ଧୀରେ ଧୀରେ ଆଦମ ଓ ହବାଙ୍କ ସନ୍ତାନ ବୃଦ୍ଧିହେଲେ ଏବଂ ପୃଥିବୀସାରା ବ୍ୟାପିଗଲେ। ଏପରି ଏକ ସମୟ ଆସିଲା ଯେତେବେଳେ କିଛି ସ୍ୱର୍ଗଦୂତ ଶୟତାନଙ୍କ ବିଦ୍ରୋହରେ ମିଶିଗଲେ।

ଏହି ଦୁଷ୍ଟସ୍ୱର୍ଗଦୂତ ମଣିଷ ଶରୀର ଧାରଣ କଲେ ଯାହାଦ୍ୱାରା ସେମାନେ ପୃଥିବୀର ନାରୀମାନଙ୍କୁ ବିବାହ କରି ପାରିବେ। ଏମାନଙ୍କ ଶାରୀରିକ ସମ୍ପର୍କରୁ ଯେଉଁ ସନ୍ତାନ ଜନ୍ମହେଲେ ସେମାନେ ଦୁଷ୍ଟ ଓ ଅତି ଶକ୍ତିଶାଳୀ ଥିଲେ।

ଏହିପରି ପୃଥିବୀ ଧୀରେ ଧୀରେ ଦୁଷ୍ଟଲୋକଙ୍କ ଦ୍ୱାରା ଭରିଗଲା। ଏହି ବିଷୟରେ ବାଇବଲ କହେ: “ପୃଥିବୀରେ ମନୁଷ୍ୟର ଦୁଷ୍ଟତା ଅତି ବଡ଼, ଆଉ ତାହାର ଅନ୍ତଃକରଣର ଭାବନାର ପ୍ରତ୍ୟେକ କଳ୍ପନା ଅବିରତ ମନ୍ଦମାତ୍ର।”

ନୋହ ଜଣେ ଭଲ ଲୋକ ଥିଲେ। ଯିହୋବା ଈଶ୍ୱର ନୋହଙ୍କୁ କହିଲେ ଯେ ସେ ଜଳପ୍ରଳୟ ଦ୍ୱାରା ସମସ୍ତ ଦୁଷ୍ଟଲୋକଙ୍କୁ ବିନାଶ କରିବାକୁ ଯାଉଛନ୍ତି।

ଯିହୋବା ନୋହଙ୍କୁ ଗୋଟିଏ ବିରାଟ ଜାହାଜ ତିଆରି କରି, ସେଥିରେ ନିଜ ପରିବାରକୁ ଏବଂ ସମସ୍ତ ପ୍ରକାରର ଜୀବଜନ୍ତୁ ରଖିବାକୁ ମଧ୍ୟ କହିଥିଲେ।

ନୋହ ଲୋକମାନଙ୍କୁ ଆସୁଥିବା ଜଳପ୍ରଳୟ ବିଷୟରେ କହିଲେ, କିନ୍ତୁ କେହି ଶୁଣିଲେ ନାହିଁ। କେତେକ ତାହାଙ୍କୁ ଥଟ୍ଟା ଓ ଘୃଣାକଲେ।

ଯେତେବେଳେ ଜାହାଜ ତିଆରି ହେଲା, ନୋହ ସମସ୍ତ ଜୀବଜନ୍ତୁଙ୍କୁ ଜାହାଜ ଭିତରକୁ ନେଇ ଆସିଲେ।