଦେଖି ସେ ଆଶ୍ଚର୍ଯ୍ୟ ହୋଇଗଲେ ଆଉ ତାଙ୍କୁ ଏକଥା ଉପରେ ଭରସା ବଢ଼ିଗଲା ଯେ ଯିହୋବା ହିଁ ବାଇବଲ ଲେଖାଇଛନ୍ତି । ସେ ଏହା ବି କହନ୍ତି, “ଯିହୋବା ମଣିଷମାନଙ୍କୁ ଏପରି ହିଁ ଛାଡ଼ିଲେ ନାହିଁ, ବରଂ ସେ ତୁରନ୍ତ ପଦକ୍ଷେପ ନେଲେ ଓ ସେମାନଙ୍କୁ ଗୋଟିଏ ଆଶା ଦେଲେ । ଏ ବିଷୟରେ ଭାବି ଏବେ ମୁଁ ଯିହୋବାଙ୍କୁ ଆହୁରି ଅଧିକ ପ୍ରେମ କରିବାକୁ ଲାଗୁଛି ।”

^୧୮ ମାଇକ୍ରୋନେସିଆରେ ରହୁଥିବା ଜଣେ ଭଉଣୀ ଜେସିକା କହନ୍ତି, “ମୋତେ ଆଜି ବି ସେହି ଦିନ ମନେ ଅଛି, ଯେବେ ମୋତେ ଭରସା ହେଇଯାଇଥିଲା ଯେ ଏହା ହିଁ ସତ୍ୟ ଅଟେ । ମୁଁ ବୁଝିଗଲି ଯେ ଆଦି ପୁସ୍ତକ ୩:୧୫ ପଦରେ ଲେଖାଯାଇଥିବା ଭବିଷ୍ୟତବାଣୀ ପୂରା ହେଉଛି । ମୁଁ ଜାଣିପାରିଲି ଯେ ଯିହୋବା ଏହା ଚାହାନ୍ତି ନାହିଁ ଯେ ଆଜି ଆମେ ଯେପରି ଜୀବନ ଜୀଉଁଛୁ, ସେପରି ଜୀଇଁବା । ଏହି ଭବିଷ୍ୟତବାଣୀକୁ ପଢ଼ି ମୋତେ ପୂରା ଭରସା ହୋଇଗଲା ଯେ ଯିହୋବାଙ୍କ ସେବା କରିଲେ ଆଜି ମୁଁ ଭଲ ଜୀବନ ଜୀଇଁପାରିବି ଆଉ ଭବିଷ୍ୟତରେ ତ ମୁଁ ଏହାଠୁ ବି ଭଲ ଜୀବନ ଜୀଇଁପାରିବି ।”

୧୯. ଆମେ କାହିଁକି ଭରସା ରଖିପାରିବା ଯେ ଭବିଷ୍ୟତବାଣୀର ବାକି ଭାଗ ବି ନିଶ୍ଚୟ ପୂରା ହେବ ?

^୧୯ ଯେପରି ଆମେ ଏହି ଲେଖାରୁ ଜାଣିଲୁ ଯେ, ଆଦି ପୁସ୍ତକ ୩:୧୫ ପଦରେ ଲେଖାଥିବା ଭବିଷ୍ୟତବାଣୀ ପୂରା ହେଉଛି । ଆଜି ଆମେ ଜାଣୁ ଯେ ନାରୀର ବଂଶ ଓ ସାପର ବଂଶ କିଏ ଅଟେ । ନାରୀର ବଂଶର ମୁଖ୍ୟ ଭାଗ ଅର୍ଥାତ୍‌ ଯୀଶୁଙ୍କ ଗୋଇଠିକୁ ଆଘାତ କରିବା ସରିଯାଇଛି ଓ ତାʼର ଘାʼ ମଧ୍ୟ ଭରିସାରିଛି । ଏବେ ସେ ସ୍ୱର୍ଗରେ ଶକ୍ତିଶାଳୀ ରାଜା ଅଟନ୍ତି ଓ ତାଙ୍କୁ ଅମର ଜୀବନ ଦିଆଯାଇଛି । ଯେଉଁ ଲୋକମାନେ ନାରୀର ବଂଶର ଦ୍ୱିତୀୟ ଭାଗ ହେବେ, ଯିହୋବା ପ୍ରାୟ ସେସମସ୍ତଙ୍କୁ ବାଛି ସାରିଛନ୍ତି । ଏହି ଭବିଷ୍ୟତବାଣୀରେ ଲେଖାଥିବା ଅଧିକାଂଶ କଥାଗୁଡ଼ିକ ପୂରା ହୋଇସାରିଛି, ତେଣୁ ଆମେ ଭରସା ରଖିପାରିବା ଯେ ସାପର ମୁଣ୍ଡକୁ ବି ନିଶ୍ଚୟ ଆଘାତ କରାଯିବ । ସେ ସମୟରେ ଯିହୋବାଙ୍କ ସେବକମାନେ ପ୍ରକୃତ ଶାନ୍ତି ପାଇବେ । କିନ୍ତୁ ତେବେ ଯାଏ ଆସନ୍ତୁ ଆମେ ସାହସ ହରାଇବା ନାହିଁ ଆଉ ଯିହୋବାଙ୍କ ଉପରେ ଭରସା ରଖିବା ଯେ ସେ ନାରୀର ବଂଶ ଜରିଆରେ ‘ପୃଥିବୀସ୍ଥ ସମସ୍ତ ଜାତିକୁ’ ବହୁତ ଆଶିଷ ଦେବେ !—ଆଦି. ୨୨:୧୮.