ବାଇବଲର ସତ୍ୟ ଶିଖିବା ପରେ ହୁଏତ ଆପଣ ଭାବୁଥିବେ ଏକଥା ସମସ୍ତେ ଜାଣିବା ଉଚିତ୍‌ । ଆଉ ଏପରି ଭାବିବା ଠିକ୍‌ ମଧ୍ୟ । କିନ୍ତୁ ହୁଏତ ଆପଣଙ୍କୁ ଏକଥା ଅନ୍ୟମାନଙ୍କୁ କହିବା ପାଇଁ ଡର ଲାଗୁଥିବ । ଆସନ୍ତୁ ଦେଖିବା ଯେ ଆପଣ କିପରି ଏହି ଡରକୁ ଦୂର କରିପାରିବେ ଏବଂ ଖୁସିର ସହ ଅନ୍ୟମାନଙ୍କୁ ଖୁସିର ଖବର ଶୁଣାଇପାରିବେ ।

୧. ଆପଣ ଯାହା ଶିଖୁଛନ୍ତି ତାହା ଅନ୍ୟମାନଙ୍କୁ କିପରି କହିପାରିବେ ?

ଯୀଶୁଙ୍କ ଶିଷ୍ୟମାନେ ତାଙ୍କଠୁ ଯାହା ଶିଖୁଥିଲେ, ତାହା ସେମାନଙ୍କୁ ବହୁତ ଭଲ ଲାଗୁଥିଲା । ଆଉ ସେମାନେ ତାʼବିଷୟରେ ଅନ୍ୟମାନଙ୍କୁ କହିବା ପାଇଁ ଚାହୁଁଥିଲେ । ସେମାନେ କହିଲେ, “ଆମ୍ଭେମାନେ ଯାହା ଯାହା ଦେଖିଅଛୁ ଓ ଶୁଣିଅଛୁ, ସେହିସବୁ ନ କହି ରହି ନ ପାରୁ ।” (ପ୍ରେରିତ ୪:୨୦) କʼଣ ଆପଣଙ୍କୁ ବି ଏପରି ଲାଗେ ? ଆପଣ ଯାହା ଶିଖୁଛନ୍ତି, ତାହା ସୁଯୋଗ ଦେଖି ନିଜ ପରିବାର ଲୋକ ଓ ସାଙ୍ଗମାନଙ୍କୁ ଆଦରର ସହ କହିପାରିବେ ।—କଲସୀୟ ୪:୬ ପଢ଼ନ୍ତୁ ।

୨. ଆପଣଙ୍କୁ କାହିଁକି ମଣ୍ଡଳୀ ସହ ମିଶି ପ୍ରଚାର କରିବା ଉଚିତ୍‌ ?

ଯୀଶୁଙ୍କ ଶିଷ୍ୟମାନେ କେବଳ ନିଜ ପରିଚିତ ଲୋକମାନଙ୍କୁ ନୁହେଁ, ବରଂ ସମସ୍ତଙ୍କୁ ପ୍ରଚାର କଲେ । ଯୀଶୁ ସେମାନଙ୍କୁ ‘ନଗରରେ ପ୍ରଚାର କରିବା ପାଇଁ ଦୁଇ ଦୁଇ ଜଣ କରି ପଠାଇଲେ ।’ (ଲୂକ ୧୦:୧) ଏପରି ବ୍ୟବସ୍ଥିତ ଭାବେ ପ୍ରଚାର କରିବା ଦ୍ୱାରା ସେମାନେ ଅନେକ ଲୋକଙ୍କୁ ଖୁସିର ଖବର ଶୁଣାଇପାରିଲେ । ସାଙ୍ଗରେ ମିଶି ପ୍ରଚାର କରିବା ଦ୍ୱାରା ସେମାନଙ୍କୁ ବହୁତ ଖୁସି ମିଳିଲା । (ଲୂକ ୧୦:୧୭) କʼଣ ତାଙ୍କ ଭଳି ଆପଣ ମଧ୍ୟ ମଣ୍ଡଳୀ ସହ ମିଶି ପ୍ରଚାର କରିବା ପାଇଁ ଚାହିଁବେ ?

 ଭାବନ୍ତୁ ଓ ଶିଖନ୍ତୁ

୫. ଖୁସିର ଖବର ଶୁଣାଇଲେ ଆମକୁ ଖୁସି ମିଳେ

ଯିହୋବା ଯୀଶୁଙ୍କୁ ଖୁସିର ଖବର ଶୁଣାଇବାର କାମ ଦେଇଥିଲେ । ଯୀଶୁଙ୍କୁ ଏହି କାମ କିପରି ଲାଗୁଥିଲା ? ଯୋହନ ୪:୩୪ ପଢ଼ନ୍ତୁ, ତାʼପରେ ଆଗକୁ ଦିଆଯାଇଥିବା ପ୍ରଶ୍ନଗୁଡ଼ିକ ଉପରେ ଆଲୋଚନା କରନ୍ତୁ:

• ଭଲ ଖାଦ୍ୟ ଖାଇଲେ ଆମେ ଜୀବିତ ରହୁ ଏବଂ ଆମକୁ ଖୁସି ମିଳେ । ଯୀଶୁ କାହିଁକି ଈଶ୍ୱରଙ୍କ ଇଚ୍ଛା ପୂରା କରିବାକୁ, ଉଦାହରଣ ପାଇଁ ଖୁସିର ଖବର ଶୁଣାଇବାକୁ ଖାଦ୍ୟ ସହ ତୁଳନା କଲେ ?

• ଆପଣ କʼଣ ଭାବନ୍ତି, ପ୍ରଚାର କଲେ ଆମକୁ କିପରି ଖୁସି ମିଳିପାରେ ?

 ଆମେ କʼଣ ଶିଖିଲୁ ?

ଖୁସିର ଖବର ଶୁଣାଇଲେ ଆମକୁ ଖୁସି ମିଳେ ଏବଂ ଅନ୍ୟମାନଙ୍କ ସହ କଥା ଆରମ୍ଭ କରିବା ଏତେ କଠିନ ବି ନୁହେଁ ।

ଆପଣ କʼଣ କହିବେ ?

• ଆମେ କାହିଁକି ଲୋକମାନଙ୍କୁ ଖୁସିର ଖବର ଶୁଣାଇବା ଉଚିତ୍‌ ?

• ଆପଣ ଲୋକମାନଙ୍କ ସହିତ ଆଦରର ସହ କିପରି କଥା ହୋଇପାରିବେ ?

• ଆପଣ ନିଜ ଡରକୁ କିପରି ଦୂର କରିପାରିବେ ?