ଯିହୋବାଙ୍କ ସମସ୍ତ ସେବକମାନେ ତାହାଙ୍କ ପବିତ୍ର ସେବାରେ ଏପରି ଭଲ କାମସବୁ କରିପାରିବେ, ଯାହା ସେ ସର୍ବଦା ମନେ ରଖିବେ। ଠିକ୍‌ ଯେପରି ଜଣେ ପିତା ନିଜ ପିଲାଙ୍କ ଭଲ କାମଗୁଡ଼ିକୁ କେବେ ଭୁଲେ ନାହିଁ, ସେହିପରି ଆମେ ଯିହୋବାଙ୍କ ସେବାରେ କେତେ ପରିଶ୍ରମ କରୁ ଏବଂ ତାହାଙ୍କ ନାମକୁ କେତେ ପ୍ରେମ କରୁ, ତାହା ସେ କେବେ ମଧ୍ୟ ଭୁଲିବେ ନାହିଁ। (ମାଥି ୬:୨୦; ଏବ୍ରୀ ୬:୧୦) ଏହା ସତ ଯେ ଆମ ସମସ୍ତଙ୍କ ପରିସ୍ଥିତି ଓ ଦକ୍ଷତା ଭିନ୍ନ ଭିନ୍ନ ହୋଇଥାଏ। ତଥାପି ଯଦି ଆମେ ଯିହୋବାଙ୍କ ସେବା କରିବା ପାଇଁ ସମ୍ପୂର୍ଣ୍ଣ ଚେଷ୍ଟା କରୁ, ତେବେ ଆମେ ଖୁସି ପାଇପାରିବା। (ଗାଲା ୬:୪; କଲ ୩:୨୩) ଅନେକ ବର୍ଷ ହେଲା ହଜାର ହଜାର ଭାଇଭଉଣୀ ବୈଥେଲରେ ସେବା କରିଛନ୍ତି। କʼଣ ଆପଣ ମଧ୍ୟ ବୈଥେଲ ସେବା କରିବା ପାଇଁ ଆଗକୁ ଆସିବେ ? ଯଦି ଆପଣ ବୈଥେଲ ଯାଇପାରିବେ ନାହିଁ, ତେବେ କʼଣ ଆପଣ ଆଉ କାହାରିକୁ ଏହି ସେବା କରିବା ପାଇଁ ଉତ୍ସାହିତ କରିପାରିବେ ? କିମ୍ବା କʼଣ ଆପଣ ବୈଥେଲ ପରିବାରର କୌଣସି ସଦସ୍ୟଙ୍କୁ ସାହାଯ୍ୟ କରିବାକୁ ଚାହିଁବେ, ଯାହାଫଳରେ ସେ ବୈଥେଲରେ ନିଜ ସେବା ଜାରି ରଖିପାରିବେ ?

ବୈଥେଲ ସେବା ପାଇଁ ଆଗକୁ ଆସନ୍ତୁ (ହିନ୍ଦୀ) ନାମକ ଭିଡିଓ ଦେଖନ୍ତୁ। ତାʼପରେ ଏ ପ୍ରଶ୍ନଗୁଡ଼ିକର ଉତ୍ତର ଦିଅନ୍ତୁ:

• ବୈଥେଲରେ ସେବା କରିବା ପାଇଁ ଆପଣଙ୍କୁ କʼଣ ପ୍ରେରିତ କରିବା ଉଚିତ୍‌ ?

• ବୈଥେଲ ସେବାରୁ ମିଳୁଥିବା ଆଶିଷଗୁଡ଼ିକ ବିଷୟରେ କିଛି ଭାଇଭଉଣୀ କʼଣ କହିଛନ୍ତି ?

• ବୈଥେଲରେ ସେବା କରିବା ପାଇଁ କେଉଁସବୁ ଯୋଗ୍ୟତା ହେବା ଜରୁରୀ ?

• ଆପଣ ବୈଥେଲ ସେବା ପାଇଁ କିପରି ଆବେଦନ କରିପାରିବେ ?