ଏ ବର୍ଷରୁ ଆମକୁ ସ୍ମାରକର ପ୍ରସ୍ତୁତି କରିବା ପାଇଁ ଆହୁରି ଅଧିକ ସମୟ ମିଳିବ। ଯଦି ସ୍ମାରକ ସୋମବାରରୁ ଶୁକ୍ରବାର ମଧ୍ୟରେ କୌଣସି ଦିନ ପଡ଼େ, ତେବେ ସେହି ସଯ୍ତାହରେ ‘ଖ୍ରୀଷ୍ଟୀୟ ଜୀବନ ଓ ସେବା ସଭା’ ହେବ ନାହିଁ। ଯଦି ଏହା ଶନିବାର କିମ୍ବା ରବିବାର ଦିନ ପଡ଼େ, ତେବେ ଜନ ଭାଷଣ ଓ ପ୍ରହରୀଦୁର୍ଗ ଅଧ୍ୟୟନ ହେବ ନାହିଁ। ଆପଣଙ୍କୁ ବର୍ତ୍ତମାନଠାରୁ ଯେଉଁ ଅଧିକ ସମୟ ମିଳିବ, କʼଣ ଆପଣ ତାର ସଠିକ୍‌ ବ୍ୟବହାର କରିବେ ? ପ୍ରଥମ ଶତାବ୍ଦୀର ଖ୍ରୀଷ୍ଟିୟାନମାନଙ୍କ ଭଳି ଆଜି ଆମେ ମଧ୍ୟ ଏହି ବିଶେଷ ଅବସର ପାଇଁ ଆଗରୁ ପ୍ରସ୍ତୁତି କରିବା ଉଚିତ୍‌। [ଲୂକ ୨୨:୭-୧୩; ରାଜ୍ୟ ସେବା (ହିନ୍ଦୀ) ୩/୧୫ ୧] ଆମେ ନିଜ ହୃଦୟକୁ ମଧ୍ୟ ପ୍ରସ୍ତୁତ କରିବା ଉଚିତ୍‌। ଏହା ଆମେ କିପରି କରିପାରିବା ?

• ଚିନ୍ତନ କରନ୍ତୁ ଯେ ସ୍ମାରକରେ ଉପସ୍ଥିତ ହେବା କେତେ ଜରୁରୀ।—୧କରି ୧୧:୨୩-୨୬

• ଯିହୋବାଙ୍କ ସହିତ ଆପଣଙ୍କ କିପରି ସମ୍ପର୍କ ଅଛି, ସେବିଷୟରେ ଭାବନ୍ତୁ ଏବଂ ପ୍ରାର୍ଥନା କରନ୍ତୁ।—୧କରି ୧୧:୨୭-୨୯; ୨କରି ୧୩:୫

• ଯେଉଁ ପଦ ଓ ଲେଖାଗୁଡ଼ିକ ସ୍ମାରକର ଅର୍ଥ ବୁଝିବାରେ ସାହାଯ୍ୟ କରେ, ସେଗୁଡ଼ିକୁ ପଢ଼ନ୍ତୁ ଏବଂ ସେଗୁଡ଼ିକ ଉପରେ ଚିନ୍ତନ କରନ୍ତୁ।—ଯୋହ ୩:୧୬; ୧୫:୧୩

କିଛି ଭାଇଭଉଣୀ ଦୈନିକ ବାଇବଲ ପଦଗୁଡ଼ିକ ପ୍ରତି ଧ୍ୟାନ ଦିଅନ୍ତୁରେ ଦିଆଯାଇଥିବା ସ୍ମାରକ ସହ ଜଡ଼ିତ ପଦଗୁଡ଼ିକୁ ପଢ଼ନ୍ତି ଓ ଚିନ୍ତନ କରନ୍ତି। ତାʼ ଛଡ଼ା, ଏହି ଲେଖା ସହିତ ଦିଆଯାଇଥିବା ଚାର୍ଟରେ ମଧ୍ୟ ସ୍ମାରକ ସହ ଜଡ଼ିତ ପଦଗୁଡ଼ିକ ଦିଆଯାଇଛି, ଯାହା ଆଉ କିଛି ଭାଇଭଉଣୀମାନେ ପଢ଼ିଥାʼନ୍ତି। କିଛି ଲୋକ ପ୍ରହରୀଦୁର୍ଗରେ ଥିବା ଏପରି ଲେଖାଗୁଡ଼ିକୁ ପଢ଼ନ୍ତି, ଯେଉଁଥିରେ ସ୍ମାରକ ବିଷୟରେ ଏବଂ ଯିହୋବା ଓ ଯୀଶୁ ଖ୍ରୀଷ୍ଟଙ୍କ ପ୍ରେମ ବିଷୟରେ ବୁଝାଯାଇଛି। ଆପଣ ନିଜେ ନିର୍ଣ୍ଣୟ କରିପାରିବେ ଯେ ସ୍ମାରକର ପ୍ରସ୍ତୁତି ପାଇଁ ଆପଣ କʼଣ ପଢ଼ିବେ। ଏପରି କରିବା ଦ୍ୱାରା ଆପଣ ଯିହୋବା ଓ ଯୀଶୁଙ୍କର ଆହୁରି ନିକଟବର୍ତ୍ତୀ ହେବେ।